лука – Kurir.mk

Лука, Јана и Софија најчести имиња во земјава

Тале Кристо — Sat, 31 Dec 2022 08:34:28 +0000

Јана и Софија го делат првото место како најчести женски имиња, а со убедливо водство кај машките имиња е Лука – дури 213 родители си го крстиле детето со тоа име. Според последните податоците на Државниот завод за статистика, во 2021 година меѓу најпопуларните имиња кај новородените женски бебиња се Јана, Софија, Ана, Мила, Хана, Бисера, Мелек, Алина…, додека кај машките деца најчести имиња се Лука, Дамјан, Михаил, Марко, Ајан, Амар, Хамза…. Како специфични имиња кои родителите им ги даваа на своите новороденчиња се Аника, Инара, Асја, Бора, Дуа, Олег, Јан, Тиар и Арт. Според Државниот завод за статистика, минатата година се родиле 18.648 бебиња, од кои 9.531 машки и 9.117 женски. Според месецот на раѓање, како што покажува статистиката, најголем број дечиња се родени во јули, дури 1 735.

ФОТО: Се сеќавате на мајмунчето Лука од Зоо Скопје, еве како изгледа сега

Ивона Петрова — Mon, 13 Aug 2018 09:55:24 +0000

Скопката Зоолошка градина на својата официјална Фејсбук страна објави фотографија од мајмунчето Лука од видот павијан. -Лука бебе и Лука сега, стои во објавата на Зоо Скопје под фотографијата на која Лука е како бебе, а има и нова фотографија од тоа како изгледа Лука сега. Павијанот Лука кој е роден на 18 февруари 2014 година беше отфрлен од мајката, а за него се грижеа вработените во Зоо Скопје. Тој беше вистински миленик на вработените и ги освојуваше срцата на посетителите. Децата се радуваа и си играа со него. Во август 2015 година, Лука имаше вистинска непријатност откако од Зоо Скопје беше украден од жена од Кавадарци која сакала да го подари на своето дете. Лука истиот ден беше пронајден и вратен во скопската Зоолошка градина каде и денес ужива во своето живеалиште опкружен со мајмуните од негов вид.

ФОТО: Ана Ивановиќ ја објави првата фотографија од синот Лука

Ивона Петрова — Thu, 22 Mar 2018 08:40:16 +0000

Ана Ивановиќ и Бастијан Швајнштајгер на 18-ти месецов станаа родители на синот Лука, а поранешната тенисерка само неколку дена по раѓањето на синот ја објави првата фотографија со него. Ана објави фотографија на која се гледа раката на малиот Лука. Ивановиќ ја искористи можноста и да им се заблагодари на големиот број обожаватели за честитките. -Им благодарам на сите за убавите зборови. Сите сме среќни, здрави и опкружени со толку многу љубов, напиша Ана. Претходно на социјалните мрежи, фотографија од малиот Лука објави и гордиот татко.