Лудвиг ван Бетовен – Kurir.mk

Довршена „Десетта симфонија“ на Бетовен

Ивона Петрова — Tue, 31 Mar 2020 09:10:13 +0000

„Десеттата симфонија“ на Лудвиг ван Бетовен, благодарение на вештачката интелигенција, сега е целосна. Оркестарот „Бетовен“ од Бон, Германија, планираше да ја изведе композицијата кон крајот на април, на 250-годишнината од раѓањето на славниот германски композитор. Но, поради пандемијата премиерата е одложена за ноември. Љубителите на класична музика, за тоа треба да му се заблагодарат на „Дојче телеком“, кој го покрена овој проект. За тоа, лани беа најмени меѓународен тим музиколози, пијанистот Роберт Левин и група компјутерски стручњаци. За „Десеттата симфонија“, Бетовен го напишал само почетокот. Конечната верзија има два дела и трае 20 до 25 минути.

Четвртина Германци не знаат кој ја напишал „Ода на радоста“

Катерина Бојаџиева — Mon, 13 Jan 2020 08:57:58 +0000

Дури 25 отсто од Германците не знаат дека композицијата „Ода на радоста“ е напишана од прочуениот германски композиотор Лудвиг ван Бетовен. Според анкета на Ју-гов, 95 отсто од германските испитаници, постари од 18 години, знаат кој е Бетовен, но некои од нив не го поврзуваат неговото име со најпознатото негово дело. Покрај тоа, 68 отсто од луѓето сметаат дека класиката како музички жанр го има загубено своето значење, иако некои сметаат дека таа сè уште има важна улога во современото општество. „Ода на радоста“, првично била напишана како поема од Фридрих Шилер, која подоцна Бетовен ја прилагодил како составен дел од Деветтата симфонија.