лука донлиќ – Kurir.mk

Дончиќ: Тоа што го кажа судијата не е фер

Бошко Тасиќ — Thu, 07 Sep 2023 04:00:44 +0000

Лука Дончиќ сериозно беше фрустриран на натпреварот против Канада и имаше многу забелешки за судиите, па во таква ситуација, ја загуби главата и доби исклучување во последната четвртина.

– Најпрво би сакал да и честитам на Канада, играа добра кошарка, физички беа силни и имаат еден од најдобрите играчи во светот. И покрај се, горд сум на својот тим, се боревме до крај и си одиме со кренати глави. Сите видовте дека бев фрустриран, морам пдообро да се контролирам, но тоа е што е. Судијата на еден наш играч му кажа дека нема да свири фаули за мене поради тоа што постојано се жалам. Тоа не е фер.
Знам дека многу се жалам, но таквиот пристап од судиите не е фер. Тие играа физичка кошарка и имаше многу контатки. Добро одигра и Дилон Брукс кој беше исклучен. Многумина не го сакаат поради таквиот стил, но јас го почитувам поради тоа што добро работи за тимот, – изјави Дончиќ.

Словенија со Дончиќ на Евробаскетот

Бошко Тасиќ — Mon, 29 Aug 2022 16:33:01 +0000

Селекторот на словенечката кошаркарска репрезентација Александер Секулиќ ги избра кошаркарите со кои ќе го нападне тронот. Лука Дончиќ ќе биде главен предводник на репрезентацијата, а друштво на првенството ќе му прават уште 11 сонародници.

Секулиќ за Евробаскетот ги избра Дончиќ, Горан Драгиќ, Влатко Чанчар, Јака Блажиќ, Едо Муриќ, Жига Димец, Жига Самар, Алексеј Николиќ, Клемен Препелич, Лука Рупник, Зоран Драгиќ и Мајк Тоби.

Лука Дончиќ избран за „ѕвезда во подем“ на Евролигата

Даниел Василев — Tue, 08 May 2018 13:23:30 +0000

Втора сезона по ред Лука Дончиќ од Реал Мадрид ја освојува наградата за „ѕвезда во подем“ на Евролигата. Деветнаесет годишниот талент го повторува стореното од Никола Миротиќ, кој ја освои наградата во две последователни години како играч на „белите“ - во 2011 и 2012. Дончиќ има неверојатна година до моментов и во 31 натпревар од Евролигата забележува просечно по 16.1 поени, 4.8 скока, 4.4 асистенции и 1.1 украдени топки при 58,3 отсто успех за два поена и 82 процента од линијата за слободни. Просечната оценка му е 21,8, со што е апсолутен лидер на целиот турнир. Тинејџерот е посочен како потенцијален бр.1 на НБА Драфтот, а оваа можност изгледа уште пореална, откако Игор Кокошков беше назначен за тренер на Феникс. Кокошков беше селектор на Словенија и Дончиќ при освојувањето на историската прва европска титула минатата година. Дончиќ заврши пред Алберто Абалде од Валенсија Баскет, Матиа Лесор од Црвена ѕвезда, Џони Болден од Макаби Тел Авив и Лука Вилдоса од Басконија, кои се наредија по него во гласањето за најдобар млад играч. Статистичките показатели на Дончиќ го ставаат под број четири во Евролигата кај стрелците, број 12 кај асистентите и број 11 кај „крадците“. Лука беше МВП на месец октомври, а тој исто така ја освои наградата МВП на колото четири пати - најмногу од сите играчи на турнирот во сезоната 2017/2018. МИА