луизијана – Kurir.mk

Пукање на универзитет во Луизијана, едно лице е убиено, а седум се повредени

Тале Кристо — Mon, 18 Oct 2021 06:36:09 +0000

Едно лице е убиено, а седум други се повредени во пукање на Универзитетот Грамблинг во Луизијана. Тоа е втор таков фатален инцидент во кампусот за помалку од една недела, соопшти универзитетот. Еден од повредените е студент на универзитет, додека другите не се, објави универзитетот на Твитер. Пукањето се случи вчера, околу еден часот по полноќ. Часовите на тој универзитет се откажани денеска и утре, а полициски час е воведен во кампусот од 21:30 часот до 6:00 часот наутро по локално време до дополнително известување. Пукањето се случи само неколку дена откако едно лице, кое не е студент, пукало и смртно рани друго лице, кое исто така не е студент, пред зградата на студентското здружение Фаврот, објави Универзитетот Грамблинг. Инцидентот, исто така, се случи околу еден по полноќ.

Луизијана се подготвува за месец без струја и вода по ураганот Ида

Ивона Петрова — Wed, 01 Sep 2021 06:25:26 +0000

Јужна Луизијана се подготвува за месец без електрична енергија и сигурно снабдување со вода по ураганот Ида, една од најмоќните бури што помина по брегот на Мексиканскиот Залив. Околу 1,3 милиони домаќинства до вчера беа без електрична енергија, повеќето од нив во Луизијана. Во невремето загинаа најмалку четири лица. Бројот на загинати веројатно ќе беше многу поголем доколку не беше системот на заштитни насипи изградени околу Њу Орлеанс откако градот беше уништен од ураганот Катрина пред 16 години. Ситуацијата е отежната од топлото време во делови од Луизијана и Мисисипи, каде вчера температурите достигнаа 35 степени Целзиусови. Се проценува дека може да поминат до 30 дена пред целосно да се врати напојувањето со електрична енергија.

ВИДЕО: Пустош по ураганот Ида, една од најсилните бури во историјата на САД – милиони луѓе без струја

Ивона Петрова — Mon, 30 Aug 2021 06:59:52 +0000

Повеќе од еден милион домови во американската сојузна држава Луизијана останаа без струја, додека во предградие во близина на Батон Руж едно лице загина во налетот на ураганот Ида. Ураганот предизвика значителни штети и поплави во целата држава, предизвикувајќи стравување дека бројот на жртви може дополнително да се зголеми.

New Video: This is Delacroix as #Ida comes ashore. Storm surge pushed in over a back levee and flooded the area. St. Bernard Parish is expecting 8-12 feet of tidal surge. Courtesy Delacroix Yacht Club. pic.twitter.com/p2ulADLYC4
— Paul Murphy (@PMurphyWWL) August 29, 2021

Ураганот Ида го остави без струја целиот град Њу Орлеанс, неколку часа откако ја погоди американската држава Луизијана. Енергетската компанија Ентерџи потврди дека Њу Орлеанс е без електрична енергија и дека единствената електрична енергија во градот доаѓа од генератори.

View from Downtown New Orleans from 24th floor, looking out toward French Quarter. (And in this darkness, all residents just got emergency flood warning alerts on their phones) pic.twitter.com/Hjf5llrHSG
— Tim Craig (@timcraigpost) August 30, 2021

Националниот центар за урагани соопшти дека Ида ослабела до бура од категорија 3, откако беше ураган од категорија 4 кога стигна до копно. Ида носеше покриви на згради и предизвика поплави во крајбрежните области на Луизијана. Тоа е една од најсилните бури во историјата на САД.

Our crew just shot video of roof damage at this hospital in Houma. This is the Terrebonne General Medical Center. @WAFB’s @ChrisJRosato has been reporting in the area all day. #HurricaneIda pic.twitter.com/SYu6oDPc17
— Farrah Yvette (@farrah_yvette) August 29, 2021

Удри точно 16 години по ураганот Катрина, кој предизвика пустош во Луизијана и Мисисипи.

FLOODING in NOLA: Look at this in Venetian Isles in @CityOfNOLA. This is one area in New Orleans under a *mandatory* evacuation. Venetian Isles, Lake Catherine & Irish Bayou; areas outside the levee protection system. Water is almost up to the stop sign 🥺 @wdsu #HurricaneIda pic.twitter.com/RQ8uMwpWRJ
— Christina Watkins (@CWatkinsWDSU) August 29, 2021

Ураганот Лаура со над 200 км/ч се приближува кон Тексас и Луизијана

Ивона Петрова — Thu, 27 Aug 2020 07:45:21 +0000

На ураганот Лаура, кој се приближува кон брегот на Тексас со брзина од над 200 километри на час, му недостигаат само седум километри на час побрзи налети на ветрот за да премине од категорија 4 на категорија 5, што е највисоко ниво според категоризацијата на Националниот центар за урагани на САД. Овој ураган, според експертите, би можел да биде најсилниот што досега ги погодил крајбрежните области Тексас и Луизијана. Се очекува ураганот Лаура, кој метеоролозите го нарекоа „смртоносна катастрофа“, да стигне до американското копно и да предизвика катастрофално уништување. Ураганот синоќа се наоѓал на околу 145 километри југоисточно од Порт Артур, Тексас, а се проценува дека првиот контакт со континенталниот дел на САД ќе биде проследен со ветар до 240 километри на час, но дека подоцна, во внатрешноста на соседната држава Луизијана, ќе достигне брзина од над 320 километри на час. Од вчера попладне, Порт Артур е град со само неколку отворени бензински пумпи и продавници за алкохол. Локалните власти стравуваат од поплави и потсетуваат дека местото на очекуваниот удар на ураганот на континенталниот дел на САД, по должината на границата Тексас-Луизијана, не е заштитено со бариера.