За оние кои имаат милиони на банкарска сметка: Ќе останете без здив од овој ранч во Лас Вегас со приватен аеродром (ФОТО)

Магдалена Андонова — Wed, 11 May 2022 07:46:07 +0000

Зa oние кои имаат милиони на банкарските сметки, се препорачува ранчот „Каза де Шенандоах“, што се наоѓа близу Лас Вегас, Невада, САД. Имотот што некогаш му припаѓал на американскиот пејач и глумец Вејн Њутн, денес чини 25 милиони долари. Притоа, главната вила, меѓу другото, има три спални соби и седум бањи, а дел од имотот се и седум дополнителни објекти за престој. Дел од имотот е дури и мини аеродром и терминал кој овозможува пристап со авион до самата вила. Во вилата, скалите се направени во бело и позлатени, подот е од мермер – естетика карактеристична за Вегас. На имотот има и парк за автомобили што може да собере до 100 возила, но и штала за коњи и градина што порано била дом на егзотични животни. Новиот сопственик ќе си има и соба за рекреативни игри и тениско игралиште во рамките на имотот. Пред вилата има и базен, како и тревници и шеталите покрај блиското езеро. (МИА)

Стоилковски: Во следните денови ќе стане јасно како Шилегов без официјално финансиско покритие се стекнува со луксуз и богатство

Тале Кристо — Sat, 18 Sep 2021 10:56:23 +0000

Во следните денови ќе стане јасно како Петре Шилегов, иако нема покритие со своите официјални приходи, се стекнува со толку големо богатство и со луксузен недвижен имот, истакна на денешнат прес-конференција портпаролот на ВМРО-ДПМНЕ Наум Стоилковски. Во продолжение интегрален текст и видео од прес-конференцијата на Стоилковски: 20 дена секој ден јавно се посочува дека Петре Шилегов станал побогат за речиси половина милион евра во мандат. 20 дена секој ден јавно се посочува дека Петре Шилегов има луксуз поголем од примањата. 20 дена секој ден јавно се посочува дека Петре Шилегов гради на диво! 20 дена секој ден јавно се посочува дека Петре Шилегов менува документи во Катастар во неработен ден во сабота. 20 дена секој ден јавно се посочува дека Петре Шилегов пријавил имот изградена луксузна вила од 300м² со 4 пати помала вредност. 20 дена секој ден јавно се посочува дека Петре Шилегов има коли од 130.000 евра, кои што не се пријавени во анкетниот лист. 20 дена секој ден јавно го прозивам Петре Шилегов дали фирмите кои што му градеа на Маврово и кои што му градат во Карпош имаат или не врска и добивани тендери од Град Скопје? 20 дена секој ден јавно се посочува дека Петре Шилегов има сомнителен раст на луксузот, дека фирмата не му работи со заработка, ниту платата е доволна за сиот тој луксуз. И 20 дена секој ден јавно се повикуваат општината и државата да ги проверат наводите за Петре Шилегов. Почитувани, Ова е режим, ова е диктаторство на мафијата, во која сите институции се во погон на изборната кампања на Петре Шилегов. Срамно, понижувачки, недостоинствено бегаат од камери, бегаат од одговори. Почитувани, Петре Шилегов е завршена приказна. Обвинителството мора да почне да работи по допрен глас. Се поинаку е соучевство и злоупотреба. Истовремено ги повикувам на внимателно следење на информациите во следните денови, бидејќи ќе стане јасно како Петре Шилегов, иако нема покритие со своите официјални приходи, се стекнува со толку големо богатство и со луксузен недвижен имот, заврши Стоилковски.

луксузен имот – Kurir.mk

За оние кои имаат милиони на банкарска сметка: Ќе останете без здив од овој ранч во Лас Вегас со приватен аеродром (ФОТО)

Стоилковски: Во следните денови ќе стане јасно како Шилегов без официјално финансиско покритие се стекнува со луксуз и богатство