Лос Анџелес Клиперс – Kurir.mk

Вестбрук: Ленард е најдобриот кошаркар на светот

Ивона Петрова — Sat, 22 Apr 2023 14:44:46 +0000

Плејмејкерот на Лос Анџелес клиперс, Расел Вестбрук, смета дека Каваи Ленард е најдобриот кошаркар на светот. Каваи го пропушти мечот број 3 од серијата од првото коло во НБА плејофот против Феникс (1:2). -Жал и е за него. Во последно време игра неверојатна кошарка. Тој е најдобриот играч на планетата, да бидам искрен. Ментално, тешко му е да пропушти толку важни средби. Мило ми е што се обидува да ни даде поддршка и од клупата, изјави Вестбрук за „ESPN“. Четвртиот натпревар од серијата ЛА клиперс - Феникс ќе се игра вечер од 21:30 часот.

НБА ноќ во знак на Ивица Зубац

Ивана Ефремовски — Mon, 28 Nov 2022 08:47:15 +0000

Центарот на Лос Анџелес клиперс, Ивица Зубац постигна дабл-дабл на натпреварот против Индијана (114:100). Зубац имаше 31 поен и 29 скока (личен рекорд) со шут од поле 14 од 17 за 36 минути. Во четвртата четвртина Зубац беше исклучен поради шестиот фаул. Хрватот додаде и по три асистенции и блокади. Од сезоната 1973/74, ова е само трет пат во НБА-лигата кога играч на една средба постигнува 31 поен, 29 скока и 3 блокади. Последен пат тоа го направил легендарниот Карим Абдул-Џабар на 3 февруари 1978 година. Зубац воедно го повтори и достигнувањето на славниот Шекил О’Нил од 2004 година постигнувајќи 30+ поени, 25+ скокови со 80 и повеќе проценти од поле. Од 1981 година во НБА има само три дабл-дабл 30+30. (МИА)

Ленард: Ми недостигаше тимот

Ивона Петрова — Tue, 04 Oct 2022 10:09:43 +0000

Ѕвездата на Лос Анџелес клиперс, Каваи Ленард, ги сподели своите впечатоци од првиот натпревар одигран по пауза од 476 дена. За 16 минути на теренот во победата над Портланд блејзерс, Ленард имаше 11 поени, четири скока и по две асистенции и украдени топки. – Беше одлично. Бев воодушевен што бев на теренот против ривал на ниво на НБА за да ја ценам напорната работа што беше направена во 16 месеци од мојата повреда. Ми недостигаше чувството на единство со тимот, сите овие разговори. Телото се чувствува одлично. Јасно е дека нема да играм од самиот почеток 35-38 минути. Но, не брзаме, влегувам во форма, ова е процес, изјави Ленард. Кошаркарот последен пат играше натпревар на 14 јуни 2021 година, во НБА-плејоф кога скина лигаменти на коленото.

Клиперси потпишаа договор со Морган

Ивона Петрова — Sun, 25 Sep 2022 12:21:20 +0000

Лос Анџелес клиперс потпишаа договор со 25-годишниот Џувен Морган. Кошаркарпот минатата сезона ја заврши во Бостон селтикс. Во јули, Морган се пресели во Индијана како резултат на размената со Малколм Брогдон, по што беше изоставен од тимот. Во 52 натпревари во НБА, Морган имаше просек од 1,5 поени и 1,2 скока по натпревар.

Клиперс му дава на Зубац 33 милиони долари за тригодишен договор

Ивана Ефремовски — Wed, 29 Jun 2022 08:59:22 +0000

Лос Анџелес Клиперс се договорија за продолжување на договорот со хрватскиот центар Ивица Зубац. Агентите на Зубац објавија дека кошаркарот ќе заработи 33 милиони во следните три години. Се забележува дека клубот од Калифорнија ја одби опцијата за следната сезона за 7,5 милиони долари да потпише нов договор. Минатата сезона Зубац имаше просек од 10,3 поени, 8,4 скока и една блокада по натпревар. (МИА)

ВИДЕО: Клиперс го направи најголемиот пресврт во НБА од 2009 година

Ивона Петрова — Wed, 26 Jan 2022 08:22:55 +0000

Екипата на Лос Анџелес клиперс го направи најголемиот резултатски пресврт во НБА во последните 12 години. Клиперс ноќеска го победија Вашингтон со 116:115, иако во втората четвртина заостануваа 35 поени. На 20 секунди до крајот Вашингтон визардс водеше со седум разлика (114:107), но и тоа не беше доволно за успех. Победата на Клиперс ја донесе Лук Кенард, кој погоди тројка под фаул на 1,9 секунди до крајот на четвртата четвртина, по што го реализира и дополнителното слободно фрлање. Претходниот сличен камбек во НБА-лигата се случи пред 12 години на 21 декември 2009 година. Тогаш Сакраменто го победи Чикаго (102:98), надоместувајќи негатива од 35 поени на средбата.

