лука јовиќ – Kurir.mk

Пикси го „прешкрта“ Лука Јовиќ

Ристе Здравков — Fri, 06 Oct 2023 12:55:32 +0000

Селекторот на репрезентацијата на Србија, Драган Стојковиќ Пикси го соопшти списокот на репрезентативци на кои ќе смета за двата претстојни квалификациски дуели против Унгарија на 14 октомври во Будимпешта, и три дена подоцна против Црна Гора во Белград. Има неколку новитети како на пример дефанзивецот на Партизан, Михаило Илиќ, или пак Петар Ратков од РД Салзбург. Сепак, најголемо изненадување е неповикувањето на Лука Јовиќ кој летово се пресели од Фиорентина во Милан, но очигледно дека повеќе го нема статусот и реномето во српскиот фудбал како некогаш. Стојковиќ едноставно го „прешкрта“ некогашниот играч на Реал Мадрид и се одлучи за поинаква опција.

Лука Јовиќ официјално во Милан

Бошко Тасиќ — Sat, 02 Sep 2023 04:01:30 +0000

На последниот ден од преодниот рок, Милан во совите редови го донесе напаѓачот на Фиорентина, Лука Јовиќ. Србинот ќе биде на „Сан Сиро“ до крајот на сезоната како позајмен играч. Јовиќ во минатото беше дел од Ајнтрахт Франкфурт и Реал Мадрид, а неговата плата во Милан ќе изнесува 2,5 милиони евра по сезона, со оглед дека останатите 2,5 ги плаќа Реал Мадрид.

Анчелоти долови една од причините зошто се разделија со Јовиќ

Ристе Здравков — Wed, 13 Jul 2022 13:15:23 +0000

Тренерот на Реал Мадрид, Карло Анчелоти, смета дека српскиот фудбалер Лука Јовиќ е мрзелив играч и дека добро е за него што се преселил во Фиорентина. Пред само неколку дена, Јовиќ беше претставен како ново засилување, во бесплатен трансфер кој го обезбедија во договор со Реал Мадрид. Никој не ја знаеше вистинската причина зошто Јовиќ не добива вистинска шанса во Реал, а Анчелоти се обиде да долови дел од причината кон јавноста. „Јовиќ е одличен играч, не е многу подвижен, силен е во 16-те метри на противникот и игра добро со глава, но има еден проблем, тој е многу мрзелив. За него е добро што потпиша со Фиорентина, ќе биде добар таму, сигурен сум“, порача Анчелоти.

Лука Јовиќ официјално фудбалер на Фиорентина

Бошко Тасиќ — Sat, 09 Jul 2022 05:28:02 +0000

Србскиот фудбалер Лука Јовиќ кого Реал Мадрид го плати 60 милиони евра официјално од вечерва е член на италијанска Фиорентина. Јовиќ дојде во Фиренца како слободен фудбалер и потпиша перманентен договор со „виола“, а е поранешен фудбалер на Црвена Звезда, Бенфика и Ајнтрахт Франкфурт. Доаѓа за да ја пополни дупката во нападот која се создаде со заминувањето зимоска на неговиот сонародник Душан Влаховиќ во Јувентус.

Таткото на Јовиќ го потврди трансферот на напаѓачот: Време е да се увериме кој е во право

Ристе Здравков — Wed, 06 Jul 2022 12:39:37 +0000

После три прескромни сезони во Реал Мадрид, Лука Јовиќ конечно си заминува од шпанската престолнина, и тоа како слободен агент откако „кралевите“ се одлучија да го подарат напаѓачот на Фиорентина. Европскиот првак се реши да се ослободи од Србинот на доста лесен начин и ќе заработи дури од неговата следна продажба (задржа 50 проценти од првата на играчот), информации кои сега ги потврди и таткото на фудбалерот во изјава за српски медиум. Јовиќ заминува гратис во Фиорентина и сега ќе треба да се докаже на фудбалската сцена во Италија, нешто што според неговиот татко е добра шанса за менување на текот на кариерата. – Ова е вистински потег, шанса за да се увериме кој е во право, а кој не. Време е да се погледнеме во очи, како што се вели кај нас. Или си, или не си, – гласи изјавата на Милан Јовиќ за српски „Објектив“. Само за потсетување, Лука пред три години направи трансфер во Реал вреден 60 милиони евра, а сега си заминува без отштета откако сериозно назадуваше во Мадрид.

