луј витон – Kurir.mk

Демонстранти упаднаа во седиштето на Луј Витон во Париз, се чека клучна одлука за пензиите (ВИДЕО)

Ристе Здравков — Thu, 13 Apr 2023 17:33:52 +0000

Демонстранти денеска упаднаа во седиштето на луксузниот моден бренд Луј Витон во Париз пред очекуваната пресуда за контроверзните пензиски реформи во Франција. Тие бараат француската влада да се откаже од планираните пензиски реформи и наместо тоа повеќе да ги оданочува богатите. Десетици демонстранти мавтајќи со знамиња и факели упаднаа во просториите на Луј Витон на авенијата Монтењ бр. 22 во четвртокот наутро – 12-тиот ден од протестите низ целата земја од почетокот на штрајковите, објави „Скај њуз“.

Paris, France… Protesters have stormed the headquarters of Louis Vuitton. They chant “We will go as far as withdrawal”

Translation- We not gonna take it anymore 🔥 pic.twitter.com/Dq8qZ7rBl7
— 1776 (@TheWakeninq) April 13, 2023

„Барате пари за да ги финансирате пензиите? Земете го од џебовите на милијардерите“, рече активистот на синдикатот Суд Раила, Фабиен Виледје во седиштето на LVMH исполнето со црвен чад.

Protesters in Paris stormed the headquarters of Louis Vuitton 🫡pic.twitter.com/PIkNtMmv89
— Lauren McKenzie (@TheMcKenziest) April 13, 2023

Демонстрантите потоа мирно си заминаа. Десетици илјади демонстранти излегоа на улиците на француската престолнина, а некои се судрија со полицијата. Демонстрации се одржуваат во градовите ширум земјата – вклучувајќи го и Рен, каде што сликите покажуваат запален Мерцедес – во најновата манифестација на гнев поради предложените промени во пензиите. Синдикатите повикаа на демонстрации на улиците на Франција, еден ден пред одлуката на Уставниот суд за законитоста на законот за пензиски реформи, кој предвидува зголемување на старосната граница за пензионирање од 62 на 64 години. Доколку Уставниот суд го одобри законот што владата го донесе со декрет за да го избегне парламентот, бидејќи има сигурно мнозинство, тој ќе може да стапи на сила. Демонстрантите, сепак, најавија дека ќе продолжат да се борат дури и ако законот добие зелено светло, додавајќи дека сакаат да организираат референдум за ова прашање или да го вратат законот на одлука во Собранието.

„Луј Витон“ го назначи пејачот Фарел за нов креативен директор

Катерина Бојаџиева — Thu, 16 Feb 2023 08:35:30 +0000

Францускиот моден бренд „Луј Витон“ го назначи продуцентот и пејач Фарел Вилијамс за нов креативен директор, за својата линија машка облека. - Тој е визионер чии креативни универзуми се протегаат од музика и уметност до мода, а исто така, е и коосновач на брендот „Билионер бојс клаб“ (Billionaire Boys Club)... Среќен сум што можам повторно да го пречекам Фарел, по нашите соработки во 2004 и 2008 година за „Луј Витон“, овојпат како наш нов креативен директор за мажи, рече претседателот и извршен директор на компанијата, Пјетро Бекари. Оваа улога во „Луј Витон“ претходно ја имаше познатиот дизајнер Вирџил Аблох, кој почина 2021 година, а првата колекција на Вилијамс за овој светски бренд ќе биде прикажана на Модната недела во Париз во јуни оваа година. Поп-пејачот Фарел (49), покрај тоа што основаше свој бренд за облека, соработуваше и со „Адидас“, „Монклер“ и „Шанел“, а работеше и со дизајнерот Марк Џејкобс на дизајнот на очила за „Луј Витон“.

