лотарија – Kurir.mk

ВМРО-ДПМНЕ: Абази, Јовески и Ковачевски слика имаат – тон немаат, молчат за скандалот од 2,6 милиони евра со Лотарија кој е школски пример за корупција

Ивана Ефремовски — Tue, 31 Oct 2023 07:45:00 +0000

Ислам Абази и Љубомир Јовевски молчат за скандалот со изнајмувањето на простор од страна на државната Лотарија од компанија ХЕЈ, формирана пред неколку месеци, под крајно сомнителни услови. Оваа компанија е тесно поврзана со Артан Груби и кланот Зајас. Причината за молкот на првите луѓе на институциите на прогонот е јасна, на едниот на глава му се качени пола раководство на ДУИ, а другиот е седнат во скутот на власта, обвинуваат од ВМРО-ДПМНЕ.

„Затоа при очи се прават слепи пред школскиот пример за корупција и криминал. Државната лотарија која е предводена од поранешниот шеф на кабинетот на Артан Груби, Прпарим Бајрами, изнајмила деловен простор по 21 илјада евра месечно или за десет години 2,6 милиони евра од компанија каде еден од членовите на УО на Државна Лотарија е ангажиран. Зад компанијата ХЕЈ којашто за 6 месеци се основа, купи имот и фати милионски тендер, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас.

Груби и ДУИ се извор на коруптивни скандали. Но најстрашно од се е што органите на прогонот воопшто не ги ни истражуваат, а уште помалку ги санкционираат. Ниту премиерот има храброст да го истражи овој милионски скандал. Ковачевски, како и Абази и Јовески, има слика, тон нема. Ова мора да престане. Оваа корумпирана власт која се богати со народните пари мора да си замине, а потоа да одговара за секој проневерен денар“ - посочуваат од партијата.

Стоилковски: Случајот Лотарија е школски пример за криминал на ДУИ, само не за послушникот Јовески и Абази од Зајас!

Ивана Ефремовски — Mon, 30 Oct 2023 10:24:53 +0000

Наместо по должност да отвори очигледен предмет за Државна Лотарија, ЈО со Љубомир Јовески повторно молчи и се крие, надевајќи се дека ДУИ ќе го донесе Јовески за Уставен судија, а СДС ќе остане уште некој ден на власт. ЈО со Љубомир Јовески е најголемиот срам за Македонија. ЈО со Јовески наместо да гони криминалци, молкум одобрува криминал, а кога е повикано се крие зад други институции, посочува портпаролот на ВМРО-ДПМНЕ, Наум Стоилковски. -Молкум газејќи го правото за случајот Лотарија, ЈО Јовески уште еднаш покажува дека е само и само во функција да не падне владата на ДУИ со СДС. Милионски и милионски скандали и криминалии се поврзани со ДУИ, Ахмети и Груби, а ЈО со Јовески никаде ги нема! Случајот Лотарија, каде директор најмува од фирма каде е ангажиран член на УО на Лотарија, двајцата од кабинетот на Груби, случајот каде фирма од кланот Зајас за 5 месеци постоење стигнува до 2.6 милиони евра, е класичен школски предмет за Јавен Обвинител. Ама не и за послушникот Јовески и не за Ислам Абази од Зајас, вели тој. Стоилковски посочи дека ќе следува одговорност. -За нив нема предмет ни за дуќани во Скопје, ни за Соравија, ни за хотел на Шапка, ни за Лотарија, нема предмети за ништо поврзано со ДУИ. Да потсетам, одговорност од одговорно лице се бара за постапување спротивно на она што е должност, но и за непостапување според должноста. Наместо нова функција ќе следува лична одговорност за постапување или непостапување, истакна тој.

