ловџии – Kurir.mk

Две лица фатени во лов без дозвола, ниту оружјето не го поседувале законски

Ивана Ефремовски — Mon, 16 Jan 2023 18:55:56 +0000

На 15.01.2023 полициски службеници од Полициската станица Демир Хисар во ловиште „Лесково“, на место викано „Тепих“ во атарот на с.Смилево, ги затекнале во незаконит лов И.С. од с.Смилево и Н.Ѓ. со престој во с.Загориче, демирхисарско. Тие не поседувале ниту соодветна дозвола за лов ниту дозвола за оружјето, а од нив биле одземени ловни пушки и ловни куршуми. По документирање на случајот против нив ќе биде поднесена соодветна пријава во врска со чл. 80 ст.1.т.1 од Законот за оружје.

Сакале да ловат дивеч за време на „ловостој“, еве што најде полицијата кај четири лица од Тетово

Ивана Ефремовски — Fri, 10 Dec 2021 15:22:02 +0000

СВР Тетово поднесе кривична пријава против Б.Б.(30), Б.Е.(36), А.С.(21) и И.Р.(23), сите од Тетово, поради постоење основи на сомнение за сторено кривично дело „недозволено изработување, држење и тргување со огнено оружје или распрскувачки материи“ и „незаконит лов“. На 15.05.2021 на место викано „Три води“, полициски службеници ги затекнале пријавените во викенд куќа со ловечко огнено оружје. Б.Б бил затекнат со карабин „Сава Крањ“ калибар 8,57 мм со три куршуми, за кое не поседувал дозвола, Б.Е бил затекнат со ловна пушка „Ата Армс“ калибар 12 мм, футрола во која имало 37 патрони, пиштол „Glock“ калибар 9,19 мм со 16 куршуми, А.С. бил затекнат со ловечки нож со сечиво од 15 см, а со намера на ловиштето „Љуботен“ да ловат дивеч за време на „ловостој“.

Ловџии од Струмица пукале кон дивеч, а раниле човек

Ивана Ефремовски — Thu, 19 Mar 2020 14:28:34 +0000

СВР Струмица поднесе кривична пријава против М.Ѓ.(70) од с.Куклиш, поради постоење основи на сомнение за сторено кривично дело „тешки дела против општа сигурност“. На 26.01.2020 во атар на с.Раборци, струмичко, на место викано „Чепели“, додека М.Ѓ. и В.В., двајцата од с.Куклиш, како и Н.Н., М.Н., Д.Т. и Љ.Н., сите од Струмица, биле на лов на дивеч. М.Ѓ. во еден момент испукал кон дивечот, но го погодил Н.Н.(65) во пределот на градите.

Aфера „Ловец“: Со злоупотреба на политичката моќ, локални моќници на СДСМ вршат насилно преземање на ловното друштво во Македонски Брод

