лубриканти – Kurir.mk

Владата на СДСМ има пари за лубриканти и тренирање магариња, ама според нив печатењето учебници било голем трошок за државата

Ивона Петрова — Tue, 27 Apr 2021 08:48:44 +0000

Кој безобразлук и елитизам излегува се повеќе до израз од партиските експоненти на Социјалдемократскиот сојуз. Нивните секојдневни изјави покажуваат колку неговите партиски функционери на изгубиле контакт со реалноста. Оправдувајќи ги политиките во образованието кои ги воведува министерката за образование поставена токму од СДСМ, Мила Царовска особено последната со укинување на печатените учебници за учениците од четврто до деветто одделение и за средношколците, партијата оди до таму што вика дека за печатење учебници државата трошела многу финансиски средства. Претседателката на Комисијата за образование на СДСМ, која воедно е и директорка на Државниот испитен центар вчера истакна дека дигиталните учебници ќе ги намалат трошоците на државата, без да земе во предвид како тоа ќе се одрази и на учениците и на родителите. -Печатењето на хартиени учебници одземаше големи финансиски средства на државата и ако некој учебник требаше да биде променет заради неточности или застареност во содржината требаше да се повлече целиот тираж и да се препечати нов учебник. Сега преку електронските учебници тоа многу брзо, лесно и евтино може да се направи, вели Елизабета Наумовска. Но, образованието е едно од столбовите на една држава, а во Македонија со Устав е загарантирано правото на бесплатно образование за секој граѓанин за чија цел секој даночен обврзник одвојува средства од своите приходи. За владејачката СДСМ трошок за државата преставува обезбедувањето учебници за ученици, а од друга страна се расфрла со државни пари за разно разни проекти како тренирање магариња, доделување пари за фризерници. Изминатите години бевме сведоци како државата преку министерството за здравство трошеше по неколку милиони евра за набавка на лубриканти и кондоми, а сега сме сведоци како СДСМ не убедува дека печатењето хартиени учебните потребни за образованието на учениците одземало големи државни финансиски средства . Од друга страна, меѓународни студии покажуваат дека печатените учебници се неопходни за меморирање и разбирање на текстот. Според „Мајкрософт рисрч“ од Кембриџ учебникот на хартија е како топографска карта, го ориентира ученикот и му помага да меморира што чита. Истражувањата, пак, на научниот тим CIBER, покажува дека учењето од екран е неефикасно. Според нив тоа се карактеризира со брзо скенирање на информации, но се „скока“ од една на друга страна. Како значаен фактор на ризик од учењето од екран се наведува осиромашување на речникот и знаењето.

Министерство за здравство пари за вакцини нема, но затоа имаше 2.500.000 денари на лубриканти и кондоми

Тале Кристо — Thu, 18 Mar 2021 10:09:06 +0000

Набавки на министерството за здравство кои единствено им одат од рака се за лубриканти и кондоми. Додека земјите во светот се трудеа на време да обезбедат што поголеми количини на вакцини за да ги заштити граѓаните од КОВИД-19, македонското министерство за здравство за тоа време склучи три договори за лубриканти и кондоми. Првиот договор на набавка на лубриканти и кондоми бил склучен помеѓу министерството за здравство и Друштво за производство, трговија и услуги МЕДИКОН ДООЕЛ увоз-извоз Скопје, при што го има објавено на 07.12.2020 година. Набавката била од вредност на склучениот договор со вклучен ДДВ - 740.450,00 денари. Вториот договор за набавка на лубриканти и кондоми бил склучен помеѓу министерството за здравство и Друштво за промет и услуги ФАРМАС МН ДООЕЛ Скопје, при што го има објавено и на 07.12.2020, а набавката била од вредност на склучениот договор со вклучен ДДВ - 475.776,00 денари. И третиот договор исто така за набавка на лубринканти и кондоми е склучен помеѓу министерството за здравство и Друштво за производство,трговија и услуги САКО ТРАДЕ извоз-увоз ДООЕЛ Велес, оваа набавка е објавена на 10.12.2020 година. А, вредност на склучениот договор со вклучен ДДВ изнесува 181.389,60 денари. Вкупна проценета вредност на склучените три договори од период од седми до десетти декември изнесува 1.397.615,60 денари, а Проценета вредност на набавката со ДДВ изнесува 2.500.000,00 денари. Власта наместо пари да обезбеди и да ги користи за заштита на граѓаните од КОВИД-19, таа ги троши на лубриканти и кондоми. Поради трошењето на народни пари на непотребни работи во ек на криза здравствена, Европа не додели пари на Македонија од солидарниот фонд, а тоа го обзнани и најголемата опозициска партија ВМРО-ДПМНЕ. „Ако Македонија потрошила само осум милиони евра, а не потрошила 30 милиони евра, тоа значи дека Македонија четири пати помалку се обидела да понуди добри здравствени квалитетни и економски услуги за граѓаните. Македонија требало во март, април, мај, јуни минатата година наместо да дели Владата пакети со салама и макарони да купи 20 амбулантни возила, да купи респиратори, да купи апарати за кислородна поддршка, да направи доопремување и обука на болниците и здравствениот персонал. Да им купи на здравствените работници скафандери, заштитна опрема, но тие сами си ја купуваа за да се заштитат при работа од КОВИД-19“, потсети Антонијо Милошоски, пратеник и член на ИК на ВМРО-ДПМНЕ пред една недела во едно о своите гостувања во емисии.