„Скандалот тежок 2,6 милиони евра на Лотарија и фирмата Хеј смрди на криминал- повторно се се врти околу Груби и кланот Зајас“

Катерина Бојаџиева — Sat, 28 Oct 2023 07:39:58 +0000

Скандалите околу Артан Груби се како бунар без дно. Кај да се свртиш околу него ќе видиш матни зделки и бизниси кои смрдат на корупција и криминал. Последниот случај е поврзан со Лотарија. Прпарим Бајрами, директорот на Лотарија, за 2.6 милиони евра изнајмува простор од фирма каде удел има и Шабан Азмовски Хамза, член на УО на Лотарија, а двајцата се дојдени од министерството на Артан Груби! Според сета логика, лица од блиска доверба на Груби, велат од ВМРО-ДПМНЕ. -Дополнително, Фирмата која добива ваков вносен бизнис е фирмата ХЕЈ којашто за 6 месеци се основа, купува имот и со тој имот добива тендер од 2.6 милиони евра. Лицето Армин Машовиќ кој што е еден од клучните играчи во овој бизнис со лотарија во исто време е од тимот партнери на Ерџан Сулкоски поврзан со семејните бизниси на кланот Зајас. Изврзани се како црева со една цел да прават матни зделки и да испумпуваат народни пари. Јавното обвинителство за гонење на организиран криминал молчи, Ислам Абази слика има тон нема кога се работи за скандали поврзани со ДУИ, а Јовевски хибернира. Она за кое што се платени од народот да го работат, тие го забошотуваат. Едниот заради тоа што е седнат во скутот на кланот Зајас, а другиот затоа што уште се надева на уставен судија. Тоа што молчат ги прави соучесници. За овој скандал, како и за многу други, ако ова обвинителство не сака да се занимава, ќе се занимаваат ослободените институции после изборите. Одговорност мора и ќе има, додаваат од партијата.

СКАНДАЛОЗНО: Неовластени проценувачи ја потпишале физибилити студијата за трите нови коцкарници на интернет

Super Admin — Thu, 26 Oct 2023 15:27:07 +0000

Физибилити студијата со која се правда потребата за основање на три нови друштва за приредување интернет игри на среќа е потпишана од неовластен проценувач, открива Плусинфо. Медиумот консултирал стручни лица и експерти кои работат на вакви студии за да добие прецизни информации како и на кој начин е направена студијата и дали истата „држи вода“. Според експертите, анализата на пазарот која треба да е една од клучните основи во секоја физибилити студија е оскудна, без релевантни извори на информации, наведени се низа паушални вредности и има целосна неконзистентност во изјавите. На пример, наведено е дека големината на пазарот на глобално ниво во 2021 година е 57,54 милијарди долари, се очекува раст од 11,7%, а подоцна во истата студија се наведува дека во 2023 година ќе изнесува 70 милиони долари!? Стручните лица посочуваат дека во студијата изостануваат сите суштински анализи и фази кои треба да ги содржи една ваква сериозна анализа. Така на пример воопшто нема фаза на припрема, односно подготвителни активности и во неа не се наведува што треба да содржи и кој дел од планираните инвестиции и тековни трошоци, нема фаза на реализација на проектот ниту фаза на ефектуирање. Исто така ја нема последната значајна фаза, а тоа е фаза на приклучување во систем. Според објавените информации финансиските анализи се исто така во голема мера погрешни и непрецизни.

„Во изготвените проектирани финансиски извештаи во студијата, основните претпоставки се паушално изразени, без повикување на извор на информации, без анализа на историски податоци, без презентирани компаративи и споредливи податоци, како и без наведување на никакви пазарни показатели.“ - вели еден од експертите консултиран на темата.

