лутина – Kurir.mk

Ова се двете најчести причини поради кои децата покажуваат гнев и лутина, еве како родителите треба да постапат

Ивана Ефремовски — Thu, 29 Dec 2022 19:07:20 +0000

Лутината е емоција и додека некои луѓе многу добро ја контролираат, има и такви кои не можат. Кога станува збор за децата, гневот често се гледа како бес. Сепак, експертите сметаат дека ова не е добар начин да се пристапи кон ситуацијата. Амбика Агравал, овластен теоретичар на НЛП, неодамна се огласи на Инстаграм за да зборува за двете главни причини зошто децата често се лутат. Незадоволени потреби Според нејзиното мислење, неисполнетите потреби се една од основните причини за проблемите со гневот на децата. Незадоволните потреби се оние кои не се исполнети или се занемарени. Недостаток на моќ Друга причина што може да предизвика гнев кај децата е недостатокот на моќ, што значи дека децата немаат збор или дозвола за тоа што го сакаат. Ова може да биде особено вознемирувачко за децата, бидејќи сакаат многу да се изразат, но понекогаш не знаат со кои зборови да пренесат, а потоа го изразуваат во форма на гнев или бес. Како да се постапи? Амбика, која и самата е мајка, препорачува да останете смирени и да не реагирате со ист тон како детето. Советува да не се реагира луто и да не се сфаќа лично однесувањето на детето. Наместо тоа, таа ги советува родителите да ги препознаат предизвикувачите, да игнорираат ситни негативни однесувања, да им дадат на децата одредена моќ и избор и да ги учат децата на соодветно однесување кога се смирени.

Од некои е подобро да бегате: Како реагираат хороскопските знаци кога ќе им предизвикате бес и лутина?

Ивана Ефремовски — Wed, 23 Nov 2022 12:16:37 +0000

Секој од нас се лути и збеснува од време на време. Тогаш кога сме лути, забораваме на здравиот разум и трпението. Сепак од хороскопските знаци на различен начин се соочува со бесот. Овен Претставниците на овој знак се првите кои ќе реагираат кога се бесни. Сепак, тие се огнени знаци. Понекогаш се однесуваат како да имаат оган во себе и кога ќе збеснат како да се случува некаква експлозија. Тоа е нивната темна страна. Најчесто, тие не почнуваат конфликти со луѓето, но дефинитивно знаат како да ги завршат. Понекогаш знаат да бидат нетрпеливи, па дури и насилни, особено тогаш кога некој ќе ги премине нивните граници. Сепак, колку што брзо реагираат кога се бесни, така и брзо се смируваат и забораваат зошто биле бесни и лути на почетокот. Тие се еден од знаците кои се најспособни да простат и заборават. Бик Родените во овој знак се луѓе со големо трпение. Тие се прилично бавни кога станува збор за многу нешта во нивниот живот, а особено бесот. Но, кога ќе се налутат, подобро е да внимавате. Нелојалност, нееднаквост, неверство – ова се нештата кои ги вадат од такт. Тие не сакаат да трошат енергија за други нешта. Сепак, штом се налутат може да им е потребно повеќе време за да се смират. Најдобро е да им дадете простор. Најдобро е да им дадете можност да ги смират своите нерви и да почекате да посакаат да позборувате околу тоа, затоа што секогаш сакаат да разговараат. Откако ќе заврши аргументирањето, тие многу лесно простуваат, освен ако не сте направиле нешто екстремно, за што никогаш нема да посакаат да ве погледнат. Сепак, треба да знаете дека ќе се однесуваат нормално со вас, но веќе сте избришани од нивниот живот ако сте направиле нешто големо. Близнаци Близнаците се личности од кои не се знае што може да се очекува како за бесот, така и за останатите аспекти на нивниот карактер. Можеби ќе делуваат целосно смирени, или пак ќе дозволат да збеснат страшно. Сепак, тие сакаат да разговараат и тоа е најчесто начинот на којшто ги решаваат проблемите. Но, кога ќе ги изнервирате, подгответе се да бидете “изџвакани“. Нивниот бес може да се движи од грубост или сарказам, но мошне брзо може да премине во врескање, дерење, па дури и до фрлање предмети на вас. За среќа, нивниот бес не ги држи долго. Се содека не им кажувате што да прават, најверојатно ќе ви простат уште пред да сте свесни за тоа. Рак Раковите се многу слатки, разбирливи и лојални личности. Тоа е всушност и тоа што тие го очекуваат од другите. Ако се чувствуваат несакани, неценети или навредени од нешто, тогаш се јавува нивниот бес. Но, тие нема да зборуваат директно за тоа. Ако не ги разбирате нивните знаци, тоа ќе премине во пасивно агресивно однесување. Доколку и тоа не го сфатите, најверојатно ќе ве одбегнуваат. