лука кржаловски – Kurir.mk

УМС на ВМРО-ДПМНЕ оствари средба со политичкиот подмладок на партијата на Ангела Меркел

Ивана Ефремовски — Sun, 07 Oct 2018 20:21:57 +0000

Денес оставиривме средба со претставници од #JungeUnion, политички подмладок на партијата на Ангела Меркел. Тие ни дојдоа од Ерфурт, главниот град на германската сојузна држава Турингија, информира Лука Кржалоски, претседател на УМС на ВМРО-ДПМНЕ. -На состанокот стана збор за добрите односи помеѓу нашите сестрински партии и беше укажано дека добрата соработка ќе продолжи и во иднина. Покрај тоа, ги запознавме со актуелната политичка состојба во Република Македонија, состојбата по референдумот и маните во интерпретација на резултатите од страна на власта. Воедно, имавме и детална дискусија за содржината на самиот Преспански Договор. Разговорот продолжи во насока на регионалните прашања, историјата и културолошките карактеристики на балканскте народи. Интересно беше да се чујат и перцепциите на нашите германски колеги за балканот. За крај беше заклучено дека Република Македонија ја има поддршката од ЦДУ/ЦСУ кои се владејачка коалиција во Германија и дека таа останува клучен стратешки партнер на целиот регион, информираше тој.

Кржалоски: Ние младите имаме потенцијал, сила и храброст да ги менуваме старите навики и пракси, а имаме и моќ да ја насочуваме иднината во позитивна насока

Дарко Андоновски — Sun, 12 Aug 2018 20:08:36 +0000

Лука Кржалоски од ВМРО-ДПМНЕ преку својот Фејбук им го честиташе на сите националниот ден на младите. -Често младите, како гарант за иднината на една нација, се тема од важен и сериозен интерес. Но и ние имаме обврска континуирано да грабиме искуство и знаење, да предлагаме квалитетни политики за решавање на нашите проблеми и жестоко да ги браниме нашите ставови. Само така ќе бидеме спремни да се соочиме со сите предизвици кои ги носи времето во кое нашите генерации ќе бидат тие на кои што ќе падне одговорноста за градење и развој на ова општество. Унијата на млади сили историски била и ќе биде најмоќната младинска организација во Македонија. Ние имаме потенцијал, сила и храброст да ги менуваме старите навики и пракси, а имаме и моќ да ја насочуваме иднината во позитивна насока. Во оваа борба ќе и бидеме најдобар пријател на секоја индивидуа или организација која што има добри намери за иднината на оваа држава, за својот град или село, за својата професија или за било која опшествена сфера на интерес. Истовремено, ќе бидеме најжесток непријател на секој што ќе го загрози тоа што ни припаѓа нас - иднина во една држава каде што владее правото, каде што сечие достоинство е заштитено и каде што економскиот просперитет ќе му биде загарантиран на секој што ќе работи и твори во интерес на сеопштото добро. Честит меѓународен ден на млади, но да го имаме кажаното на ум секој ден!, стои во неговиот статус на ФБ.

Кржалоски: Ние младите ќе го зачуваме ова наше свето и вековито име

Ивана Ефремовски — Sun, 15 Jul 2018 17:48:31 +0000

Претседателот на УМС на ВМРО-ДПМНЕ, Лука Кржалоски, на средба со постара Македонка вети дека младите ќе го зачувуваат името Република Македонија. -Мајче, секоја твоја солза нема да биде залудно пролеана. Секој плач за Македонија, е искрен крик за нејзино ослободување од оваа црна чума што надвиснала над неа. Ние младите мајче, ти ветуваме дека ќе ја браниме секоја педа земја од нашата татковина и ќе го зачуваме ова наше свето и вековито име, РЕПУБЛИКА МАКЕДОНИЈА, напиша тој.

Кржаловски: Започнувам беспоштедна битка за нова реалност за младите луѓе во Македонија

Ивана Ефремовски — Mon, 26 Mar 2018 18:14:00 +0000

Лука Кржаловски е новиот претседател на Унијата на млади сили на ВМРО-ДПМНЕ. Тој е досегашен Претседател на градскиот комитет Скопје на УМС на ВМРО-ДПМНЕ и член на ИK на УМС на ВМРО-ДПМНЕ. -Почитувани мои пријатели, браќа и сестри, вчера вечер со одлука на Извршнот Комитет избран сум за Претседател на Унијата на Млади Сили на ВМРО-ДПМНЕ! Она што можам да го ветам на секој член на УМС е дека од овој момент започнувам беспоштедна битка за нова реалност за младите луѓе во Македонија, напиша тој на својот Фејсбук профил.