Истражувањето покажа дека физибилити студијата на новата видеолотарија формирана со амин на Артан Груби, ја изготвила и потпишала извесна Благица Сотировска. Таа е потпишана како изготвувач на Физибилити студијата за основање на три друштва за приредување на игри на среќа во Мај 2023 година. Лицето Благица Сотировска е проценувач од областа на Недвижен имот и трговско друштво, јавно претпријатие и други правни лица, меѓутоа не е овластен проценувач. Овластен проценувач е „Друштво за ревизија,проценка и финансиски консалтинг ЕЛИТ Данче ДООЕЛ Скопје“, каде што Благица Сотировска е вработена како проценувач. Согласно наведеното, проценувач ја има изготвено физибилити студијата, а не овластен проценувач, иако самата физибилити студија од страна на Благица Сотировска е потпишана како овластен проценувач. Во регистарот на овластени проценувачи од областа на Недвижен имот и трговско друштво, јавно претпријатие и други правни лица, воопшто не е наведена Благица Сотировска, туку правното лице каде што е вработена. Со тоа се заклучува дека неовластен проценувач ја прави физибилити студијата што е спротивно на законот. Анализата открива дека Благица Сотировска во студијата е потпишана како овластен инвестициски советник. Но, на интернет страницата на Комисија за Хартии од Вредност, во регистарот на инвестициски советници нема такво лице. https://www.sec.gov.mk/ucesnici Според добиените податоци од истражувањето Благица Сотировска е исто така потпишана како ревизор, но во регистарот на ревизори и во регистарот на овластени ревизори, исто така, нема такво лице. https://iorrm.org.mk/registers Скандалите очигледно не прекинуваат и нема да прекинат се додека конечно не се истражи овој случај од страна на истражните органи кои засега молчат и не реагираат. Неодамна други медиуми објави низа скандали во однос на други спорни постапки, јавни набавки и договори кои ги склучила новата Лотарија формирана од Владата во текот на летото, која очигледно одма се зафатила со многу работа. И додека јавно Груби и ДУИ се залагаат за намалување на штетните последици од игрите на среќа, во позадина дебело ќе се офајдат од овој бизнис притоа кршејќи низа закони за кои апелираат здруженијата на лиценцирани приредувачи со месеци наназад. СДСМ пак во целата оваа ситуација е во глувчешка дупка. „Очигледно дека сите заедно од власта имаат интерес за ваквите спорни постапки да се избуткаат до крај“- велат познавачите на индустријата за игри на среќа во објавената анализа.

ВМРО-ДПМНЕ: Груби во центарот на нов скандал – сомнителен е тендерот од 2,6 милиони на Лотарија со компанијата со конекции со кланот Зајас

Тале Кристо — Wed, 25 Oct 2023 06:28:06 +0000

Ковачевски нека не се прави домазет во својата влада, слика има тон нема. Пред носот му се случува скандал, а тој молчи затоа што не смее да му зуцне ништо на Артан Груби, велат во париското соопштение од ВМРО-ДПМНЕ. Имено Груби е централниот лик во новата шема со која 2,6 милион евра народни пари ќе се одлеат во џеб на негов близок соработник. Државна Лотарија, водена од Перпарим Бајрами, шеф на кабинетот на Груби во министерството за политички систем, изнајмила објект во скопско Визбегово и ќе плаќа над 21 илјада евра месечна кирија за период од 10 години! Објектот пак е во сопственост на компанијата ХЕЈ ДООЕЛ на Армин Машовиќ, познат како бизнис партнер со Ерџан Сулкоски, ортакот на зетот на Али Ахмети, Куштрим Смајлај! Овој лик кој е близок до кланот Зајас во февруари го купил објектот и за чудо за неколку месеци го добил овој милионски тендер од Лотарија. Истиот овој Машовиќ е бизнис партнер и со Шабан Амзовски кој е член на Управен одбор на Државна лотарија, што целиот скандал го прави уште поголем и посомнителен. Како црева се изврзале ликови блиски до Груби за да направат бизнис шема за добивање тендери и богатење на сметка на државниот буџет. Граѓаните гледа дека функционерите од оваа власт на ДУИ и СДС со народни пари направија бизнис империја и станаа милионери, стои во соопштението на ВМРО-ДПМНЕ.

Освоија 143 милиони евра: Цело село во Белгија доби на Европска лотарија

Ристе Здравков — Fri, 09 Dec 2022 14:48:38 +0000

Во селото Олмен, на северот на Белгија, 165 луѓе освоија, речиси, 143 милиони евра на Европската лотарија во оваа недела, што претставува најголем групен износ како награда во историјата на земјата. Портпаролот на „Еуромилионс“ ја „Ројтерс“ изјави дека за првпат така голема група на луѓе добила така голем износ на пари, бидејќи се проценува дека секој поединец ќе добие по околу 900.000 евра без данок. „Еуромилионс“ е игра на среќа на националната лотарија, која се организира во соработка со лотариите од Шпанија, Португалија, Ирска, Австрија, Швајцарија и Луксембург. Селото Олмен, според последните податоци од 2020 година, има вкупно 3.785 жители.

