ловџија – Kurir.mk

БИЛ НА ЛОВ И РАНИЛ ЧОВЕК: Ловџија заврши со лисици на рацете, а жител од кочанско во болница

Тале Кристо — Mon, 03 Jan 2022 16:49:01 +0000

На 02.01.2022 во 15.30 часот, полициски службеници од Полициската станица Кочани го лишиле од слобода Л.С.(54) од с.Долни Подлог, кочанско, затоа што околу 08.55 часот, за време на лов во атар на с.Јастребник испукал еден куршум од пушка „Застава М-70“ калибар 30-06 и го погодил М.С.(55) од Кочани, нанесувајќи му повреда. М.С. бил пренесен во Медицински центар Кочани за укажување лекарска помош. Се работи на расчистување на случајот, по што ќе биде поднесена соодветна пријава.

Тешко повреден ловџија во Матејче

Катерина Бојаџиева — Mon, 29 Nov 2021 15:54:06 +0000

Во СВР Куманово вчера во 14.35 часот било пријавено дека во местото викано „Голем камен“, во атар на село Матејче, општина Липково, додека биле на лов, А.В.(37) од с.Матејче со ловечка пушка го повредил Л.С.(45) од Липково. Тој се здобил со тешки телесни повреди констатирани во Општа болница Куманово. Екипа од СВР Куманово извршила увид на место на настанот и се преземаат мерки за расчистување на случајот.

Ловџија од Липково повреден со пушка при лов од друг ловџија

Дарко Андоновски — Mon, 29 Nov 2021 11:54:12 +0000

Четириесет и петгодишен ловџија од Липково бил повреден при лов, соопшти денеска СВР Куманово. Тој вчера ловел со друг ловџија од Матејче кој го повредил со пушка. – Вчера во 14:35 часот во СВР Куманово било пријавено дека во местото викано „Голем камен“, во атар на село Матејче, Општина Липково, додека биле на лов, А.В. (37) од село Матејче со ловечка пушка го повредил Л.С. (45) од Липково, информираше полицијата. Тој се здобил со тешки телесни повреди констатирани во Општа болница Куманово. Екипа од СВР Куманово извршила увид на место на настанот и се преземаат мерки за расчистување на случајот.

Ловџија од Струмица кривично ќе одговара

Ивана Ефремовски — Tue, 23 Nov 2021 17:03:24 +0000

Надворешната канцеларија за криминалистички работи Берово поднесе кривична пријава против Т.Ф.(62) од Струмица, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“. На 31.01.2021 во Берово, на место викано „Црвени брегови“, пријавениот бил затекнат во лов со ловечка пушка „ИЖ 58“ калибар 16 мм, за која не поседувал дозвола.

ТРАГЕДИЈА УТРОВО ВО МАКЕДОНИЈА – си го застрелал пријателот на лов бидејќи мислел дека е дива свиња

Дарко Андоновски — Sat, 30 Oct 2021 09:21:20 +0000

Шеесет и седумгодишен кумановец утринава е убиен додека бил на лов во кумановското село Гарбеш. Ловџијата го застрелал негов пријател со кого заедно заминале на лов на дивеч. Од повредите ловџијата починал на самото место. Несреќата се случила утринава околу 8 часот, во шума во близина на селото Габреш. „Во 08.00 часот во СВР Куманово И. С. (59) од Куманово пријавил дека во село Габреш, место викано Островица, пукајќи во лов го застрелал Ч. Р. (67) од село Лопате. Од страна на Брза помош е констатирано дека лицето починало, а увидот е се уште во тек“, соопшти СВР Куманово. Неофицијално, ловџиите утринава заедно заминале на лов, по што се разделиле. По извесно време без да знаат се приближиле еден до друг во густиот дел шумата, по што ловџијата мислејќи дека видел дива свиња пукал во пријателот. Полицијата работи на расчистување на случајот.

