Лос Анџелес Лејкерс – Kurir.mk

Леброн откри кога заминува во пензија

Ивона Петрова — Thu, 13 Jul 2023 14:43:31 +0000

Кошаркарот на Лос Анџелес лејкерс, Леброн Џејмс ќе се повлече од активно играње кога ќе почувствува дека не е способен да дава максимум на натпреварите. - Кога заврши сезоната, реков дека не сум сигурен дали ќе продолжам да играм. Во тој момент, постојано се прашував себеси, дали можам да ја играм оваа следната сезона без проблеми? Дали сè уште можам да дадам сè од себе на теренот? Да бидам искрен, овие прашања си ги поставувам веќе неколку години. Кога не можам да дадам максиму на паркетот, ќе си заминам. Среќа за вас, тој ден нема да биде денес, изјави Џејмс за „ESPN“. Триесет и осумгодишниот Џејмс е четирикратен НБА шампион (2012, 2013, 2016, 2020 година). Кошаркарот четири пати беше прогласуван за најкорисен играч во регуларниот дел од сезоната и финалната серија од плејофот. Џејмс претходно изјави дека последната сезона ќе ја помине во истиот тим со својот син, 17-годишниот Брони Џејмс.

Леброн: Не смееме да се опуштиме

Ивана Ефремовски — Sun, 07 May 2023 18:17:20 +0000

Најголемата ѕвезда на Лос Анџелес лејкерс, Леброн Џејмс, по убедливата победа (127:97) над Голден Стејт вориорс во треттио меч од плејоф серијата, ги предупреди соиграчите дека е невозможно да се опуштат со таков противник. -Не опуштајте се. Не смееме да си дозволиме да се опуштиме играјќи против тим како Голден Стејт. Мора да бидеме сконцентрирани. Ако се опуштиме, тие можат да победат три меча по ред или да направат што било. Затоа треба да продолжиме вака, запомнете дека овој тим е многу опасен, изјави Џејмс. Лос Анџелес лејкерс води со 2:1 во победи против Голден Стејт вориорс во серијата прв до четири. Четвртиот натпревар од четвртфиналето во НБА-плејофот ќе се игра повторно на теренот на Лејкерс ноќта меѓу понеделник и вторник (почеток 4 часот). (МИА)

Лејкерси поставија клупски рекорд со 15 тројки во првото полувреме против Пеликанс

Ивана Ефремовски — Wed, 15 Mar 2023 08:12:48 +0000

Кошаркарите на Лос Анџелес лејкерс, ноќеска го повторија клупскиот рекорд за погодени тројки во првото полувреме. Во првите 24 минути на средбата со Њу Орлеанс пеликанс (123:108), тимот од Калифорнија уфрли 15 прецизни удари од зад лакот. Во погодените тројки се истакна Малик Бисли кој реализира седум. Вкупно на натпреварот Лејкерси реализираа 18 од 39 обиди за три поени. По 69 одиграни натпревари ЛА лејкерс имаат 34 победи и 35 порази за во моментов 10. место во Западната конференција од НБА-лигата. (МИА)

Леброн Џејмс ќе пропушти неколку недели поради повреда

Ивона Петрова — Tue, 28 Feb 2023 07:28:08 +0000

Ѕвездата на Лос Анџелес лејкерс, Леброн Џејмс ќе биде надвор од терените неколку недели поради повреда на десната нога. Според информации во американските медиуми, Џејмс ќе мора да направи дополнителни прегледи пред да се знае попрецизно временска рамка за закрепнување. Четирикратниот МВП на НБА се повреди на крајот од третата четвртина против Далас во неделата (111:108). Триесет и осумгодишниот кошаркар сепак го продолжи натпреварот и му помогна на тимот да го направи најголемиот кам-бек оваа сезона во НБА. Лејкерси во првото полувреме имаа негатива од 27 поени. Лос Анџелес лејкерс моментално е на 12. место во Западната конференција на НБА-лигата со скор 29-32 (победи-порази). Оваа сезона, тимот има скор од 5-9 во натпревари без Џејмс во составот.

Леброн за рекорд во НБА: Не можев да го замислам ова ниту на сон

Ивана Ефремовски — Wed, 08 Feb 2023 08:11:29 +0000

Напаѓачот на Лос Анџелес лејкерс, Леброн Џејмс ги искажа впечатоците по поставувањето на нов НБА рекорд по бројот на поени во кариерата. Рано утрово Џејмс на натпреварот на домашен терен против Оклахома стигна до 38.390 поени и го надмина поранешниот центар на Лејкерс, Абдул-Џабар (38.387 поени). -Сакам да им се заблагодарам на навивачите на Лејкерс. Вие сте единствени и вашата поддршка ме водеше кон ова достигнување. Тоа што можам да бидам во присуство на таква голема легенда како што е Карим ми значи многу. Тоа е многу почесно. Ве молам дајте овации на мојата убава сопруга, ќерка, моите две момчиња, моите пријатели. На сите кои некогаш биле дел од оваа трка со мене во изминатите 20+ години. Сакам да ти се заблагодарам многу, бидејќи без тебе не би бил јас. НБА, Адам Силвер, покојниот великан Дејвид Стерн, ви благодарам што ми дозволивте да бидам дел од она за што отсекогаш сум сонувал. Такво нешто не можев ни да замислам на сон, го цитира Џејмс ESPN. Леброн ги постигна своите први поени во НБА на 30 октомври 2003 година. Му требаа 19,5 години да го собори рекордот на Џабар. (МИА)