Николов: Владата делеше бесплатни лубриканти, сега може да дели и бесплатни маски за граѓаните

Дарко Андоновски — Sun, 15 Mar 2020 13:14:25 +0000

Игор Николов од ВМРО-ДПМНЕ денеска преку своја прес-конференција потенцира дека Влада треба да воведе бесплатни маски и гелови пред дуќаните, продавниците и маркетите бидејќи тоа им го должат на граѓаните, откако претходно набавуваа лубриканти, а не можат да обезбедат бесплатни маски. -Бараме да се спроведе „специјален режим за работа„ на продавници и пазари. Ова значи да се примени праксата од развиените европски држави кои се справуваат со истите последици, односно шалтерски систем на продажба или да се ограничи влегувањето на клиентите во продавниците и стварање на непотребни гужви и непотребни редови, а се со цел да се намали ризикот и можноста за пренесување на вирусот. Воедно во овој режим би било и воведување на бесплатни маски и гелови пред дуќаните, продавниците, маркетите и сите оние места кои што се неопходни за граѓаните. Тоа им го должиме, бидејќи можеа да се набават лубриканти, а не можат да обезбедат бесплатни маски, вели Николов.

Колариќ: СДСМ и Шилегов ветија алпски воздух, а повеќе пари издвоија за набавка на лубриканти

Тале Кристо — Tue, 21 Jan 2020 20:20:43 +0000

СДСМ и Шилегов им ветуваа алпски воздух на Скопјани, а реално не е исполнето ништо, мерките се измислени, а пари за заштита на животната средина се издвоија исто колку што владата издвои и за лубриканти, вели Светлана Колариќ, советник на ВМРО-ДПМНЕ во Град Скопје, во емисијата „И што сега“ на МТВ. Колариќ истакна дека проблемот со немањето конкретни мерки не е само кај градоначалникот Шилегов туку проблемот е заеднички на владата и Шилегов, а и на останатите градоначалници на општините во градот Скопје. -Граѓаните знаат дека од буџетот за 2020 година кој што е 3,8 милијарди евра, на државно ниво, само 19 милиони евра во 2020 година, односно 0,5% се издвоени за заштита на животната средина. Земете ги статистиките од 2018 и 2019 година и ќе видите дека на крајот на 2018 година по медиумите кажаа дека е направен план за чист воздух, а беа планирани само 1,5 милиони евра што навистина претставува смешна сума, која не е ни за спомнување кога ќе споредам дека околу 1,5 милиони евра оваа влада одвои токму за лубриканти, потенцира Колариќ. Таа додаде дека градоначалникот на градот Скопје во својата програма понуди алпски воздух за многу кратко време, сигурно дека предвидел за 4 години дека скопјани ќе дишат воздух без смог, но во реалноста тоа не гледаме дека го исполнува. -Се што се предвиде во таа програма ништо не е реално исполнето сите мерки само да кажам дека само 2-3 % се застапени мерките се измислени. Од друга страна погледнете ги буџетите на скопските градоначалници на останатите општини ќе видите еден друг дел од приказната односно заспани трнорушки, нагласи Колариќ.

„Додека има стотици дечиња на кои им треба помош и нивниот живот зависи од донации, владата распишува тендер за набавка на лубриканти“

Катерина Бојаџиева — Wed, 10 Oct 2018 09:41:38 +0000

Дали премиерот Зоран Заев и министрите од владата користат лубриканти и за што ги користат е нивна работа. Буџетот и парите на граѓаните се и наша работа. Парите на граѓаните макотрпно заработени не смее да се користат за подмачкување на нечие задоволство. Не станува збор за превенција туку за чист хедонизам и подобро уживање кое го препорачува Заев и неговите министри, истакна Томи Кепевски од ВМРО-ДПМНЕ. -Додека има стотици дечиња на кои им е потреба помош и нивниот живот зависи од донации преку СМС пораки и донации на хумани луѓе владата распишува тендер за набавка на лубриканти. Набавка на овие лубриканти е потпишана лично од премиерот Зоран Заев. Планирано е да се потрошат верувале или не 95 милиони денари (или 1,5 милиони евра) пари на граѓаните. Како за споредба минатата година оваа програма се финансирала со 11 милиони денари, рече Кепевски и додаде: „Уште побизарно е објаснувањето на Владата дека лубрикантите се набавени за да се делат заедно со презервативи. Ова е уште еден доказ дека луѓето кои се во оваа зграда не знаат кај тераат. Би сакале од Владата да ни одговорат каква врска имаат лубрикантите со заштитата од ХИВ и како тие ќе спречат ширење на оваа заразна болест? Или обезбедете бесплатно лекување за сите или одете си од власт доколку мислите да ги расфрлате парите на граѓаните за лубриканти. Македонија веќе не може да ве издржи. Џабе лубриканти“.

