Лучано Спалети – Kurir.mk

Де Лаурентис: Спалети е слободен човек

Ивона Петрова — Mon, 29 May 2023 19:27:21 +0000

Тренерот на новиот италијански фудбалски првак Лучано Спалети побара „отсуство“, изјави денеска претседателот на клубот од Неапол, Аурелио де Лаурентис, потврдувајќи го со тоа веројатното заминување на искусниот стратег. „Спалети е слободен човек. Кога некој ќе ти дојде и ќе ти рече дека направил сè што можел и дека завршил една ера од неговиот живот … Ми рече дека би сакал да има една година одмор. Дали можеш да се противиш на тоа?, рече Лаурентис во изјава за италијанските медиуми. „Сега е сосема на место (Спалети) да продолжи да го прави тоа што го сака“, додаде првиот човек на Наполи. Спалети, кој на 64-годишна возраст највозрасниот тренер со освоено Скудето, досега ниту еднаш официјално не ги потврдил своите желби да го напушти Наполи, препуштајќи му на клубот тоа да го соопшти по завршување на сезоната.

Спалети: Имаме голема шанса да го освоиме „Скудетото“

Ивона Петрова — Sun, 22 Jan 2023 17:13:42 +0000

Тренерот на Наполи, Лучано Спалети, оцени ден по вчерашната победа над Салернитана (2-0) дека клубот од Неапол има голема шанса по повеќе од три децении да ја освои шампионската титула во Италија. Наполи по 19. одиграни натпревари оваа сезона е првопласиран на табелата со 50. бодови, 12. повеќе од Милан на второто, и 13 шред Интер на третото место. Јувентус испадна од трката за титулата откако викендов беше казнет со одземање 15 бодови поради финансиски малверзации. „Имаме голема шанса да го освоиме „Скудетото“. Мораме да се однесуваме на соодветен начин и не смееме да ги пропуштаме шансите кои ни се укажуваат. Потребно е да останеме мирни и фокусирани, да ја играме нашата игра“, изјави Спалети. Наполи последен пат беше италијанскиот шампион во 1990 година.

Спалети влезе во дуел со фан на Фиорентина: Цел меч ја навредуваа мојата мајка, таа има 90 години… (ВИДЕО)

Ристе Здравков — Mon, 29 Aug 2022 07:32:57 +0000

Тренерот на Наполи, Лучано Спалети имаше вербален дуел со навивач на Фиорентина, речиси доби и шамар, но и пластично шише беше фрлено кон него. Спалети е од Фиренца, како мал навивал за Фиорентина и често одел на стадионот. Но без разлика на тоа беше навредуван од домашните фанови на синоќешниот меч. По последниот судиски свиреж тој влезе во дуел со навивач на Фиорентина на трибината. Фанот се обиде да го удри по лице, а некој фрли и шише кон него. „Имаше позади клупата фанови кои ме навредуваа од почетокот на мечот до крајот. Тие имаа деца кои седеа до нив, а јас не можам ниту да кажам јавно што се зборуваа, неверојатно е“, вели Спалети. „Тие постојано ја навредуваа мојата мајка, таа има 90 години, оставете ја на мира. Тоа се луѓе кои се професионални тролови“.

Tifoso #Fiorentina tira schiaffo a #Spalletti dopo #FiorentinaNapoli. Sono senza parole pic.twitter.com/cgOJ2CL3to
— Marco Lombardi (@marcolombardi24) August 28, 2022

Спалети пред ПСВ: Најважниот натпревар од кога сум во Интер

Ивона Петрова — Mon, 10 Dec 2018 19:17:20 +0000

Тренерот на Интер, Лучано Спалети го посочи дуелот со ПСВ од групите во ЛШ како „најважен во неговата кариера“ откако е во Милано. Интер треба да го победи ПСВ, додека Тотенхем не треба да победи како гостин Барселона, за да може „нероазурите“ да си обезбедат место во осминафиналето на Лигата на Шампионите. Италијанскиот стратег исто така наведе дека неговите играчи целосно се фокусираат на нивните перформанси и го игнорираат другиот натпревар. – Мораме да бидеме екстремно концентрирани цело време, па ние не мислиме за друг тим, освен за себе. На самиот почеток реков дека оваа група била убиствена. Минуваме низ тешка недела, но сакаме да излеземе од неа. Ова е најважниот натпревар за мене од кога сум во Интер. Тој е уште поважен од оној со Лацио, кој не рангираше во Лигата на шампионите оваа година, изјави Спалети пред утрешниот натпревар во Милано. Италијанецот даде и информации за отсутните од дуелот против англискиот тим. – Имаме проблеми со Матијас Весино, кој ќе го помине фитнес-тест, но веројатно нема да игра. Раџа Наинголан исто така е аут, бидејќи има потреба од уште неколку дена за лекување, заклучи менторот на Интер. МИА