Реал без отштета го „подари“ Лука Јовиќ на Фиорентина

Ристе Здравков — Tue, 05 Jul 2022 08:43:11 +0000

Српскиот интернационалец Лука Јовиќ го напушта Реал Мадрид и се сели во Серија A каде ќе го носи дресот на Фиорентина. Интересни е дека „кралевите“ нема да бараат отштета само за да се ослободат од неговата плата и комплетно да го продадат. Првата сезона, Реал Мадрид ќе има обврска да плаќа половина од неговата годишна плата, но потоа тој комплетно ќе биде член на Фиорентина. Лука Јовиќ е едно од најголемите трансферни промашувања во историјата на Реал Мадрид. Дојде пред три години од Ајнтрахт Франкфурт за 65 милиони евра. За споредба, Реал Мадрид плати 18 милиони евра повеќе обештетување за Јовиќ отколку за Винисиус Жуниор, кој дојде во клубот една сезона порано. Сепак, Србинот за две и пол години во Реал имаше мизерен ефект од три постигнати гола и пет асистенции на 51 натпревар.

Анчелоти не му дозволува на Јовиќ да замине во Фиорентина

Ивона Петрова — Thu, 30 Jun 2022 06:19:43 +0000

Тренерот на Реал Мадрид, Карло Анчелоти е против заминувањето на напаѓачот Лука Јовиќ во Фиорентина, пренесува „Радио Бруно“. Италијанците имаат намера да изнајмат напаѓач во блиска иднина. Италијанското радио јави за намерата на Анчелоти да го задржи српскиот фудбалер во тимот. Тој е подготвен да направи се за да го премисли Јовиќ за преселба во „виолетовите“ од Фиренца. Во текот на вчерашниот ден повеќе италијански медиуми објавија дека Јовиќ следната недела ќе пристигне во Фиренца за да ги помине медицинските прегледи и да потпише договор со Фиорентина. Минатата сезона Јовиќ настапи на 19 натпревари за Реал Мадрид и постигна еден гол и три асистенции.

Лука Јовиќ во Белград го прослави раѓањето на синот: Микрофонот во рацете на Пријовиќ цела вечер, гостите традиционално му ја искинаа маицата (ВИДЕО)

Магдалена Андонова — Thu, 31 Mar 2022 10:07:13 +0000

Фудбалерот на Реал Мадрид, Лука Јовиќ вчера го прослави раѓањето на неговиот трет син Теодор. Имено, прославата била организирана во еден отмен ресторан, а Александра Пријовиќ била задолжена да ги забавува гостите. Лука по репрезентативните обрски се врати во Србија за да го прослави раѓањето на Теодор со своето семејство и пријатели. Лудата забава траела до раните утрински часови. Покрај гостопримството на гостите, пејачката беше задолжена и за одличната атмосфера, па полни три часа му пееше на Лука и гостите, а покрај неа бил задолжен и пејачот на „Магла бенд“. Гостите ја искинаа маицата на Лука, па тој се пресоблече неколку пати во текот на вечерта. Српскиот фудбалски репрезентативец цело време бил на видео повик со Софија за да и пренесе дел од атмосферата. Видеото може да го погледнете ТУКА.

Прва фотографија по породувањето – Лука и Софија го открија и името на бебето – вистинско православно и популарно меѓу младите (ФОТО)

Дарко Андоновски — Mon, 28 Mar 2022 13:14:56 +0000

Манекенката Софија Милошевиќ се породила во неделата на 27 март 2022 година, доцна вечерта во Мадрид. Софија и фудбалерот на Реал Мадрид, Лука Јовиќ го добиле вториот син. Пораѓањето поминало добро и манекенката се чувствува одлично, пренесува српски Телеграф. Лука е пресреќен и по повод раѓањето на синот ги честел своите соиграчи во Данска каде што во моментов престојува со репрезентацијата. Ексклузиво за Стори.рс откриле дека бебето ќе се вика Теодор. Лука и Софија го добија првиот син Алексеј на 8 септември 2020 година. Ова е третиот наследник на фудбалерот, кој го има и синот Давид од врската со Анџела Маниташевиќ.

Се породи манекенката Софија Милошевиќ: Фудбалерот на Реал Мадрид е далеку од дома, па прослави со колегите – ова е полот на бебето

Дарко Андоновски — Mon, 28 Mar 2022 10:10:16 +0000

Манекенката Софија Милошевиќ се породи по втор пат доцна во неделата во Мадрид, пренесуваат српските медиуми. Како што пренесуваат тие, фудбалерот на Реал Мадрид Лука Јовиќ заедно со манекенката го добија своето второ дете.

View this post on Instagram

A post shared by SOFIA (@sofijamilo)

Породувањето поминало во најдобар ред, а манекенката и синот се чувствуваат одлично. Лука се чувствува одлично и добивањето на синот го прослави со соиграчите во Данска каде во моментов е со српската репрезентација, а дел од соиграчите се шегувале како само синови прават.

View this post on Instagram

A post shared by SOFIA (@sofijamilo)

Парот се зема на 8 септември 2020 година, а манекенката и со првото дете исто така се породи во Мадрид. Инаку за фудбалерот ова е трето дете, со оглед на тоа дека од врската со Анџела Маниташевиќ го има синот Давид.

View this post on Instagram

A post shared by SOFIA (@sofijamilo)