The @LAClippers came back from 35 down tonight...the NBA's largest comeback since 2009!@LukeKennard5 added some late game heroics knocking down the game winning 4-point-play! #ClipperNation pic.twitter.com/jBE0uTpgzv
— NBA (@NBA) January 26, 2022

Клиперс го победиja Сакраменто и ја прекинаa серијата од три порази

Тале Кристо — Thu, 23 Dec 2021 08:06:50 +0000

Кошаркарите на Лос Анџелес клиперс рано утрово забележаа победа на гостувањето кај Сакраменто кингс со 105:89 и ја прекинаа серијата од три загубени средби. Најефикасен играч на натпреварот беше Тајрис Халибартон од Сакрамнето со 22 поена. Клиперс со биланс 17 победи и 15 порази се на 5.место во Западната конференција, Сакраменто има ефект 13-20 и се наоѓа на 12. место. На другите натпревари од НБА-лигата одиграни ноќта среда кон четврток постигнати се овие резултати: Атланта – Орландо 98:104 Бостон – Кливленд 111:101 Милвоки – Хјустон 126:106 Оклахома – Денвер 108:94.

Лос Анџелес клиперс инвестира две милијарди долари во сопствена сала

Дарко Андоновски — Sat, 18 Sep 2021 15:11:47 +0000

Американската професионалната кошаркарска екипа Лос Анџелес клиперс, во обид да излезе од сенката на многу попопуларниот градски ривал Лос Анџелес лејкерс, почна со изградба на сопствена сала во Инглвуд. Според најавите, салата со капацитет од 18.000 седишта ќе биде подготвена за вселување до почетокот на сезоната 2024/25. Американските медиуми јавуваат дека изградбата на салата ќе чини меѓу 1.8 и две милијарди долари. – Мораме гласно да кажеме „Ние сме свои“. Ќе имаме сопствен идентитет. Ќе имаме сопствена сала, која го отсликува нашиот идентитет, порача сопственикот на Клиперси, Стив Балмер. Клиперси се преселија во Лос Анџелес од Сан Диего во 1984 година и сè уште го чекаат својот прв настап во финалниот плејоф. Од друга страна, Лејкерси од доаѓањето во Лос Анџелес во 1970 година освоија 12 титули, од кои последната во 2020 година.

Лу: Ние сме тим гладен за победи

Тале Кристо — Sat, 19 Jun 2021 14:25:43 +0000

Тренерот на Лос Анџелес клиперс, Тајрон Лу ја коментираше победата на против Јута во четвртфиналната серија од НБА плејофот со 4-2. – Овој клуб е многу гладен и жеден за победи. Клиперси имаа многу одлични состави во минатите сезони, но многупати сме имале многу неуспеси и падови. Откако Каваи (Ленард) беше елиминиран поради повреда, сите мислеа дека приказната со Клиперс се повторува. Но, нашиот тим, нашите момци не се предаваат. Победата ја извојуваа преку апсолутен тимски напор. Сите ние сме тука и се обидуваме да победиме на натпреварите и подготвени сме да сториме сè за успех, изјави Лу. Јута водеше со 2-0 во серијата прв до четири победи. Сепак тимот од Калифорнија успеа да направи пресврт и со четири триумфи по ред да обезбеди конференциско финале.

Атланта и Лос Анџелес клиперс на чекор до конференциско финале

Тале Кристо — Thu, 17 Jun 2021 08:18:42 +0000

Екипата на Лос Анџелес клиперс триумфираше синоќа на гостувањето против Јута со 119:111 и поведе со 3:2 во серијата до четири победи во полуфиналето од плејофот на Западот, а на една победа до конференциско финале на Истокот дојдоа и кошаркарите на Атланта со гостински триумф во Филаделфија од 109 :106. Атланта во петтиот натпревар успеа да се врати од резултатска негатива од дури 26 поени, предводени од Треј Јанг, кој натпреварот го заврши со 39 поени и седум асистенции. Шестиот натпревар се игра в петок во Атланта. Триумфот на гостинските екипи синоќа во НБА лигата го комплетираше Лос Анџелес клиперс, предводен од фантастичниот Пол Џорџ, кој постигна 37 поени, додавајќи и 16 скокови. „Клиперси“ се домаќини на шестиот натпревар што, исто така, е на програмата утре.