Жители на село во Белгија на лотарија заедно освоиле над 143 милиони евра

Ивона Петрова — Fri, 09 Dec 2022 09:07:14 +0000

Група од 165 жители на селото Олмен во белгиската провинција Антверпен освоила повеќе од 143 милиони евра на лотарија Јуромилионс (Euromillions). -Жителите на Олмен ги собрале парите и заедно купиле ливче во киоск. Секој од нив освои од по околу 868.000 евра, соопшти Белгиската државна лотарија. За жрепката во вторникот имало 27 милиони пријави. Џекпотот изнесувал 142.897.164 евра. Портпаролот на Државната лотарија, Јоке Вермоере изјави дека групните добивки во Белгија не се чести и дека ова е најголема група која некогаш освоила награда. Идентитетот на добитниците не е објавен.

Се јавил среќникот кој во Велика Британија освоил 184 милиони фунти: „Сега ќе може да си дозволи греење“

Ристе Здравков — Thu, 12 May 2022 19:40:35 +0000

Сите седум броеви на "EuroMillions" ги погодил на извлекувањето вчера, а веќе денеска се јавил за да ја преземе својата добивка. Во британската национална лотарија се јавил среќниот добитник кој на "Euromillions" освоил неверојатни 184 милиони фунти што е најголема добивка некогаш освоена во Велика Британија. Сите седум броеви ги погодил на извлекувањето вчера, а веќе денеска се јавил за да ја преземе својата добивка. Британците веднаш почнале да се шегуваат дека среќникот сега ќе може да ги плаќа сметките за греење со оглед на големиот раст на трошоците за живот, пишува "Daily Mail". Поради добивката, среќникот сега ќе биде илјада најбогати луѓе во државата, а ќе има поголемо богатство од Роби Вилијамс, Том Џонс и Ед Ширан. Сопственикот на добитниот лоз сам ќе одлучи дали сака да објави дека тој е среќниот добитник, а до тогаш нема да биде објавено ни местото каде е уплатен лозот. "Сега човеков ќе може да си дозволи греење", гласи еден од бројните коментари на социјалните мрежи.

Британец на лотарија освоил неверојатни 130 милиони евра

Тале Кристо — Sun, 06 Feb 2022 17:59:28 +0000

Британец освоил 130 милиони евра од лотаријата EuroMillions, пишува Дејли Стар. Името на среќниот добитник се уште не е откриено, но познато е дека тој ги погодил петочните добитни броеви 3, 25, 38, 43, 49 и Lucky Stars 03, 07. Самиот лоз чини 2,5 евра. Победникот ќе може да ги повлече средствата во рок од шест месеци. Лотаријата EuroMillions се игра во Франција, Шпанија, Обединетото Кралство, Луксембург, Белгија, Швајцарија, како и Португалија, Ирска и Австрија. Добивката се оданочува само во Швајцарија. Претходно, жител на Велика Британија освои два милиони фунти на лотарија и веднаш ја напушти работата во фабриката. Иан Блек (61) се враќал дома од ноќна смена во фабрика и застанал во продавница за да купи весник. Во исто време, тој купил лото тикет на билетарницата. Хартијата му донесе на човекот голема сума со многу нули.

Куќата од која избега наркобосот Ел Чапо се дава како награда на лотарија во Мексико

Ивона Петрова — Tue, 06 Jul 2021 07:14:11 +0000

Мексиканската влада како награда на лотарија нуди куќа од која во 2014 година побегна наркобосот Хоакин Гузман, познат како Ел Чапо кој потоа во САД беше осуден на доживотен затвор. Куќата која се наоѓа на североистокот од Мексико е проценета на 3,6 милиони пезоси (184.000 долари), се наведува на страната на Националната лотарија. Тоа е дел од понудата на вкупната награда во вредност од 12,5 милиони долари која владата ја намени на колото на 15 септември. Ел Чапо на 16 февруари 2014 година избега од таа куќа низ подземен тунел. Уапсен е шест години подоцна во Синалоа и пратен во затвор од кој повторно побегнал. Во 2016 година тој беше повторно уапсен и следната година предаден на САД, во јули 2019 е осуден на доживотен затвор. Казната ја издржува во еден од затворите со висока безбедност во Колорадо. Со години наназад беше сметан за најмоќниот трговец со дрога во светот.