Дарко Андоновски — Fri, 24 Jan 2020 15:59:40 +0000

Отвореното писмо интегрално ви го пренесуваме во целост Здружението на граѓани „Ловно друштво ПЕСЈАК“ со седиште во Македонски Брод успешно функционира уште од своето основање во далечната 1976. година. Здружението секогаш се водело принципот на меѓусебно почитување на членовите – ловци, без оглед на личната национална и етничка припадност и политичка определба, а единствените нешта кои ги поврзувале како членови на здружението биле пасијата кон ловот и зголемување на животинскиот фонд во тој крај од Македонија. Сепак, локални моќници на СДСМ решиле да го претворат здружението во поле за партиски пресметки, по принципот “Кога јас сум на власт во Македонски Брод, мора да раководам со сè, па зошто да не со ловното друштво?“. Па така, уште во летото минатата година, кога се одржувале редовни избори во здружението, партиски послушници на СДСМго нарушиле изборниот процес, целата вест можете да ја прочитате ТУКА. По извесно време се состанале на тајна локација (надвор од просториите на здружението), каде „глумеле“ избори, направиле низа фалсификати со кои за нов претседател го “крунисале“ Дејан Андрески, член на централниот одбор на СДСМ во Македонски Брод. Така фалсификуваните документи ги поделе во Централниот Регистар – канцеларија Гостивар, со цел овој орган и официјално да ја спроведе незаконитата промена. Насетувајќи на што сè се подготвени само за да ги исполнат партиски наредби, тековното раководство на здружението веднаш прати две известувања до Централниот Регистар (и до канцеларијата во Прилеп – каде што се наоѓа регистарската влошка со сите документи на здрушението, и до самиот главен регистратор на Централниот Регистар на РМ во Скопје– Павлина Голејшки). Со тоа здружението уредно ги извести овие органи дека тековниот претседател на здружението е реизбран и е со нов мандат. Но што е уште поважно, со овие известувања здружението го информираше Централниот Регистар за противправните планови за насилничко преземање на здружението, па му укажа особено да внимава доколку прими какво било барање за регистрирање на промена, затоа што се работи за факсификувана документација. Особено симптоматично е тоа што фалсификуваната документација за промена била поднесена во канцеларијата на Централниот Региста р во Гостивар (ниту во многу поблиската канцеларија во Прилеп, каде што и се наоѓа регистарската влошка на здружението, ниту во Скопје каде што е главната дирекција на Централниот Регистар). Очигледно, во канцеларијата во Гостивар “пробило шилото“, па така предметот за незаконитата промена дошол на масата на регистраторот во Гостивар Даниела Страшеска (која работи по овластување на главниот регистратор Павлина Голејшки). Регистраторот Страшеска воочила дека документацијата е несоодветна, но наместо да го одбие барањето за промена, на подносителот Дејан Андрески (незаконски крунисаниот нов претседател на здружението) му дала дополнителен рок за корекции на документацијата. Тие корекции, секако, можеле да бидат само нов фалсификат .„Лудилото“ отишло дотаму што (повторно на тајна локација) организираната група “одглумила“ нови избори, направиле целосно нова фалсификувана документација и како таква ја поднеле до регистаторот во Гостивар. Регистраторот Даниела Страшеска (во услови кога пред себе имала два комплета документи за иста работа, како и укажувањата на здружението дека се работи за фалсификат, наместо барањето за промена да го одбие и случајот да го пријави кај надлежните органи, донела решение со кое Дејан Андрески се регистрира за нов претседател на ловното друштво. На тој начин, борбата за правда и слобода на здружување на ловците од Македонски Брод се претвори во битка на Давид против Голијат. За среќа на правниот поредок, “шилото“ на неправдата не успеало да пробие секаде. Решавајќи по вложената жалба против решението на регистраторот од Гостивар, Комисијата на Централниот Регистар надлежна за решавање по жалби (составена од еминентни правници и други докажани стручни лица) жалбата ја уважи, ги констатираше незаконитостите во постапката, па решението го поништи, а предметот го врати на гостиварскиот регистратор за повторно одлучување. Секако, “лудилото“ не застанало ниту тука. Сега, кога веќе и било укажано каде згрешила при постапувањето првиот пат, регистраторката во Гостивар наместо да го одбие барањето за промена, на 31.12.2019.година донела ново решение идентично како и претходното, со кое како претседател на здружението го запишува Дејан Андрески - очигледно новогодишен подарок за членот на централниот одбор на СДСМ во Македонски Брод. (Извадок од архивата на ЦРМ од решението) Останува прашањето какво е противправното влијание на локалните(или можеби поголемите) моќници во целата работа, има ли политички интерес или само личен интерес за ваквите организирани противправни дејствија? Дали работата се завршила за некому да му се угоди или во прашање е нешто друго... а можеби и само за еден РУЧЕК се завршила целата работа.Останува и прашањето зошто партиската машинерија на СДСМ “заглибила“ во криминал за да добие едно ете, да има свој човек за претседател на здружение на граѓани? Што е следно? Дали така ќе менуваат и претседатели на куќни совети, или можеби веќе го прават тоа? Овие прашања ќе добијат одговор во друга, посебна постапка. Во мометов е поднесена и нова жалба на ново-старото решение, а силно веруваме дека комисијата како второстепен орган повторно ќе постапи согласно законот и нема да дозволи да биде вовлечена во дворските и политички игри. Воедно ја известуваме јавноста дека нашата борба за правда не застанува со постапката по жалба. Нашиот адвокатски тим помогнат од експерти од невладиниот секторги анализира обемните докази кои укажуваат на тоа дека организирана група лица сторила низа кривични дела во целиот процес на ваквото насилничко, незаконито и неумесно преземање на ракоовдењето со ловното друштво. По завршувањето на анализата, доказите со кривична пријава ќе бидат предадени на надлежното обвинителство. Сметаме дека врз основа на доказите обвинителството ќе отвори истрага во која лесно ќе се утврди дека, на пример, летото 2019.годинаповеќе лица уплаќале членарина на ловното друштво за подоцна да тврдат дека имаат право на глас (иако знаеле дека за такво нешто мора да бидат регистрирани членови, со потпишана пристапница), други лица пак фалсификувале исправи ,трети истите ги употребиле пред Централниот Регистар, одредени лица во текот на целиот процес противправно влијаеле кај надлежните ортани, за да на крај службени лица во Централниот Регистарсо злоупотреба на службената положба и несовесно работење во службатаја завршатцелата мисија и да извршат незаконит упис . ЗА ОВА СРАМНА КОАЛИЦИЈА ЗА НЕПРАВДА ќе мораме да ги известиме и странските претставници во државава, а нашата нерамноправна борба нека биде еден мал придонес од ловците за владеење на правото коетреба да биде врвен приоритет за сите граѓани. Јавноста секако ќе биде соодветно известена за сите настани поврзани со наведеното погоре. Со ловечки поздрав и крик за правда Група ловци – членови на здружението “ПЕСЈАК“ Македонски Брод, стои во нивното отворено писмо до јавноста.

