луда мара – Kurir.mk

МВР со детали за излетаната Лада во реката Луда Мара

Ивона Петрова — Wed, 02 May 2018 08:46:15 +0000

Министерството за внатрешни работи информира дека вчера во 17:15 часот на регионалниот пат Кавадарци - месност „Мушов Гроб“, на последниот мост од реката Луда Мара во селото Ваташа, патничко моторно возило „Лада Самара“ со скопски регистарски ознаки управувано од 17 годишно лице од Кавадарци, во кое имало уште четворица сопатници, излетало од патот во речното корито. Од незгодата со повреди се здобил возачот на возилото кој бил задржан на лекување во Општа болница Кавадарци. Извршен бил увид на местото на настанот и се работи на целосно расчистување на случајот.

ФОТО: Малолетници со „Лада Самара“ денеска слетале во реката Луда Мара- еве ги деталите

Дарко Андоновски — Tue, 01 May 2018 17:54:53 +0000

Седумнаесетгодишник бил повреден попладнево откако автомобилот кој го управувал паднал од мост во реката Луда Мара, на патниот правец Кавадарци-Мушов гроб, на излез од селото Ваташа. Информацијата за МИА ја потврди Димитар Каракулев, самостоен инспектор за превенција при Секторот за внатрешни работи Велес. - Возилото марка „лада самара“ со скопски регистарски таблички било упавувано од 17-годишен возач од Кавадарци, кој се движел во правец од Кавадарци кон месноста Моклиште. На критичното место, на излез од селото Ваташа со возилото излетал од мостот, при што се здобил со телесни повреди. Во возилото имало уште четворица малолетници. Причина за незгодата е неприлагодување на брзината на движење кон усповите на патот. Патничкото возило е со измината важност на регистрација, а возачот го управувал возилото пред да се стекне со право на управување на моторно возило, информира Каракулев. По овластување на јавен обвинител од Велес, увид на местото изврши увидна екипа на Полициската станица од општа надлежност Кавадарци.

ФОТО: Автомобил слета во реката Луда Мара

Дарко Андоновски — Tue, 01 May 2018 16:21:23 +0000

Автомобил слета во реката Луда Мара од последниот мост на излезот од кавадаречкото село Ваташа. Од службата за итна медицинска помош при Здравствениот дом Кавадарци и кавадаречката полиција за МИА ја потврдија сообраќајната несреќа. Засега, како што велат, не можат да дадат повеќе детали. Од полицијата најавија информации дека ќе има во текот на денот.

Кавадарци ќе добие петкилометарска пешачка патека покрај Луда Мара

Дарко Андоновски — Thu, 26 Apr 2018 08:14:24 +0000

Кавадарци ќе добие петкилометарска пешачка и велосипедска патека покрај реката Луда Мара, од излезот на селото Ваташа до браната Моклиште и старата атрактивна воденица. Кавадаречкиот градоначалник Митко Јанчев за ова синоќа го информираше новото раководство на ваташката урбана месна заедница. Тој се сретна и со ваташани, ги слушна нивните потреби, а им ги појасни и плановите на локалната самоуправа околу подобрувањето на животот во ова историски познато село. - Во моментов се снима теренот на лице место, а потоа ќе пристапиме кон убавиот проект за патеката која ќе може да се користи и за џогирање. Верувам дека таа дополнително ќе го заживее ова место, рече Јанчев, нагласувајќи дека за реализација на целата таа замисла, неопходно е да се разговара и со сопствениците низ чии земјоделски имоти ќе минува патеката. Ваташани, меѓу другото, побараа од градоначалникот подобро улично осветлување, поплочување на улици, потпорни ѕидови, косење на трева, легнати полицајци и слично. Јанчев ќе ги посети и останатите месни заедници во општината, со цел да поразговара со жителите околу нивните приоритети и евентуални проблеми.