Луј Витон дизајнираше чанта со албанското знаме – цената вртоглава, кога ќе ја видите ќе се подразмислите дали ја сакате (ФОТО)

Дарко Андоновски — Mon, 09 Jan 2023 10:06:20 +0000

Еден од најпопуларните луксузни брендови „Луј Вуитон” пуштил во продажба чанти на кои стои албанското национално знаме. Информацијата на Фејсбук ја сподели албанскиот премиер Еди Рама, а потоа ја пренесоа и сите медиуми во државата. – Нова чанта на „Луј Вуитон” со најубавото знаме во светот, напиша Рама. Чантата која има типичен дизајн на „Луј Витон”, со албанското знаме чини 9.900 долари. Рама синоќа на социјалните мрежи објави дека еден од најпознатите производители на часовници во светот „Франк Мулер” од Швајцарија пуштил во продажба специјален модел на луксузен часовник изработен од челик и црн титаниум, со ликот националниот херој на Албанците Ѓерѓ Кастриот Скендербег.

Маск симнат од тронот, сопственикот на „Луј Витон“ e најбогат човек на светот

Ивона Петрова — Wed, 07 Dec 2022 17:09:19 +0000

Сопственикот на „Твитер“ и на „Тесла“, Илон Маск, од денеска повеќе не е најбогатиот човек на светот, покажуваат податоците на престижниот њујоршки магазин „Форбс“. Маск падна од првото место по купувањето на „Твитер“ за 44 милијарди долари и продажбата на акции во неговата компанија за електрични автомобили. Првото место го зазеде Бернард Арно, сопственикот на луксузниот бренд „Луј Витон“ и бројни компании чие богатство според „Форбс“ се проценува на 185,4 милијарди долари. Маск, кој беше на првото место до септември 2021 година, има проценета нето вредност од 185,3 милијарди долари.

„Луј Витон“ ја претстави новата колекција на накит па предизвика гнев поради симболот кој означуа само едно – агресијата на Русија врз Украина (ФОТО)

Магдалена Андонова — Wed, 30 Mar 2022 08:30:39 +0000

Модниот гигант „Луј Витон“ претстави нова колекција накит, па предизвика гнев кај обожавателите кои тврдат дека симболот потсетува на оној на агресијата на Русија врз Украина – буквата „Z“. Француската модна куќа на Инстаграм ја претстави унисекс-колекцијата „LV Volt“, со познати личности како лица на брендот. Меѓу нив се раперот Кид Куди, глумицата Џин Чен и Алиша Викандер. Иако се решија, како и обично, со стилизирано преплетување на буквите „L“ и „V“, тие сега постигнаа спротивен ефект бидејќи тоа многумина ги асоцира на „рускиот воен симбол“, па луто одговорија во коментарите потоа. За некои, тоа е дури и „срамен“ потег. - Модата не може да произлезе од војна! Буквата ’Z‘ е симбол на руската агресија против Украина“, „Дали сте сериозни!?“, „Веќе гледам дека ова ќе биде еден од најлошите маркетиншки неуспеси ширум светот, гласат дел од коментарите. (МИА)

Сека Алексиќ на себе носеше чанта вредна шест просечни плати – никоја жена не може да му одолее на овој бренд и модел кој е хит (ФОТО)

Дарко Андоновски — Fri, 18 Feb 2022 08:38:26 +0000

Пејачката Сека Алексиќ сака да се дотерува, но и да носи брендирана облека во каква често ја гледаме. Таа сега објави фотографија на Инстаграм на која се гледа дека е „скоцкана“ од глава до пети, а многумина забележаа колку вредат парчињата на неа.

View this post on Instagram

A post shared by SEKA ALEKSIĆ (@seka_aleksic)

Сека во рацете држеше луксузна чанта „Луј Витон“ вредна дури 4.050 долари пишува „Блиц“. Коментарите под објавата само се нижеа, бидејќи таа за ова парче аксесоари издвола шест просечни плати.