Ловџии имате ли човечност и хуманост: Застрелан орел со сачмарка и растргнат помеѓу две дрва (ФОТО)

Дарко Андоновски — Sat, 12 Oct 2019 19:57:03 +0000

На Фејсбук се појавија фотографии на кои бурно реагираа корисниците на оваа социјална мрежа. Станува збор за застрелан орел со сачмарка, а усмртениот плен бил врзан на двете крилја и растргнат помеѓу две дрва. Во постот на Фејсбук се прашува и дали ловџиите имаат малку човечност и хуманост во нив. Господа ловџии.. само да прашам?? Малку човечност, хуманост.. се има или?? Во близина на село Лугунци, орел застрелан со сачмарка усмртен, врзан на двете крила и растргнат .. па каде го има ова???

„Дојде живот“ за ловџиите во Македонски Брод

Дарко Андоновски — Sat, 07 Sep 2019 14:03:50 +0000

До редакцијата на КУРИР се обратија група разочарани ловџии кои се пожалија на притисокот кои го вршат луѓе поврзани со власта при изборот на нов претседател на ловечкото друштво во Македонски Брод. Имено при изборот на делегати за ловното друштво упаднал командирот на полициската станица во Македонски Брод со одредена група ново вработени полицајци, а еден од нив бил и братот на една пратеничка од Македонски Брод, а друг син и внук на градоначалникот на Македонски Брод и го нарушиле процесот на избор и вршеле притисок врз членовите. На ден 04.09 2019 година во 18 часот во моментот кога требало да се одржи избор на делегатите во најголемата подружница на ловечкото друштво кои потоа требало да го изберат претседателот на ловечкото друштво се случило досега невиден преседан и упад во легитимноста на изборот на истите. Имено од на никој член ловец необјасниви причини на лице место присуствувал командирот на Полициската станица во М. Брод и од него контролирани непосредно на последниот конкурс примени полицајци, братот на командирот, синот и внукот на градоначалникот, директорот на ЈКП Комуналец М. Брод како и негови општи работници од претпријатието, како и братот на пратеничката воедно и директор на Здравствениот дом во Македонски Брод кои со наводна уплата од прва рата која ја уплатуваат членовите ловци сакале и тие да учествуваат и да донесуваат одлуки за тоа кои да бидат избрани делегати. Ова сето има една единствена цел за претседател да го изберат претходниот лидер на огранокот на СДСМ, стои во нивното отворено писмо од разочараните ловџии.

„Ловџии“ пукале во овчарски кучиња, едно усмртиле а друго повредиле

Ивана Ефремовски — Sun, 09 Dec 2018 15:06:31 +0000

Непознати лица, пукале во овчарски кучиња кои што биле со стадото, при што едно куче настрадало, а другото било повредено На 08.12.2018 година во 17 часот во Секторот за внатрешни работи Штип Г.Г.(47) од Штип пријавил дека истиот ден во 11,30 часот додека го напасувал своето стадо овци и кози во местото викано „Чингиица“ атар на с.Долани, непознати лица, најверојатно ловџии, со неколку истрели пукале во неговите овчарски кучиња кои биле со стадото. Едното куче било усмртено, а другото повредено. Се превземаат мерки за целосно расчистување на случајот.

Несовесни ловџии предизвикале пожар во Галишки ливади

Ристе Здравков — Sun, 28 Oct 2018 13:14:09 +0000

Несовесни ловџии предизвикале пожар во месноста Галишки ливади, меѓу кавадаречките села Галиште и Ќесендре. Горат суви паднати гранки, трева и лисја на површина од три хектари пасишта, информира Петко Ристовски, шеф по заштита на шуми во „Бор”, подружницата на ЈП „Македонски шуми”. -Приземниот пожар има зафатено и еден хектар букова шума. Пламените јазици ги гаснат пет наши работници со едно теренско возило, четворица пожарникари од Територијалната противпожарна единица од Кавадарци, а на помош ќе дојдат и вработени од блиското ловиште, изјави Ристовски. Според него, многу скоро пожарот ќе биде локализиран и нема да се прошири и да направи поголеми штети.