Детали за несреќата: Познат идентитетот на ловџијата кој им подлегна на повредите откако беше застрелан

Ивана Ефремовски — Mon, 18 Jan 2021 11:13:11 +0000

На 17-ти јануари 2021 во 11:06 часот во Полициската станица Прилеп било пријавено дека во атар на с.Витолиште, прилепско, Ѓ.К.(25) од Прилеп бил погоден од куршум од ловечка пушка од едно лице од ловната група. Околу 14.55 часот од екипа на Итна медицинска помош било констатирано дека Ѓ.К. им подлегнал на повредите. По наредба на Јавен обвинител телото било предадено на обдукција. Во врска со настанот од слобода е лишен С.П.(50) од Прилеп, кој бил приведен во полициска станица. Се преземаат мерки за целосно расчистување на случајот.

Испукал со пушката и го повредил пријателот ловџија

Ивона Петрова — Sun, 27 Dec 2020 16:15:21 +0000

На 26.12.2020 во 07,00 часот во СВР Битола било пријавено дека во атар на с.Лева Река, ресенско, кај место викано „Честак“, Д.Ф.(36) од Ресен, и Х.Т.(30) од с.Крушје, отишле на лов, при што во еден момент Д.Ф. испукал еден патрон со кој го погодил Х.Т., информира МВР. Х.Т. бил пренесен во Клиничка болница Битола за укажување на лекарска помош. На местото на настанот била пронајдена ловечка пушка „Бајкал“ кал.12х70мм. Извршен е увид на местото на настанот и се преземаат мерки за расчистување на случајот.

Наместо дивеч ловџија го погодил во гради пријателот

Ивона Петрова — Mon, 27 Jan 2020 11:03:59 +0000

Во Полициската станица Струмица вчера било пријавено дека во 08.00 часот на место викано „Чепели“, атар на село Раборци, струмичко, Н.Н.(64) од Струмица, додека бил на лов заедно со други лица, бил погоден од ловен патрон во пределот на градите. -Според пријавеното, патронот бил испукан од М.Ш.(69), со кого биле заедно во лов, но го погодил Н.Н., кој се здобил со тешки телесни повреди и бил пренесен во комплексот клиники „Мајка Тереза“ во Скопје, информираат од МВР. Увид на местото извршиле Јавен обвинител и увидна екипа на СВР Струмица.

Ловџија повреден од експлозивна направа

Ивона Петрова — Mon, 02 Dec 2019 09:45:33 +0000

С.Б.(65) од с.Обршани вчера бил донесен во повреди во Градската општа болница Прилеп. Од болницата случајот го пријавиле во полиција. -Според пријавеното од страна на Ж.П. од с.Обршани и Д.Ш. од Прилеп, околу 12.00 часот, додека биле на лов покрај брегот на Црна Река, С.Б. бил повреден од експлозивна направа, информираат од МВР. Се преземаат мерки за расчистување на случајот.

Ловџија повреден за време на лов во Мариово

Ивона Петрова — Mon, 25 Nov 2019 10:46:27 +0000

СВР- Битола информира дека во текот на вчерашниот ден за време на лов во Мариово бил повреден четириесет и шестгодишниот М.Б. од пелагониското село Добрушево. Несреќниот случај најнапред бил пријавен во Клиничка болница – Битола, а потоа и во СВР – Битола. -Во текот на вчерашниот ден во СВР Битола беше пријавено дека во Клиничка болница – Битола е пренесено повредено лице. Од страна на увидна екипа при СВР Битола извршен е увид при што е утврдено дека станува збор за М. Б (46) од с. Добрушево кој, според пријавеното, околу 10:00 часот бил на лов со синот Х.Б., како и со П.В. и С.М., при што тој бил погоден од огнено оружје во атарот на селото Градешница – Мариово. Кај М.Б биле констатирани телесни повреди и укажана му е лекарска помош, информираа од СВР-Битола и најавија проверка на причините за несреќниот настан.