ФОТО: Двесте пара патики на „Луј Витон“, продадени за 25 милиони долари

Ивона Петрова — Fri, 11 Feb 2022 08:53:22 +0000

Аукциската куќа „Сотби“ објави дека 200 пара патики „Луј Витон“ и „Најки ер форс 1“ од покојниот американски дизајнер Вирџил Аблох, се продадени на наддавање за вкупно 25 милиони долари. Само за еден од паровите биле платени повеќе од 350.000 долари на интернет-продажбата што траеше од 26 јануари до 8 февруари. Износите далеку ги надминуваат првичните проценки на „Сотби“, од каде што ја започнаа аукцијата со 2.000 долари и предвидуваа дека ќе се продаваат меѓу 5.000 и 15.000 долари по пар. На крајот, најевтиниот пар е продаден за нешто повеќе од 75.000 долари. Специјалното издание на патиките, направени од телешка кожа, првично беше создадено за машката колекција пролет-лето 2022 година на „Луј Витон“, чиј уметнички директор беше Аблох. Приходите од продажбата се наменети за Фондот за стипендии основан од креативецот кој поддржуваше амбициозни дизајнери од афроамериканско и африканско потекло. Аблох, диџеј со многу таленти, архитект и дизајнер почина во ноември на 41-годишна возраст, по битка со ракот. Тој беше првиот Афроамериканец именуван за креативен директор на водечката француска модна куќа.

ДУРИ НИ ГЕОРГИНА НЕМА ВАКВО НЕШТО: Драгана Мирковиќ доби подарок од „Луj Витон“ со нејзини иницијали, ќе ви се заврти во глава од цената (ФОТО)

Магдалена Андонова — Wed, 02 Feb 2022 10:20:25 +0000

Драгана Мировиќ народот ја смета за многу скромна жена, која се грижи само за семејството, домот и кариерата. Никогаш не им придавала значење на луксузните предмети, иако очигледно ги има во изобилство. Таа сигурно не е од оние кои се фалат со скапоцени работи, но сега направи исклучок, па го покажа брендираниот подарок што го доби. Имено, пејачката на социјалните мрежи објави дека нејзината колекција куфери е побогата за уште еден. Станува збор за куфер на реномираниот француски бренд „Луj Витон“, чија цена се движи до вртоглави 5.000 евра. Во атрактивен монограмски принт и со нејзините иницијали, куферот ја воодушеви Драгана, која го објави на „Инстаграм стори“, поради што многумина и завидуваат.

Почина Вирџил Абло, уметнички директор „Луј Витон“

Ивона Петрова — Mon, 29 Nov 2021 08:40:54 +0000

Вирџил Абло, уметничкиот директор одговорен за машките колекции на модната куќа „Луј Витон“, почина на 41-годишна возраст. Веста за неговата смрт на Твитер ја објави компанијата сопственик на брендот – „ЛМВХ“. – Сите сме шокирани од оваа страшна вест. Вирџил не само што беше брилијантен дизајнер и визионер, тој беше човек со прекрасна душа и огромно знаење!, рече директорот на „ЛМВХ“, Бернард Арно. Во соопштението се вели дека Абло се борел со рак последниве неколку години.

Бoки 13 oткpи штo што нocи во тopбата Луј Витон (ВИДЕО)

Ивана Ефремовски — Thu, 24 Dec 2020 14:16:59 +0000

Бојан Јовановски попознат под прекарот Боки 13 ексклузивно за Инфомакс откри што однесе денеска во Основното јавно обвинителство. Повеќе од 5 часа, Јовановски ги образложуваше неколкуте кривични пријави кои ги достави до ОЈО претпаднево. Од она што го откри неговиот адвокат е дека пријавите се против неколку високи државни претставници, но се однесуваат и на лекарски персонал. На излегување од обвинителството екипата на Инфомакс, го запраша Јовановски што носи во својата торба, по што тој накратко тој одговри „докази, само докази“, притоа напоменувајќи колку тежи торбата која тој ја носи. Цечата вест прочитајте ја на ИНФОМАКС