Македонскиот младински фудбалски репрезентативец Станковски ќе го облече дресот на турскиот прволигаш Газиантеп

Магдалена Андонова — Wed, 05 Jan 2022 14:50:37 +0000

Македонскиот младински фудбалски репрезентативец Лука Станковски ги смени клупските бои и премина од редовите на скопски Работнички во турскиот прволигаш Газиантеп. Станковски (19), денеска потпиша договор на четири ипол години со можност за продолжување на соработката за уште една година, во присуството на раководство на Газиантеп, предводено од клупскиот претседател Џевдет Акинал. – Имаше неколку понуди за Лука Станковски, но раководството на Газиантеп беше најупорно, понуди одлични услови и за клубот и за самиот фудбалер, а заеднички донесовме одлука дека тоа е вистинскиот клуб за Лука да продолжи да напредува и да се развива. Му посакуваме многу среќа, да се наметне со своите игри во Газиантеп и да го следи примерот на неговите поранешни соиграчи Елиф Елмас и Милан Ристоски, кои сега се стандардни членови на сениорската репрезентација на Македонија, изјави претседателот на Работнички, Драган Поповски, изразувајќи големо задоволство од реализираниот трансфер. Газиантеп е на средина на табелата во турската Суперлига со 28 бодови по одиграни 19 кола. (МИА)

Лука Станковски потпиша за Монца чиј сопственик е Силвио Берлускони

Бошко Тасиќ — Tue, 16 Feb 2021 18:40:07 +0000

Италијанскиот клуб Монца го договори трансферот на младиот македонски фудбалер Лука Станковски.

Скопски Работнички потврди дека токму Станковски каде настапува веќе ги обезбедил правата на 18-годишниот фудбалер.

Станковски ќе ја доигра оваа сезона во составот на „романтичарите“, по што ќе се пресели во Монца, клубот во кој директор е Адријано Галијани, а сопственик е Силвио Берлускони. – Горди сме што може да објавиме дека еден од најталентираните македонски фудбалери Лука Станковски од јуни кариерата ќе ја продолжи во италијанскиот клуб Монца. Двата клуба ги договорија деталите за трансферот што треба да се реализира во летниот преоден рок. Можам да кажам дека имаше многу понуди за Лука Станковски, но донесовме заедничка одлука со фудбалерот и со неговите родители, Монца да биде идниот клуб, каде ќе продолжи да се развива и да се надградува. Среќни сме што Работнички успешно ја продолжува стратегијата за реализација на трансфери на млади и талентирани фудбалери во странство и горди што во еден исклучително тежок период на глобална пандемија на коронавирусот, Работнички оствари два трансфери, Давид Тошевски во Ростов и Лука Станковски во Монца“, изјави претседателот на ФК Работнички, Драган Поповски. Актуелен тренер на Монца е поранешниот фудбалер и тренер на Милан, Кристијан Броки, а за оваа екипа настапуваат искусните Кевин-Принс Боатенг и Марио Балотели. Монца во моментов е на делба на второто место во Серија Б со повеќе екипи и со пет бодови заостанување зад лидерот Емполи. Првите две екипи обезбедуваат директен пласман во елитата, додека екипите од третото до осмото место ќе играат плејоф за уште позиција.

лука станковски – Kurir.mk

Македонскиот младински фудбалски репрезентативец Станковски ќе го облече дресот на турскиот прволигаш Газиантеп

Лука Станковски потпиша за Монца чиј сопственик е Силвио Берлускони