лозана – Kurir.mk

Борко ќе го тужи МОК во Лозана: Парите што ќе ги добијам ќе ги поделам на ФК Вардар и на РК Вардар

Ристе Здравков — Fri, 28 Apr 2023 11:17:30 +0000

Борко Ристовски на денешната прес-конференција објави дека ќе поднесе и тужба против Македонскиот Олимписки Комитет за изречената суспензија. Воедно, тој стави на знаење дека парите што би ги добил од тој судски процес ќе ги додели на клубовите на кои би им биле добредојдени. „Јас во последните денови бев во контакт со неколку адвокати од странство и сите ми кажаа дека имам правна основа за тужба до Спортскиот суд во Лозана. Јас ќе го искористам тоа право и во наредниот период ќе испратам тужба до овој суд. Сакам јасно да ставам до знаење дека немам намера да заработам со парите што би ги добил бидејќи јас ова не го правам за пари. Онаа сума што судот ќе ми ја додели, а ќе се движи од 180.000 до 230.000 евра веднаш ќе ја поделам, половина за РК Вардар и половина за ФК Вардар“, изјави Ристовски.

Судот во Лозана ја одби жалбата на Руската фудбалска федерација

Тале Кристо — Fri, 18 Mar 2022 19:02:59 +0000

Судот за спортска арбитража (CAS) со седиште во Лозана ја отфрли денеска жалбата на Руската фудбалска федерацијаа на одлуката на Меѓународната фудбалска асоцијација (ФИФА) да ја исклучи од дополнителните квалификации за пласман на Светското првенство 2022 во Катар, поради инвазијата на Украина. Русите кон крајот на овој месец требаше да ги пречекаат Полјаците во Санкт Петерсбург, но ФИФА ги дисквалификуваше и со тоа Полска директно се пласираше во финалниот бараж во кој за противник ќе го има победникот од дуелот меѓу Шведска и Чешка. Судот во Лозана претходно во вторникот ја потврди и одлуката на Европ ската фудбалска федерација (УЕФА) за забрана за настап на руските екипи во европските купови. Дел од западните агенции, сепак, вечерва јавија дека одлуките на Судот во Лозана сè уште не се правосилни, бидејќи некои постапки сè уште се во процедура, а CAS не ги објави датумите за рочиштата. – Оспорената одлука на ФИФА останува на сила и сите руски репрезентации и клубови и натаму се суспендирани од учества во натпреварувањата во организација на ФИФА. Арбитражната постапка продолжува. Во моментов се конституира судскиот совет и странките разменуваат писмени поднесоци, се наведува во соопштението на CAS.

Во Лозана 2.500 студенти во карантин поради Ковид-19

Магдалена Андонова — Thu, 24 Sep 2020 11:09:37 +0000

Здравствените власти во Швајцарија одредија карантин за 2.500 студенти на престижниот Факултет за угостителство во Лозана поради појавата на голем број жаришта на вирусот Ковид-19. Според властите во швајцарскиот кантон Во, мерката карантин се однесува на сите студенти на додипломски студии на тој универзитет. Се претпоставува дека ширењето на инфекцијата се должи на организирање една или повеќе забави надвор од универзитетскиот комплекс, најверојатно пред воведувањето на нови анти-епидемиски мерки во тој кантон во средината на овој месец. Од студентите, 11 студенти се позитивни на коронавирусот, но никој од нив не е хоспитализиран. Универзитетот, кој има вкупно околу 3.500 студенти, ги презема сите неопходни мерки за продолжување на наставата преку Интернет. (МИА)

Бока Јуниорс поднесе жалба во Лозана

Ивана Ефремовски — Sat, 08 Dec 2018 10:55:02 +0000

Бока Јуниорс поднесе жалба во спортскиот арбитражен суд во Лозана со барање за службена победа во реваншот од финалето на Копа Либертадорес против Ривер Плата. Првата средба заврши 2:2, а реваншот беше одложен откако навивачите на Ривер Плата го искршија клупскиот автобус на Бока, а некои од играчите на тимот настрадаа при нападот. Натпреварот беше презакажан за 9 декември на стадионот „Сантијаго Бернабеу“ во Мадрид. Бока се обрати кон КАС откако јужноамериканската фудбалска конфедерација ја отфрли жалбата на клубот да му биде доделен трофејот по службен пат.