Луис Де Ла Фуенте – Kurir.mk

Де ла Фуенте стана првиот шпански тренер од 1991 година кој го загубил дебито на гостински терен

Тале Кристо — Wed, 29 Mar 2023 06:57:46 +0000

Фудбалската репрезентација на Шпанија синоќа во Глазгов загуби од Шкотска со 2:0 во натпревар од квалификациите за Европското првенство 2024. Селекторот на „Црвената фурија“, Луис де ла Фуенте, стана првиот тренер на репрезентација од 1991 година, кој го загуби дебитантскиот меч на гостински терен. Пред 31 година, репрезентацијата на Шпанија предводена од Висенте Миера загуби од селекцијата на Исланд исто така со 2:0 во квалификациите за Еуро 1992 година. Во А-групата Шкотска е прва со максимални шест бода, Шпанија е втора со три, следуваат Норвешка и Грузија со по еден бод, последен е Кипар без бодови.

Новиот селектор на Шпанија на средба со Серхио Рамос

Ристе Здравков — Thu, 26 Jan 2023 08:49:03 +0000

Новиот предводник на Шпанија, Луис де ла Фуенте, ќе има средба со Серхио Рамос и ќе разговара со дефанзивецот околу неговата иднина во репрезентацијата. Шпанските медиуми веќе објавија дека е можно Рамос да се врати во тимот за квалификациите за ЕП 2024, меѓутоа ништо не е дефинирано. Селекторот и стоперот ќе имаат разговор за да дадат јасен став на темата. Доколку Рамос се врати, ќе биде капитен на Шпанија. Играчот на ПСЖ нема да биде единствениот, Де Ла Фуенте ќе има разговор со сите искусни играчи за да го чуе нивното мислење за националниот тим.

Шпанија го промовира новиот фудбалски селектор

Бошко Тасиќ — Sun, 25 Dec 2022 07:10:15 +0000

Луис Де Ла Фуенте беше избран за наследник на Луис Енрике кој беше отпуштен откако Шпанија го заврши настапот на Светското првенство уште во осминафиналната фаза.Де Ла Фуенте веднаш се соочи со проблем, а тој се вика Серхио Бускетс кој реши да се откаже од националниот тим, поточно да замине во репрезентативната пензија. Стратегот се обидел да го убеди Серхио да се предомисли, но ѕвездата на Барселона останала на првичниот став.

-Кога се обидов да го убедам тој веќе ја имаше донесено својата одлука, мора да ја почитувате. Тој беше најдобриот играч за врска некогаш виден и неговото наследство е импресивно, -вели новиот шпански селектор кој веќе знае кој ќе ја пополни таа дупка, позиција по заминувањето на ветеранот.

-Јас го гледам Родри како играч за врска, секогаш сум гледал така на него. Вистина е дека добро се снајде како централен дефанивец и на некои натпревари може да биде ставен таму, но јас секогаш барам и сакам специјализација и за мене тој е дефанзивен играч за врска. Уште од младинскиот тим на Виљареал, тој беше играч за врска, -рече Де Ла Фуенте кој не ја отфрли можноста да игра во систем со двајца вакви играчи, поточно друштво на Родри да му прават фудбалери како Мерино, Руиз, Зубаменди или Себалјос.