лозинка – Kurir.mk

Објавена листата: Ова се најчестите лозинки во 2022 година

Ивона Петрова — Sun, 27 Nov 2022 12:19:50 +0000

Аналитичката компанија NordPass објави листа на лозинки кои најмногу се користеле во изминатата година. Kога ќе ја видите листата, ќе сфатите дека луѓето навистина не се труделе многу да се заштитат. Погледнете ја топ 10 листата на најкористени лозинки во 2022 година: 1. password 2. 123456 3. 123456789 4. guest 5. qwerty 6. 12345678 7. 111111 8.12345 9. col123456 10. 123123 Покрај повторувањето на броевите, популарните термини за лозинка вклучуваат термини како „Оскари“, „Тиндер“, „Бетмен“ и други. Дали ја препознавате вашата лозинка во првите 10?

Запленети 60 милиони долари во биткоини, сопственикот не ја дава лозинката

Ивана Ефремовски — Fri, 05 Feb 2021 11:02:58 +0000

Германските обвинители од измамник конфискувале биткоини во вредност од повеќе од 50 милиони евра (60 милиони долари), но проблемот е во тоа што тие не можат да ги отклучат парите затоа што тој одбива да им ја даде лозинката. Човекот беше осуден на затворска казна и оттогаш ја издржа, одржувајќи го својот молк во текот на целиот период, додека полицијата прави постојани неуспешни обиди да го пробие кодот за пристап до повеќе од 1.700 биткоини, изјави денеска обвинител во баварскиот град Кемптен. -Го прашавме, но не сака да ја каже, изјави за Ројтерс обвинителот Себастијан Мурер, пренесува Јаху фајненс. – Можеби не ја ни знае, дополни Мурер. Биткоинот се чува на софтвер познат како дигитален паричник кој е обезбеден преку криптирање. Лозинката се користи како клуч за декрипција за да го отворите паричникот и да пристапите до биткоинот. Кога лозинката е изгубена, корисникот не може да го отвори паричникот. Измамникот е осуден на повеќе од две години затвор за прикриено инсталирање на софтвер на други компјутери за да ја искористи нивната моќ да „рудари“ или да произведува биткоини. Кога отиде зад решетки, неговата залиха биткоини имаше само дел од сегашната вредност. Цената на биткоинот се зголеми во текот на изминатата година, достигнувајќи рекордно високо ниво од 42.000 долари во јануари. Денеска се тргуваше по 37.577 долари, според веб-страницата за криптовалути и блокчејн „Коиндеск“. (МИА)

Ако користите Гугл Хром ова треба да го прочитате, се воведуваат новости за лозинките

Ивона Петрова — Thu, 21 Jan 2021 10:58:44 +0000

Новата верзија на популарниот Интернет пребарувач - Хром 88, е објавена на почетокот од неделата, а на корисниците им носи нови функции наменети за заштита на нивните лозинки и податоци. Покрај проверката на сочувани лозинки, да се да утврди дали некоја од нив е компромитирана, Хром ќе ги предупреди корисниците ако нивната лозинка е премногу „слаба“ односно лесна за да биде безбедна. Доколку е потребно да смените било која од лозинките претходно сочувани, постои ново подесување кое е поедноставно. Хром ќе ве извести и кога лозинката се смета за „слаба“, ако лесно може да се погоди бидејќи е прекратка или затоа што како лозинка користите познат збор како на пример вашето име или некое место. Во секој случај „слабите“ лозинки добиваат посебен дел во одделот за лозинки, а Хром ќе ве праша дали сакате да ги смените. Гугл за оваа намена додал и нова функција која ја олеснува промената на сочувани лозинки. Оваа функција на Хрон-88 ќе се појави во текот на наредните недели.

Поради нив се хакираат профили: Ако ги користите овие лозинки, сменете ги веднаш

Ивана Ефремовски — Mon, 21 Jan 2019 10:29:33 +0000

Повеќе од пет милиони хакирани профили на Фејсбук, користеле една од овие лозинки. Ако ги користите и вие, а сакате да си го задржите профилот, мора да смислите нова лозинка. Српски „Мондо“ сликовито ги објави овие лозинки.

Ова е најкористената лозинка во 2017

Ивона Петрова — Fri, 29 Dec 2017 18:15:25 +0000

И покрај големиот број предупредувања и потсетување од страна на експертите да се обрне внимание околу лозинките кои се користата, голем број луѓе и натаму својата приватност ја доверуваат на лозинката која прва ќе им падне на ум. Поради ова најчестата користена лозинка во 2017 година не е никакво изненадување. Втора година по ред, најкористена лозика е „123456“. Во текот на 2017 имаше голем број на хакирања и одвив на сигурносни информации, а истражувањето покажало дека споменатата лозинка била најпопуларен избор кај корисниците кои биле мета на ваквите напади. На второ место по популарност е зборот „password“ како лозинка.