луис дијаз – Kurir.mk

Клоп за киднапирањето на родителите на Дијаз: Беше тешка ноќ за сите нас

Ивона Петрова — Sun, 29 Oct 2023 16:54:25 +0000

Тренерот на Ливерпул, Јирген Клоп зборуваше за ситуацијата со киднапирањето на родителите на фудбалерот Луис Дијаз. Дваесет и шестгодишниот крилен напаѓач не се најде во составот на тимот за натпреварот против Нотингем Форест во 10. коло од Премиер лигата. - Очигледно моравме да направиме доцни промени во тимот поради личната ситуација на Луис Дијаз. Беше тешка ноќ за сите нас. Ова никогаш претходно не се случило во моите тимови. Ова е ново искуство за кое никој не се радува, изјави Клоп за „BBC“. Претходно се дозна дека родителите на Дијаз биле киднапирани во Колумбија. Мајката на играчот била спасена речиси веднаш, а според локалните медиуми, таткото попладнево е ослободен по престрелката на полицијата со киднаперите.

Луис Дијаз мора на операција

Катерина Бојаџиева — Tue, 13 Dec 2022 19:07:13 +0000

Премиерлигашот Ливерпул уште три месеци нема да може да смета на услугите на колумбискиот фудбалер Луис Дијаз, кому мора да му биде извршена операција. Дијаз се повреди на почетокот на октомври на првенствениот натпревар против Арсенал (2-3) кога стадионот „Емирејтс“ мораше да го напушти на патерици со бандажирана нога. Во Ливерпул се надеваа дека Колумбиецот ќе биде подготвен да се врати на теренот по завршување на првенствата пауза поради Мундијалот во Катар, меѓутоа состојбата со потколеното на Дијаз се искомпликува во тренинг кампот. „Се случи сосема обична ситуација на тренингот. Никој не помисли дека е нешто сериозно. Меѓутоа, Дијаз почувствува болка, извршивме прегледи и на крајот беше констатирано дека му е потребен оперативен зафат. Ова е голем удар за нас“, изјави тренерот на Ливерпул, Јирген Клоп.

Новa повреда во редовите на Ливерпул

Бошко Тасиќ — Tue, 11 Oct 2022 06:57:10 +0000

Фудбалерот на Ливерпул Луис Дијаз ќе мора да паузира околу два месеци. Повредата која ја заработи на викендов дербито против Арсенал не е воопшто наивна, и тој ќе мора во следниот период ионтензивно да се лекува. Дијаз имаше одлична серија на мечеви на стартот на сезонава и забележа четири гола и три асистенции, и ова ќе биде уште еден удар за Ливерпул кој се мачи на резултатски план сезонава. Дијаз вклучувајќи го тука и Мундијалот во Катар ќе го нема во дресот на „Редси“ сигурно до нова година.