лучијано спалети – Kurir.mk

Спалети: Натпреварот против Англија ќе ни помогне да разбереме какви се шансите на италијанскиот тим во иднина

Тале Кристо — Sun, 15 Oct 2023 12:38:53 +0000

Селекторот на италијанската фудбалска репрезентација Лучијано Спалети, ги кажа своите очекувања за натпреварот со Англија во квалификациите за Европското првенство 2024. Италија синоќа во Бари ја победи Малта со 4:0. - Важно беше да освоиме три бода без да ризикуваме и лесно да го добиеме натпреварот. Тимот добро се развива. Јасно е дека постои желба подобро да се запознаеме. Игравме добар фудбал. Натпреварот во вторник против Англија на „Вембли“ е еден од оние кои навистина можат да ни помогнат да разбереме какви се нашите шанси во иднина, изјави Спалети, за официјалниот сајт на УЕФА. Репрезентацијата на Италија со 10 бодови е на второто место во групата Ц по 5 натпревари. Малта е последна без освоен бод по шест одиграни натпревари. Во следниот натпревар избраниците на Лучијано Спалети ќе играат на гости против Англија, а Малта ќе и гостува на Украина. Двете средби ќе се одржат на 17 октомври. Во оваа група македонската репрезентација има освоено седум бода од шест натпревари.

Спалети по првата победа како селектор на Италија: Да не бидеме премногу пребирливи

Бошко Тасиќ — Wed, 13 Sep 2023 04:00:08 +0000

Италија ја совлада Украина со 2-1 во дуелот од нашаѕа група во која да потсетиме Македонија рутински беше подобра од селекцијата на Малта (2-0).

-Мора да бидеме среќни оваа вечер. Не може постојано да се притиска и да не се дозволи ниту едно нафрлување. Дозволивме само неколку опасни ситуации. Тимот играше добар фудбал и беше добро поставен. Да не бидеме премногу пребирливи, бидејќи и тоа не е фер, -порача Спалети.

Италијанците имаат седум бода, исто како Украина и македонската репрезентација.

ФОТО: Емотивна средба на Спалети и Елмас

Ивона Петрова — Sat, 09 Sep 2023 20:04:06 +0000

Македонскиот репрезентативец Елиф Елмас и италијанскиот селектор Лучијано Спалети заедно ја славеа титулата со Наполи. Овој двоец првпат се сретнува на натпревар по разделбата на Спалети со шампионот на Италија. Пред почетокот на натпреварот двајцата се поздравија, а следуваше и емотивна прегратка.

Спалети: Време е да ги залечиме старите рани против Македонија

Ристе Здравков — Fri, 08 Sep 2023 17:29:39 +0000

Италија со нов селектор пристигна во Скопје. Лучијано Спалети го најави дуелот со Македонија и кажа дека „аѕурите“ ќе направат се за да си заминат со бодовите на своето конто. Се уште се памети поразот во Палермо, кој ја остави Италија без СП 2022, а постои желба за одмазда. „Имаме важна приказна зад нас, што има одредени рани. Време е да ги залечиме тие рани. Тимот ќе се обиде да ја игра својата игра, имаме простор за напредок и за креација на теренот. Среќен сум како тимот изгледаше за време на подготовките, ги видов лицата на играчите. Ќе ги немаме Киеза и Пелегрини, но тоа не ми менува ништо, затоа што имаме 30 играчи на располагање и јас им верувам на сите. Разочарани сме, но мора да продолжиме без нив. Ги ослободивме затоа што не сакаме да ризикуваме“, изјави Спалети. Македонија прво ќе игра против Италија во Скопје, додека на 12 септември гостува на островот кај Малта која претходно ја совладавме на домашен терен на отворањето на квалификациите за ЕП 2024.

Спалети: Елиф ми е како син, утре ќе го прегрнам, ќе имаа многу емоции

Ристе Здравков — Fri, 08 Sep 2023 17:26:07 +0000

Италија утре во Скопје ќе ги одмери силите со Македонија во квалификациски меч за пласман на ЕП 2024. „Аѕурите“ доаѓаат со нов селектор, Лучијано Спалети кој минатата сезона како предводник на Наполи го освои „скудетото“ во Серија А. Сега првпат е на чело на репрезентација. „Можам да кажам дека сум трогнат, почестен и горд што ја добив оваа улога. Претседателот на ФС ми ги обезбеди најдобрите фудбалери и навистина сум среќен што ги добив сите играчи кои јас ги посакав.Јас сум тренер кој не сака да ги ограничува играчите. Сакам тие да ја покажат својата фантазија на теренот. Утре ќе има моменти кога ние ќе напаѓаме, но ќе има моменти и кога противникот ќе ја има топката и ќе треба да се браниме. Сакам да играме фудбал, убав фудбал, затоа што низ оваа игра треба да предизвикаме и емоции за сите кои нѐ имаат во срцето“, рече Спалети. За македонскиот национален тим и за играчите… „Елиф Елмас за нене е како син. Секогаш сметав на него кога беше најпотребно, а тој го даваше најдоброто од себе. Утре ќе има многу чувства кога ќе го прегрнам. И двајцата ќе сакаме да победиме. Тој е многу добар играч, но и оние кои сега ќе му бидат од другата страна се исклучителни играчи“, додаде италијанскиот стратег. За оној меч во Палермо… „Многу пати го гледав мечот во Палермо. Можам дури и да го раскажам. И заедно со моите асистенти го гледавме многу пати. Од тој меч успеавме да извлечеме многу работи за да ја градиме стратегијата за утрешниот натпревар“, е коментарот на екс-тренерот на Наполи.

