лукашенко – Kurir.mk

Лукашенко го именува Курбаков за нов министер за внатрешни работи

Тале Кристо — Thu, 29 Oct 2020 10:55:47 +0000

Претседателот на Белорусија, Александар Лукашенко денеска го смени министерот за внатрешни работи Јури Карајев и заедно со уште двајца безбедносни претставници именуван е за соработници на претседателот. За нов министер за внатрешни работи е именуван Иван Курбаков, кој беше началник на полицијата во Минск. Карајев синоќа изјави дека власта нема да се двоуми да употреби боева муниција против демонстрантите, ако биде неопходно за да се задушат протестите поради реизборот на Лукашенко. Тој додаде дека полицијата за време на протестите била премногу толерантна кон демонстрантите и најави пожесток одговор. Карајев истакна дека голем број полицајци се повредени за време на протестите. Протестите во Белорусија траат од 9 август, откако Лукашенко беше реизбран за претседател, а опозицијата тврди дека изборите се фалсификувани и бара негова оставка.

Лукашенко: Нема да има повторно избори

Тале Кристо — Mon, 17 Aug 2020 09:14:21 +0000

Претседателот на Белорусија, Александар Лукашенко, изјави денеска дека нема да има нови претседателски избори во таа држава. – Вие нема да доживеете да го видите денот кога ќе направам нешто под притисок. Нема да има повторно избори, бидејќи во тој случај, нема да има фабрики, нема плантажи. Се ќе биде уништено за половина година, рече Лукашенко. Тој денеска ја посети фабрика и во таа прилика рече дека има информации дека сите фабрики во државата работат нормално. Неколку стотици демонстранти се собраа пред портите на фабриката за време на неговата посета, држејќи транспаренти со кои бараа негова оставка.

НАТО отфрли обвинувања на Лукашенко за групирање долж западната граница на Белорусија

Тале Кристо — Sun, 16 Aug 2020 14:46:03 +0000

НАТО ги отфрли обвинувањата на претседателот на Белорусија, Александар Лукашенко, дека Северноатлантската алијанса ги групира своите сили долж западната граница на Белорусија. Од Алијансата беше потврдено дека ситуацијата во таа земја внимателно се следи. „Нема групирање на НАТО во регионот и нашето присуство на истокот од нашата зона на интереси не претставува закана за ниту една држава. Тоа е само одбранбено присуство со цел да се спречи конфликтот и да се зачува мирот“, се вели во соопштението на НАТО. Тие апелираат Белорусија да ги почитува основните човекови слободи, вклучително и правото на мирен протест.

Белорусија: Убедлива победа на Лукашенко, опозицијата на протест

Тале Кристо — Mon, 10 Aug 2020 06:08:56 +0000

Според првичните информации од речиси сите избирачки места, Александар Лукашенко освоил 81,35 проценти од гласовите за нов, шести мандат како претседател на Белорусија, објави синоќа претседателката на Централната изборна комисија Лидија Јермошина. На второ место е Светлана Тихановска, за која гласале осум проценти од избирачите, додека кандидатот „против сите“ освои четири проценти. И излезните анкети покажале дека Лукашенко убедливо ќе победи со 79,7 проценти од гласовите. Сепак, соработниците на Тихановска тврдат дека според резултатите од алтернативното броење на гласовите, таа добила повеќе од 80 проценти. Незадоволни од резултатите од гласањето, поддржувачите на опозицијата излегоа на улиците во неколку градови. Демонстрантите во центарот на Минск фрлаа факели и камења кон полицијата, а полицијата употреби солзавец против нив.

Лукашенко: На Белорусија и се заканува распаѓање

Магдалена Андонова — Fri, 10 Jul 2020 14:54:30 +0000

Белорускиот претседател Александар Лукашенко предупреди дека постои закана од распаѓање на земјата. – Не би сакал утре да се урне се, што не сум го градел само јас со сопствени раце. Не би сакал некој да дојде и да почне да врши експерименти, истакна Лукашенко. Тој нагласи дека промените во Белорусија треба да се извршат согласно Уставот, а не на улица. Во спротивно, според него, државата ќе ја избрише цела своја историја. Претседателските избори во Белорусија ќе се одржат на 9 август. Во текот на предизборната кампања се уапсени неколку лидери на опозицијата и кандидатот Виктор Бабарико. Властите соопштија дека апсењата не се политички мотивирани, туку станува збор за направени прекршоци за време на масовните собири. (МИА)