Луј ван Гал – Kurir.mk

Луј ван Гал се враќа во Ајакс

Бошко Тасиќ — Thu, 05 Oct 2023 04:10:29 +0000

Фудбалскиот клуб го има најлошиот влез во една сезона во претходните 123 години, бидејќи се наоѓа на 15. место во првенството на оваа земјка. Од клубот отказ доби спортскот директор Свен Мислинтат, се зборува и за заминување на тренерот, меѓутоа постојат и други проблеми. Помош на клубот ќе му биде Луј ван Гал. Прославениот стручњак се враќа во редовите на Ајакс, ама овојпат во поинаква улога. Ван Гал ќе биде советник за фудбалски прашања. Тој нема да биде вклучен во дневните активности на Ајакс, ниту пак ќе биде замена за Мислинтат, ама со своето искуство ќе се обиде да помогне за клубот да се врати на победничките патеки.

Ван Гал поднесе оставка

Ристе Здравков — Sat, 10 Dec 2022 08:36:07 +0000

Луј ван Гал се повлече од функцијата селектор на Холандија откако беше елиминиран на пенали од Аргентина, во четвртфиналето на Светското првенство. Ван Гал во август минатата година по трет пат стана холандски селектор. „Нема да продолжам… Ова е мојот последен натпревар. Немаме изгубено ниту еден натпревар, не знам колку победивме, но можете на Гугл да напишете Луј ван Гал Холандија и сами ќе ја видите гол-разликата“, изјави 71. годишниот Ван Гал. Во неговиот последен мандат, Холандија забележа 14 победи со шест нерешени и гол разлика 51:17. „Не бевме поразени со причина. Имаме одличен тим со многу таленти. Едноставно не може да го преболиме овој пораз. Имаше сомнителни судиски одлуки, но не дозволувам да мислиме дека загубиме поради судијата“, изјави Ван Гал и додаде дека не го интересира кој ќе стане светски шампион.

Ван Гал: Цела година вежбаме пенали и пак не успеавме

Бошко Тасиќ — Sat, 10 Dec 2022 06:03:32 +0000

Иако не загуби и во дваесеттиот натпревар како селектор, Луј ван Гал не успеа да ја прескокне Аргентина и загуби на пенали, исто како во полуфиналето во Бразил во 2014 година. „Цела година вежбавме пенали, но и покрај тоа не успеавме. Како тренер сакам да имам контрола на сите детали. Затоа ги замолив играчите да изведуваат пенали во своите клубови, а тие тоа го направија. Но, ако промашите два, не можете да победите. Едноставно не можете да ја победите таа серија.Имаше контроверзни одлуки, но не дозволувам да загубиме поради судиите“, изјави Ван Гал за холандската национална телевизија.

Ван Гал: Ди Марија е еден од ретките кој смета дека сум лош тренер

Ивона Петрова — Fri, 09 Dec 2022 10:42:36 +0000

Селекторот на Холандија, Луј ван Гал, ги прокоментира зборовите на аргентинскиот фудбалер за врска Анхел Ди Марија кој го нарече најлошиот тренер во неговата кариера. – Анхел ди Марија е многу добар фудбалер. Кога работев со него во Манчестер јунајтед, тој имаше лични проблеми и тоа влијаеше и на неговата игра. Дали рече дека сум му бил најлошиот тренер? Тој е еден од ретките играчи кои го кажуваат тоа. Штета. Тренерот понекогаш мора да носи одлуки кои не се пријатни за секого, изјави Ван Гал. Селекторот на Холандија се сети и дека и тој во Манчестер Јунајтед немал баш добри односи со Мемфис Депај. – Мемфис, кој сега седи до мене, имаше слична ситуација во Манчестер јунајтед. Но, тренерот не прави ништо случајно. Можеби не беше во ред, но погледнете го односот меѓу нас сега – сè е сосема поинаку, додаде Ван Гал. Репрезентацијата на Холандија на вечер ќе игра со Аргентина во четвртфиналето на Свтското првенство во Катар. Почетокот е во 20 часот.

Ван Гал: Не сум импресиониран од Бразилците

Ивона Петрова — Tue, 06 Dec 2022 19:20:00 +0000

Селекторот на фудбалската репрезентација на Холандија, Луј ван Гал, изјави денеска оти не го импресионирала играта на Бразил во осминафиналниот дуел против Јужна Кореја (4-1) на Светското првенство во Катар. Бразил обезбеди пласман во четвртфиналето со убедлива победа над Јужна Кореја во натпревар во кој веќе по првото полувреме имаше предност од четири голови. „Гледав како игра Бразил и читав што за нив се пишува во холандските весници. Сите зборуваат дека нивната игра е прекрасна. Јас видов еден обичен тим, кој игра на контра напади. Фудбалерите на Јужна Кореја напаѓаа, а Бразил само играше на контри. Ништо повеќе“, изјави Ван Гал за холандската телевизија. Бразил в петок ќе игра против Хрватска во четвртфиналето на Мундијалот, додека Холандија за противник ја има Аргентина.

