Лукас Ернандез – Kurir.mk

Баерн планира да го продолжи договорот со Ернандез и покрај тешката повреда на Светското првенство

Тале Кристо — Fri, 25 Nov 2022 16:32:50 +0000

Раководството на Баерн планира да го продолжи договорот со францускиот дефанзивец Лукас Ернандез, пренесува „Bild“. Двете страние биле во контакт и пред почетокот на Светското првенство во 2022 година во Катар, преговорите се воделе на позитивен начин. По завршувањето на Мундијалот 2022 година, минхенскиот клуб и Французинот ќе потпишат нов договор. Актуелниот договор е до летото 2024 година. На 22 ноември, дефанзивецот доживеа кинење на предните вкрстени лигаменти на десното колено на првиот натпревар од групната фаза на Светското првенство 2022 година со Австралија (4:1) и ќе биде надвор од терените најмалку шест месеци. Ернандез наскоро ќе биде опериран. Според „Билд“ повредата на играчот нема да влијае на продолжувањето на договорот со клубот.

Нов шок за Франција: Мундијалот заврши за Ернандез, тешка повреда за дефанзивецот

Ивона Петрова — Wed, 23 Nov 2022 08:16:26 +0000

Францускиот дефанзивец Лукас Ернандез повеќе нема да игра на Светското првенство 2022 година. Фудбалерот на Баерн ги скина предните вкрстени лигаменти на десното колено. Ернандез се повреди на вчерашниот натпреварот со Австралија (4:1) и беше заменет во 13. минута. Периодот на закрепнување по ваквите повреди е најмалку шест месеци. Франција нема да може да го замени повредениот Ернандез со друг играч на Светското првенство. Рокот за дополнителни пријавувања истече во понеделникот. Така, во францускиот тим остана само еден класичен лев бек – Тео Ернандез, братот на Лук. На оваа позиција може да игра и играчот од средниот ред Адриен Рабио.

Манчестер Јунајтед тргнува по Ернандез во јануари

Дарко Андоновски — Thu, 06 Sep 2018 17:40:28 +0000

Манчестер Јунајтед покажува многу сериозен интерес за дефанзивецот на Атлетико Мадрид, Лука Ернандез, објави „Франс фудбал“. Привлекувањето на 22-годишниот Французин е приоритет на менаџерот на „црвените ѓаволи“, Жозе Мурињо. Ернандез се пресели во Атлетико во 2014 година. Како дел од мадридскиот клуб, тој ја освои Лигата Европа и Супер Купот на Европа. Ернандез, исто така, стана светски шампион во 2018 година со францускиот национален тим. Оваа сезона Французинот одигра два натпревари за Атлетико. Тој има договор со шпанскиот гигант до летото 2023 година, а клаузулата за ослободување, предвидена во него, е во вредност од 80 милиони евра. Се чини дека „црвените ѓаволи“ се подготвени да ја активираат и да платат 80 милиони евра за францускиот репрезентативец. Од Атлетико Мадрид му нудат нов договор на Ернандез до летото 2024 година, а исто така имаат желба да ја зголемат неговата клаузула и таа да порасне на 150 милиони евра.

Гризман и Ернандез остануваат, Лемар нов играч на Атлетико

Ивона Петрова — Tue, 19 Jun 2018 06:09:26 +0000

Атлетико Мадрид ги обнови договорите со Антоан Гризман и Лукас Ернандез, а се засили и со Томас Ленар, објави шпанскиот клуб на својата веб страница. Гризман се обврза на соработка до 2023 година за плата од околу 25 милиони евра годишно. Една година подоцна (2024) ќе истече новиот договор на дефанзивецот Ернандез. Најнова инвестиција на клубот од „Ванда Метрополитао“ е досегашниот фудбалер на Монако, Томас Лемар. Овој трансфер се проценува на 70 милиони евра. Тројцата Французи во моментов се наоѓаат во Русија каде настапуваат за својата репрезентација на Светското првенство.