Леброн Џејмс е четврти по асистенции во историјата на НБА

Ивона Петрова — Wed, 01 Feb 2023 11:16:34 +0000

Кошаркарот на Лос Анџелес лејкерс, Леброн Џејмс забележа 11 асистенции во победата над Њујорк (129:123 по продолжение) од тековната сезона во НБА-лигата. Според прес-службата на НБА, 38-годишниот Американец по овој показател се искачи на 4. место во историјата на лигата. Тој сега има 10.338 асистенции во кариерата. Леброн на листата ги помина Стив Неш кој има 10.335 асистенции и Марк Џексон кој има 10.334 асистенции. Пред него се Крис Пол (11.246), Џејсон Кид (12.091) и Џон Стоктон (15.806). Леброн оваа сезона играше на 41 натпревар од регуларната сезона во НБА, со просек од 7,1 асистенции по натпревар.

Џејмс и Мичел прогласени за играчи на неделата во НБА

Ивона Петрова — Tue, 10 Jan 2023 07:16:17 +0000

Кошаркарот на Лос Анџелес лејкерс, Леброн Џејмс и членот на Кливленд кавалирс, Донован Мичел се прогласени за најдобри играчи минатата седмица во Западната, односно Источната конференција на НБА-лигата. Џејмс неделата ја заврши со просек од 35 поени, 8,7 скока и 7,7 асистенции по натпревар. Мичел имаше просек од 37,7 поени, 7,3 асистенции и 5,3 скока по натпревар, а неделата ја започна со 71 поен постигнат на средбата со Чикаго булс.

Леброн открива како на 38 години успева да игра на високо ниво

Ивона Петрова — Wed, 04 Jan 2023 12:59:59 +0000

Напаѓачот на Лос Анџелес лејкерс, Леброн Џејмс раскажа како успева да игра на високо ниво на 38 години. Вчера против Шарлот, Џејмс постигна 43 поени и забележа 11 скока. – На 18 или 20 години се ви се дава на сметка на вештините и енергијата. Но, на 38 години, менталитетот е веќе важен. Колку можам да се одморам секој ден, како да спијам оптимално, како да се хранам правилно, како правилно да се однесувам со своето тело, изјави Џејмс за „Лејкерс дејли“. Оваа сезона Леброн одигра 29 натпревари од регуларната сезона во НБА, со просек од 29 поени и 8,2 скока.

НБА: Јокиќ собори клупски рекорд на Денвер

Ивона Петрова — Sat, 17 Dec 2022 11:49:21 +0000

Кошаркарите на Лос Анџелес лејкерс го совладаа синоќа на домашен терен Денвер со 126-108 во натпревар во кој гостинскиот центар Никола Јокиќ го собори клупскиот рекорд според бројот на скокови. Јокиќ дуелот го заврши со 25 поени, 11 скокови и осум асистенции и стана најдобар скокач во историјата на Денвер во НБА лигата. Јокиќ сега има 5.713 скокови, шест повеќе од Ден Ајсел. Резултати од натпреварите во НБА лигата одиграни ноќта меѓу петокот и сабота: Шарлот – Атланта 106:125, Детроит – Сакраменто 113:122, Бостон – Орландо 109:117, Кливленд – Индијана 118:112, Филаделфија – Голден Стејт 118:106, Торонто – Бруклин 116:119, Чикаго – Њујорк 94:114, Оклахома – Минесота 110:112, Далас – Портланд 130:110, ЛА Лејкерс – Денвер 126:108.

Денис Шредер: Леброн сака да игра уште 5-7 сезони и да заврши на 45 години

Ивона Петрова — Mon, 12 Dec 2022 10:48:39 +0000

Плејмејкерот на Лос Анџелес лејкерс, Денис Шредер, во интервју за германските новинари раскажа колку сезони сака да помине неговиот соиграч Леброн Џејмс во НБА-лигата пред да се пензионира. – Леброн ми кажа дека сака да игра уште 5-7 сезони и да заврши на 45 години, рече Шредер. Триесет и седумгодишниот Џејмс ја игра својата 20-та сезона во НБА. Тој започна да игра во лигата во 2003 година. Во тековната сезона Џејмс има просек од 26,2 поени, 8,5 скока, 6,3 асистенции и 1,2 украдени топки по натпревар.