Холандија не се плаши: Ван Гал ја откри најголемата слабост на Меси

Ристе Здравков — Tue, 06 Dec 2022 15:04:51 +0000

Репрезентацијата на Холандија ќе се соочи против Аргентина во четвртфинале на Светското првенство (СП), а селекторот Луј Ван Гал во разговор со новинарите откри дека има план за Лионел Меси. Ван Гал вели дека Холандија не се плаши од Меси и откри дека Аргентинецот има голема слабост која ќе се обидат да ја искористат. „Меси е способен да создаде шанси за неговите соиграчи, но и да постигне фантастични голови. Меѓутоа, кога ќе ја загуби топката, тој не учествува во одбрана и ние ќе се обидеме тоа да го искористиме“, вели Ван Гал.

Ван Гал: Никогаш не кажав дека ќе бидеме светски шампиони

Ристе Здравков — Tue, 29 Nov 2022 14:30:35 +0000

Холандија не блеска на Светското првенство во Катар, ама е на добар пат да обезбеди место меѓу 16 најдобри на овој собир. „Лалињата“ се соочуваат со домаќинот и со победа многу веројатно ќе завршат и на првото место на табелата. Селекторот Луи Ван Гал се согласува дека играта може и мора да биде подобра, ама во исто време бара поголема почит за националниот тим кој 17 мечеви не знае за пораз. -Се согласувам со критиките, но ние сме без пораз веќе 17 натпревари и мислам дека ако ја погледнете и гол-разликата заслужуваме почит. Се надевам дека ова не е никаков притисок затоа што секогаш треба да ја идентификувате целта и ако не ги идентификувате целите и не кажете дека четвртфиналето е доволно, нема да станете светски шампиони. -Никогаш не кажавме дека ќе станеме светски шампиони, реков дека имаме шанса да станеме светски шампиони и играчите се убедени во тоа. Ако сакате да станете светски шампион, ќе мора да бидете способни да ги победите сите, порача Ван Гал.

ВИДЕО: Ван Гал шокираше во Катар, пред камерите ја повика сопругата на брзински с*кс во хотел

Ивона Петрова — Wed, 23 Nov 2022 10:24:52 +0000

На Луј ван Гал му се познати законите во Катар, но знае дека може да прави што сака во хотелска собата. И сака да има секс за време на Мундијалот. Камерите го фатија 71-годишниот селектор на Холандија како и сугерира на сопругата да одат во хотел „на брзинка“ за време на тренинг. Не е познато дали сопругата Трус се согласила, но овој предлог го добила јавно и пред целиот стручен штаб на Холандија. -Но, може да дојдеш во хотелот, да дојдеш во мојата соба. Ајде да се пле*неме“, рекол Ван Гал пред ТВ камерите.

Van Gaal to his wife today: “But you can come to the hotel. Just to my room. To get laid.” [@telegraaf] pic.twitter.com/8MBXizUsba
— 𝐀𝐅𝐂 𝐀𝐉𝐀𝐗 💎 (@TheEuropeanLad) November 22, 2022

Ван Гал е 14 години во брак со Трус и таа му е втора сопруга, а се воодушевил кога ја видел на тренинг по победата над Сенегал. Тој пред Мундијалот откри дека сопругата му подготвила три пара „среќни портокалови гаќи“ за ова светско првенство и истакна дека ќе ги носи само додека е во Катар.

Ван Гал: Навивачите кои решија да го бојкотираат Светското првенство во Катар се во право

Дарко Андоновски — Wed, 16 Nov 2022 13:39:57 +0000

Селекторот на Холандија Луј ван Гал ги откри своите размислувања за одлуката на навивачите на националниот тим да го бојкотираат Светското првенство во Катар во 2022 година. Тој смета дека навивачите постапуваат правилно со тоа што го искажуваат своето мислење на ваков начин. – Мислам дека навивачите кои го бојкотираат Светското првенство во Катар се во право бидејќи веруваат во тоа. Не гледам проблем. Се надевам дека ќе можеме да играме магично и кога ќе стигнеме до финалето, тие ќе го гледаат натпреварот на ТВ и ќе видат колку сме добри, изјави Ван Гал за „Франс прес“. Светското првенство во Катар ќе се одржи од 20 ноември до 18 декември. Репрезентацијата на Холандија ќе игра во групата против Катар, Еквадор и Сенегал.

Познатиот спортски стратег објави дека боледува од рак на простата

Тале Кристо — Mon, 04 Apr 2022 14:00:57 +0000

Селекторот на фудбалската репрезентација на Холандија, Луј ван Гал, сподели со јавноста во телевизиско гостување дека боледува од рак на простата. Гостувајќи во емисија на холандска телевизија РТЛ, 70-годишниот Ван Гал рече дека веќе почнал со лекување и оти тоа го криел од своите играчи. Тој додаде дека семејството и блиските пријатели знаеле за тоа и им изрази благодарност што веста не ја откриле во јавноста. – Секој пат морав ноќе да одам во болница за играчите да не дознаат. Тие ги гледаа моите румени образи и мислеа дека сум здрав. Но, не сум. Не сакав да им кажам за тоа да не влијае врз нивната игра, изјави Ван Гал. Холандскиот селектор наведе дека досега имал 25 терапии и додаде дека станува збор за „агресивна форма“ на болеста. Ван Гал на крајот од оваа година треба да ја предводи Холандија на Светското првенство во Катар. Холандија против Сенегал ќе игра на отворањето на Мундијалот, во рамки на групата А во која се и домаќинот Катар и Еквадор.