Владата реагираше: Лубрикантите се купени затоа што се делат заедно со кондоми!

Ивана Ефремовски — Tue, 09 Oct 2018 15:00:38 +0000

Владата ја потврди информацијата на Економски Лидер дека со државни пари невладината организација ЕГАЛ ќе набавува лубриканти за хомосексуалната популација. На денешната прес конференција на директорката на клиниката за инфективни болести која во исто време е претседател на националната комисија за ХИВ, Д-р Милена Стефановиќ, таа истакна дека невладината морала да набави пакувања со лубрикант затоа што тие се делеле заедно со кондомите. -Едукацијата во превенцијата од ХИВ и користењето на кондом и лубрикант се многу важни за да се спречи ширењето на оваа болест. Постојат кондоми за одредени сексуални групи кои е неопходно да се користат заедно со лубрикант. Веројатно во организацијата им се истрошиле лубрикантите кои ги делат заедно со кондомите и морале да набават нови, изјави д-р Стефановиќ на прес конференцијата. Таа додаде дека е многу горда што државата ги финансира овие проекти со кои граѓаните се штитат од ХИВ вирусот. Инаку претходно Лидер објави дека бизарна јавна набавка осамна вчера на страницата на Бирото за јавни набавки, со државни пари ќе се набавуваат 20.000 шишиња со лубрикант за „Здружението на граѓани Еднаквост за геј и лезбејки-ЕГАЛ Скопје.“ Тендерската документација за набавката до која стигна Економски Лидер е обилна, а во неа стои дека оваа невладина организација во склоп на „Програма за заштита на население од ХИВ во Република Македонија 2018“со државни пари, ни помалку, ни повеќе – ќе набавува 20.000 шишиња лубриканти. Понудите за набавка на лубрикантите, заинтересираните компании може да ги достават најдоцна до 15ти месецов. Во техничката спецификација е наведено дека лубрикантите треба да бидат без вкус, без мирис и без боја.

Лидер: Бизарно- Владата финансира набавка на лубриканти – распишан тендер!

Матеја Петровски — Tue, 09 Oct 2018 10:30:53 +0000

Бизарна јавна набавка осамна вчера на страницата на Бирото за јавни набавки, со државни пари ќе се набавуваат 20.000 шишиња со лубрикант за „Здружението на граѓани Еднаквост за геј и лезбејки-ЕГАЛ Скопје.“, пишува Лидер. Набавувач е ова здружение кое е непознато на пошироката јавност, а со парите кои ги има добиено од Владата ќе ги “подмачкува“ хомосексуалците и лезбејките од Скопје, каде што е носител на државниот проект. Тендерската документација за набавката до која стигна Економски Лидер е обилна, а во неа стои дека оваа невладина организација во склоп на „Програма за заштита на население од ХИВ во Република Македонија 2018“ со државни пари, ни помалку, ни повеќе – ќе набавува 20.000 шишиња лубриканти. Понудите за набавка на лубрикантите, заинтересираните компании може да ги достават најдоцна до 15ти месецов. Во техничката спецификација е наведено дека лубрикантите треба да бидат без вкус, без мирис и без боја. Како штитат лубрикантите од ХИВ?! Економски Лидер се обиде да стапи во контакт со здружението „ЕГАЛ“, кои сакавме да ги прашавме: Каква врска имаат лубрикантите со заштитата од ХИВ? И зошто парите на даночните обврзници се трошат за оваа намена, ако се има предвид дека лубрикантите немаат никаква врска со заштита од ХИВ вирусот? Но, нашите обиди завршија неуспешно, никој во ова здружение не одговараше на нашите телефонски повици на официјалниот телефон 02 3220 851 кој е оставен на нивната официјална веб страница (egal.org.mk) Инаку, програмата за заштита на населението од ХИВ вирусот за 2018, од која здружението за заштита на геј и лезбејки има добиено средства за јавната набавка на овие лубриканти, е финансирана од владата и потпишана лично од премиерот Зоран Заев. Во неа годинава се издвоени над 95 милиони денари (или 1,5 милиони евра) државни пари, кои ќе се потрошат за оваа намена. Годинава е евидентирано енормно зголемување на трошењето за оваа програма, која лани се финансирала со 11 милиони денари. Целата програма можете да ја погледнете во документот на следниот линк (клик). Еве која е невладината која на хомосексуалците им купува лубриканти со државни пари Невладината „Здружение на граѓани Еднаквост за геј и лезбејки-ЕГАЛ Скопје“, постои во 2004 година. Проверката во централниот регистар покажува дека единствено поврзано лице со неа е извесен Зоран Јорданов, кој е претседател и законски претставник на здружението. Кратката проверка по интернет, покажува дека оваа невладина организација има свои СОС линии за хомосексуалци и лезбејки, но и помош за оние ЛГБТ лица кои имаат сида. Во 2014, оваа невладина организирала фестивал на ЛГБТ лицата наречен „Ѕуница“. На постерот за овој фестивал, заштитно лице бил сегашниот пратеник а тогашен нивни активист, Павле Богоевски.