луиџи ди мајо – Kurir.mk

Луиџи ди Мајо: Мора да се запре војната во Либија, во спротивно нова мигратска криза во Европа

Тале Кристо — Sun, 23 Feb 2020 09:48:42 +0000

Министерот за надворешни работи на Италија, Луиџи ди Мајо, предупредува дека војната во Либија мора да се запре, инаку Европа ќе се соочи со нова мигрантска криза. -Во Либија има 700.000 бегалци. Повеќето не сакаат да одат во Европа се додека можат да живеат во мир и да имаат перспектива. Но, можете ли да замислите ако избувнат улични борби во главниот град?, изјави Ди Мајо во интервју за германскиот весник„ Билд “. Тој истакна дека е неопходно да се запре војната, во спротивно ќе има нова мигрантска криза. -Тоа е единствен начин на тероризмот да му се одземе тлото. Министерството за надворешни работи во Триполи повеќе не постои затоа што терористите на ИД го разнесоа. Сето тоа се случува само 200 километри од Сицилија крај брегот на Европа, рече италијанскиот дипломат.

Шефот на италијанската дипломатија денеска во Скопје

Ивона Петрова — Tue, 11 Feb 2020 06:39:44 +0000

Министерот за надворешни работи на Италија Луиџи ди Мајо денеска ќе престојува во официјална посета на Република Македонија. Ди Мајо ќе има средба со својот домаќин, шефот на дипломатијата Никола Димитров, по што ќе се сретне со претседателот Стево Пендаровски и со премиерот Оливер Спасовски, а ќе разговара и со лидери на политички партии. Централно место во разговорите, како што соопштуваат од МНР, се очекува да биде иднината на процесот на проширување на Европската Унија, по презентирањето на новата методологија на ЕУ и силната и активна поддршка на Италија за почеток на преговорите на Македонија во тој контекст. На средбите ќе бидат разгледани можностите за продлабочување на политичките и економските односи, вкупната билатерална соработка во сите сегменти од заеднички интерес, како и регионалните актуелни состојби и соработка.

Шефот на италијанската дипломатија утре во посета на Албанија

Тале Кристо — Tue, 10 Dec 2019 16:43:24 +0000

Италијанскиот министер за надворешни работи и меѓународна соработка, Луиџи ди Мајо,утре ќе допатува во посета на Албанија. За време на престојот, италијанскиот министер ќе се сретне со претседателот, Илир Мета и со премиерот и министер за надворешни работи, Еди Рама. На крајот од средбата планирана е заедничка прес-конференција со премиерот Рама. Министерот Ди Мајо, исто така, ќе го посети кампот со шатори, во близина на градот Вора,каде се сместени албански граѓани кои останаа без домови, како последица од земјотресот, што земјата ја погоди утрото на 26 ноември. Тој ќе присуствува на церемонијата на донирање на неопходну специјални средства за спасување при природни непогоди и вонредни ситуации донирани од италијанските власти. Италјански спасувачки екипи уште веднаш по земјотресот се вклучија во операците за спасување,заедно со екипи од повеќе земји,меѓу кои и од Македонија.

Ди Мајо се откажува од функцијата премиер на Италија

Матеја Петровски — Mon, 07 May 2018 07:34:08 +0000

Лидерот на италијанското Движење пет ѕвезди (М5С), Луиџи ди Мајо синоќа, првпат откако изборите во Италија на 4 март завршија без јасен победник, предложи премиерот да го избере заедно со лидерот на екстремнната десничарска партија Лига, Матео Салвини. Се до сега Ди Мајо инсистираше тој да биде нов премиер, но сега на Лигата и даде понуда во обид земјата да ја извлече од политичкиот застој кој трае повеќе од два месеци. - Ако целта е на дело да се спроведе изборната платформа, а пречката е Луиџи ди Мајо како премиер, тогаш велам ајде заедно да избереме премиер, рече Ди Мајо во интервју за државната телевизија РАИ. До овој чекор дојде во пресрет на третата и можеби последна рунда формални консултации со претседателот Серџо Матарела. Движењето Пет ѕвезди ќе се состане со претседателот денеска претпладне, додека Лигата, која ја предводи делегација на десниот центар, во претседателската палата ќе дојде еден час подоцна. Иако Ди Мајо ја отстапува функцијата премиер, и понатаму инсистира на тоа Салвини да го напушти својот сојузник, поранешниот премиер Силвио Берлускони, кого Движењето пет ѕвезди го смета за симбол на политичка корупција. - Топката сега е во дворот на десниот центар, истакна Ди Мајо. (Миа)