лук пери – Kurir.mk

Последна сцена на починатиот актер: Лук Пери доби прекрасно збогување

Ивана Ефремовски — Thu, 25 Apr 2019 15:12:57 +0000

Последната сцена што Лук Пери ја сними за актуелната сезона на ТВ-серијата „Riverdale“ ненамерно е прекрасно збогување на популарниот актер. Пери го играше ликот на Фред Ендруз од пилот епизодата, до неговата смрт на 4-ти март. Ликот уште не е „отпишан“ од серијата, но според извршниот продуцент Роберто Агире Сакаса епизодата што се емитуваше синоќа е последната што Пери ја снимил, а неговата последна сцена била „прекрасен, вистински момент меѓу татко и син“.

This week’s #Riverdale is the last episode Luke filmed. As always, Fred’s imparting words of wisdom to Archie. A beautiful, true moment between a father and his son. Wish these scenes could go on forever...❤️????‍? pic.twitter.com/meokbvo0Wt
— RobertoAguirreSacasa (@WriterRAS) April 22, 2019

Пери, кој се прослави во 90-тите со улогата на Дилан Мекеј во серијата „Beverly Hills 90210“, почина на 52-годишна возраст по тежок мозочен удар. -Длабоко сме растажени од веста дека почина Лук Пери. Тој беше сакан член на семејството Riverdal, неверојатно внимателен, посветен, професионалец, човек со големо срце и вистински пријател. Беше татковска фигура и ментор за младите во актерската екипа. Великодушен човек кој внесуваше љубов и добрина во екипата. Нашите мисли се со семејството на Лук во овие тешки моменти, напишаа продуцентите на серијата кога беше објавена веста за смртта на Пери.

Чествување за Лук Пери: Дилан повторно ги зближи колешките и колегите од Беверли Хилс

Предраг Кукиќ — Wed, 20 Mar 2019 14:18:54 +0000

Глумците од хит-серијата „Беверли Хилс“ имале свој приватен „повторен собир“ во чест и сеќавање на својот колега Лук Пери (Дилан), кој почина на 4 март. Седенката се случила во домот на Габриел Картерис, која ја глумеше Андреја во тинејџерската ТВ серија која ги обележа 90-те, а тоа го соопшти Брајан Остин Грин (Дејвид) во својата интернет емисија. – Се видов со луѓето кои ги немав видено 18 години. Чувствата беа измешани… Сите беа пресреќни што повторно сме заедно, но – поводот беше ужасен, рече Грин. 3а Пери, тој вели дека бил „многу голем фраер“. – Лук беше човек за кого никој немаше лош збор. Едноставно, тој беше супер тип. И, секогаш беше свој, истиот Лук, без разлика каде ќе го видите. Многу сум среќен што го познавав. Беше одличен човек и ќе ми недостасува, се осврна Грин на својот пријател.

Свршеничката на славниот Дилан собрала сили и се огласи по неговата смрт

Ивана Ефремовски — Mon, 11 Mar 2019 15:22:19 +0000

"Последните 11 и пол години со Лук беа најсреќните години од мојот живот и благодарна сум што тоа време го минав со него", рекла Бауер. Венди Медисон Бауер се огласила 6 дена по смртта на нејзиниот свршеник, славниот актер Лук Пери. Венди и Лук биле во врска 12 години, но многу ретко се појавувале заедно во јавност, бидејќи Лук сакал приватниот живот да го чува за себе. -Сакам да изразам благодарност до сите на изливите на љубов и поддршка. Безбројните, трогателни приказни за великодушноста на Лук беа голем извор на утеха во ова тешко време, рекла Венди за "People". "Последните 11 и пол години со Лук беа најсреќните години во мојот живот и благодарна сум што тоа време го минав со него. Исто така, сакам да се заблагодарам на неговите деца, семејството и пријателите на нивната љубов и поддршка. Пронајдовме утеха едни во други и во знаењето дека нашите животи беа допрени од неверојатен човек. Многу ќе недостасува", рекла љубовта на Лук. Пред Венди, Лук бил во брак со Рејчел Мини Шарп, со која се венчал во 2003-та година, а од таа љубов го добиле синот Џек и ќерката Софи.