Спалети: Манчини во „аманет“ ми остави добар тим

Бошко Тасиќ — Sun, 03 Sep 2023 06:15:45 +0000

Лучијано Спалети непосредно пред натпреварот меѓу Македонија и Италија кој се игра следниот викенд во Скопје, го презема селекторското столче од Роберто Манчини. Тренерот кој минатата сезона беше калчо-првак со Наполи беше официјално претставен на медиумите, на првата прес-конференција како нов селектор. „Сакав да одберам искусни играчи за мојот прв список. Не повикав многу фудбалери, за да не оставам многу од нив на трибините. Сега е старт на сезоната и ситуацијата е чудна. Ги нема Верати и Жоргињо бидејќи не играат редовно. Поради тоа, не гледав имиња туку кој игра редовно. Ова е екипа која го освои Европското првенство и беше 37 натпревари без пораз. Манчини ми остави добар тим во „аманет“. Едно е сигурно, а тоа е дека ќе играме со четворица во последната линија, иако повеќето наши дефанзивци во своите имови играат одбрана со тројца. Нашиот тим го сочинуваат различни играчи со разни карактери. Можеби нема да бидам најдобриот селектор на Италија, ама ви ветувам дека ќе бидам најдобрата верзија на Спалети“, изјави новиот предводник на „аѕурите“.

Лучијано Спалети го објави списокот на фудбалери за мечот со Италија (ФОТО)

Бошко Тасиќ — Sat, 02 Sep 2023 04:13:05 +0000

Новиот селектор на фудбалската репрезентација на Италија, Лучијано Спалети, го објави списокот за гостувањето во Скопје. На спискот има неколку промени, изоставени се големи имиња како Бонучи, Верати и Жоржињо, кои во минатото беа столб на репрезентацијата.

Лучијано Спалети е нов селектор на Италија

Бошко Тасиќ — Sat, 19 Aug 2023 04:49:12 +0000

Лучијано Спалети официјално е промовиран во нов селектор на италијанската репрезентација, по неочекуваното заминување на Роберто Манчини од оваа функција. Спалети беше прва желба на челниците на федерацијата, а откако конечно беше постигнат договор со Де Лаурентис бидејќи тренерот се уште беше под договор со Наполи, вчера и официјално беше потпиан договорот за тригодишна соработка, за плата од три милиони евра по сезона. Новиот селектор ќе дебитира на клупата на „аѕурите“ на дуелот со Македонија, закажан за 9 септември во Скопје. „Можеме да потврдиме дека е постигнат договор со Лучијано Спалети за тој да стане селектор на репрезентацијата. Официјалната промоција ќе се случи за време на тренинг-собирот во пресрет на квалификациските натпревари со Македонија и со Украина“, објави Италијанската Фудбалска Федерација.

Лучијано Спалети ќе биде нов селектор на Италија

Бошко Тасиќ — Mon, 14 Aug 2023 19:41:49 +0000

Поранешниот тренер на Наполи, Лучијано Спалети, најверојатно ќе биде нов селектор на Италија. Според италијанските медиуми, тој веќе дал согласност и официјално ќе биде промовиран в среда на 16 август. Италијанската фудбалска федерација имаше разговори со него и Антонио Конте, но се реши за Спалети. Манчини во неделата објави деја се повлекува по пет години на кормилото, во кои ги предводеше „аѕурите“ до европската титула. На социјалните мрежи селекторот рече дека тоа е „лична одлука“, но медиумите во Италија открија дека стратегот добил примамлива понуда од Саудиска Арабија.

Луијано Спалети има неверојатна понуда му се врати на фудбалот

Бошко Тасиќ — Tue, 27 Jun 2023 05:01:08 +0000

Италијанскиот фудбалски стратег Лучијано Спалети му донесе историски успех на Наполи откако ја донесе титулата во Серија А за оваа екипа по пауза од 33 години да за потоа неочекувано реши да ја напушти тренерската функција. Медиумите објавија дека Спалети имал некој недоразбирања со претседателот Аурелио Де Лаурентис, недоразбирања кои не можеше да бидат надмината по што дојде до разделба. Италијанскиот стратег порача дека ќе земе одмор и една години ќе биде надвор од фудбалот и нема да прифати никаква понуда, ама останува да видиме дали ќе си остане на зборот затоа што на неговата врата тропаат многу пари и тоа од Саудиска Арабија. „Тутомеркато“ пренесува дека неименуван клуб (најверојатно е Ал-Хилал) е подготвен да му даде на Лучијано плата од скоро 20 милиони евра за да ја прифати понудата.