ловечка пушка – Kurir.mk

Поседувал ловечка пушка без дозвола, па доби кривична пријава

Ивана Ефремовски — Sat, 08 Apr 2023 19:03:13 +0000

СВР Битола поднесе кривична пријава против А.М.(59) од село Меџитлија, битолско, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материјали“. Кај пријавениот била пронајдена ловечка пушка „ТОЗ“ калибар 16 без дозвола за поседување на огнено оружје.

Со ловечка пушка испукал еден куршум во воздух близу постојка на железничка станица

Дарко Андоновски — Mon, 07 Nov 2022 15:16:41 +0000

На 06.11.2022 околу 19.50 часот во с.Виничани, велешко, полициски службеници од СВР Велес го лишиле од слобода Ј.С.(75) од с.Виничани. Во близина на железничката постојка во с.Виничани, тој испукал еден куршум во воздух од огнено оружје. Тој бил приведен во полициска станица и кај него била пронајдена и одземена ловечка пушка. По целосно документирање на настанот ќе следи соодветен поднесок.

Затекнат кочанчанец како врши неазаконит лов: Полицијата го одзела оружјето, лицето приведено

Магдалена Андонова — Fri, 14 Jan 2022 10:27:03 +0000

На 13.01.2022 полициски службеници го лишиле од слобода Ј.П. (58) од Кочани, бидејќи во место викано „Потоците“, атар на Оризари, кочанско, бил затекнат како врши незаконит лов со ловечка пушка „цифсан ЦСП 555“ калибар 12 ГА. Од страна на полициски службеници биле одземени ловечката пушка со ремник, испукан ловен патрон калибар 12 ГА, ловна муниција 34 броја калибар 12 ГА. По целосно документирање на случајот против Ј.П. ќе биде поднесена соодветна пријава.

Приведен кочанчанец, во својата викенд куќа со ловечка пушка усмртил куче

Магдалена Андонова — Wed, 05 Jan 2022 17:25:29 +0000

На 04.01.2022, полициски службеници од Полициската станица Кочани го лишиле од слобода Ј.М.(64) од Кочани, бидејќи околу 12.30 часот во дворно место од неговата викенд куќа, на место викано „Копачите“, атар на Кочани, со ловечка пушка усмртил куче. Ловечката пушка „Црвена застава“ калибар 16 мм била одземена, а увид извршила екипа од ОВР Кочани. По документирање на случајот против Ј.М. ќе биде поднесена соодветна пријава.

ХАОС ЕДЕН ЧАС ПО ДОАЃАЊЕТО НА ВЕЛИГДЕН: Ги поканил на семејна веселба, се појавиле со ловечка пушка и боксирач

Дарко Андоновски — Sun, 19 Apr 2020 11:47:09 +0000

Утрово околу 01,00 часот во скопското село Долно Соње, во куќа на ул.12. сопственост на П.К. (56) од Скопје, каде што претходно имало семејна веселба, се случил инцидент во кој биле употребени ловечка пушка и боксирач. Од МВР денеска информираат дека во куќата во село Долно Соње дошле лицата М.М. (27) и С. Т (24), кои од страна на сопственикот биле поканети и по кусо време заминале. Но набргу пак се вратиле при што С.Т. со себе носел ловечка пушка, а пак М.М. боксирач. – Влегле во дворот на куќата при што М.М. го нападнал Б.К. (27) инаку син на сопственикот на куќата, а пак С.Т. испукал еден проектил во правец на неколку лица. Во тој момент лицето Н.К. ја фатил пушката што била во рацете на С.Т. по што вториот проектил бил испукан во воздух. По ова М.М. и С.Т. го напуштиле местото на настанот, се појаснува во соопштението од МВР. Веднаш по известувањето на полицијата на местото на настанот се упатиле припадници на ЕБР и полициски службеници од полициската станица Кисела Вода, а лицата М.М. и С.Т. се пронајдени и приведени во станица за понатамошна постапка. Се работи на целосно расчистување на случајот.

Хорор во скопско: Младо момче се самоуби со ловечка пушка

Ивона Петрова — Wed, 24 Jan 2018 10:17:17 +0000

Дваесет и шест годишниот И.Б. вчера утрината извршил смаоубиство со ловечка пушка во една од собите во куќата каде живеел во скопско Таор.

Извршен е увид на местото на настанот.

По наредба на Јавен обвинител, телото на починатиот е предадено на Институтот за судска медицина за обдукција.