Чарли Шин со емотивна порака се прости од Лук Пери

Ивана Ефремовски — Tue, 05 Mar 2019 10:25:44 +0000

Чарли Шин на својот профил на Твитер објави емотивна порака посветена на неговиот колега и драг пријател Лук Пери, кој почина неколку дена откако имаше мозочен удар. „Секоја ситуација ја правеше подобра, мој човеку. Твојата елеганција, твојот памет, шарм, големото срце кои нè воодушевуваа во безброј прилики, како и твојата самодоверба. Почивај во мир добар господине. Чест ми е што те познавав сите овие години“, напиша Чарли Шин.

L.P. you made every situation better, my man. your elegance your wit your charm and your giant heart, inspired and enchanted so many of us, on countless occasions, with brilliant aplomb. R.I.P good sir. i am truly honored to have known you all of these years. ©️ ❤️
— Charlie Sheen (@charliesheen) March 4, 2019

Вешто ја криеше од јавност: Таа е последната љубов на Лук Пери (ФОТО)

Ивана Ефремовски — Tue, 05 Mar 2019 10:12:09 +0000

Лук Пери кој почина од мозочен удар, бил свршен со терапевтката Венди Медисон, јавуваат светските медиуми. Дека биле верени е објавено дури по смртта на омилениот актер од „Беверли Хилс“, во соопштението на неговиот публицист. Не е познато колку време двојката била заедно, но во 2017-та година се фотографирани како се држат за рака на доделувањето на наградите GLAAD. Венди (44) која имаше и неколку помали улоги во ТВ-сериите The Mentalist и Crash, сега води приватна клиника за семејства и бракови, а судејќи по нејзината биографија, работи со возрасни, со тинејџери и со двојки кои страдаат од анксиозност. Таа била покрај Пери во болницата до последен момент, заедно со неговата поранешна сопруга Рејчел Мини Шарп со која има две деца, синот Џек (21) и ќерката Софи (18). Нивната љубов траеше десет години, а разводот помина речиси незабележително во медиумите.

Почина славниот актер од серијата „Беверли Хилс“ кој беше миленик на многумина (ФОТО)

Дарко Андоновски — Mon, 04 Mar 2019 18:23:54 +0000

Американската телевизиска и филмска ѕвезда Лук Пери, најпознат по улогата на Дилан во серијата „Беверли Хилс 90210“ почина денеска во Калифорнија на 52 години. Тој претходно преживеа мозочен удар и беше префрлен во болница, но по неколкудневната борба тој починал. Светските медиуми објавија дека тој починал опкружен со неговото семејство и пријатели. Инаку пред извесно време, телевизиската мрежа Фокс официјално потврди дека ќе се снимаат нови епизоди од „Беверли Хилс“.

Лук Пери преживеа мозочен удар

Дарко Андоновски — Fri, 01 Mar 2019 08:19:26 +0000

Американската телевизиска и филмска ѕвезда Лук Пери, најпознат по улогата на Дилан во серијата „Беверли Хилс 90210“, бил итно префрлен в болница по претрпен тежок мозочен удар. Моментната состојба на глумецот не е позната, а неговиот претставник изјави само дека тој е под надзор во болница. Пред извесно време, телевизиската мрежа Фокс официјално потврди дека ќе се снимаат нови епизоди од „Беверли Хилс“.

Популарниот Дилан од „Беверли Хилс“ заврши во болница, состојбата непозната

Предраг Кукиќ — Thu, 28 Feb 2019 17:56:12 +0000

52-годишниот американски актер Лук Пери вчера доживеал тежок мозочен удар по кој итно бил пренесен во болница, пренесува “TMZ”. Итната помош интервенирала во неговиот дом околу 9:40 часот наутро и го пренела во болница во критична состојба, а неговата моментална состојба засега не е позната. По некаква коинциденција, ова се случило истиот ден кога телевизискиот канал “Fox” официјално го објави повторното снимање на ТВ серијата Беверли Хилс, 90210, во која Лук се прослави играјќи ја улогата на Дилан Мекеј.