лути пиперки – Kurir.mk

Во Кавадарци натпревар во јадење лути пиперчиња

Тале Кристо — Sat, 07 Oct 2023 08:37:16 +0000

Меѓународен натпревар во јадење лути пиперчиња „Супер лут предизвик" ќе се одржи денеска во Кавадарци. За најхрабрите, како што велат организаторите, предвидени се вредни награди. Натпреварот прв пат се реализираше минатата година, за време на стопанско-културната и туристичка манифестација „Тиквешки гроздобер". Слободанчо Василев од Кавадарци беше најдобар во јадење лути пиперки и освои ЛЦД телевизор, росоманката Весна Јаневска беше втора, таа доби сом од десет килограми, додека Бобан Милошевски од Скопје го зазеде третото место, а наградата беше ваучер од 1.500 денари во гостилница и еден крап.

Почна бербата на лутите пиперки во Струмичко

Ивона Петрова — Fri, 13 Jan 2023 10:24:58 +0000

Деновиве почна бербата и откупот на лутите пиперки во Струмичко, кои годинава стасаа порано за повеќе од еден месец во споредба со лани. Според производителите, раната берба на оваа пиперка се должи на комбинацијата на релативно топлото време за овој период од годината и топлата вода од термалните извори во близина на селото Банско, каде најмногу е засадена под пластеници и фолии во регионот. -Засега откупната цена е околу десет денари за парче, но годинава почнавме со берба многу порано, иако некои производители се уште се во фаза на расадување и ја очекуваат првата берба. Се надевам дека оваа откупна цена на лутата пиперка ќе остане и понатаму во екот на бербата, вели Даме Тренчовски, производител на лути пиперки од селото Банско. Покрај лутата пиперка, во Струмичко во тек е расадувањето на пролетната зелка, која за берба обично стасува кон крајот на март и почетокот на април.

Слободанчо Василев најдобар на меѓународниот натпревар во јадење лути пиперки во Кавадарци, Весна Јаневска втора

Тале Кристо — Fri, 09 Sep 2022 16:54:58 +0000

Слободанчо Василев од Кавадарци беше најдобар во вечерашниот меѓународен натпревар во јадење лути пиперки во Кавадарци и освои лцд телевизор, росоманката Весна Јаневска беше втора, таа доби сом од десет килограми. Бобан Милошевски од Скопје го зазеде третото место, наградата е ваучер од 1.500 денари во гостилница и еден крап. Меѓународниот натпревар во јадење лути пиперки за првпат се реализираше, за време на стопанско-културната и туристичка манифестација „Тиквешки гроздобер”. Настанот што се одржа во кавадаречка гостилница, беше насловен „Супер лут предизвик”. Организаторот информираше дека за сите натпреварувачи следуваа вредни награди. Неколку спонзори го поддржаа овој натпревар.

Завршил во болница откако ја изел најлутата пиперка во светот

Ивона Петрова — Wed, 11 Apr 2018 07:40:54 +0000

Маж кој учествувал на светски натпревар во јадење лути пиперки во Њујорк завршил во болница поради тежок облик на главоболка. Триесет и четири годишниот маж изел пиперка позната како „Carolina Reaper", која во 2013 година влезе во Гинисовата книга на рекорди како најлута пиперка во светот. Мажот бил хоспитализиран откако со денови имал неподнослива главоболка. Неговиот случај е објавен во магазин како прв кој е поврзан со консуминирање на лути пиперки. Докторот кој го следел неговиот случај ги предупредува сите кои јадат лути пиперки, доколку почувствуваат слични симптоми да се јават на лекар. Силните главоболки се предизвикани со изненадно собирање на крвните садови кои мозокот го снабдуваат со крв.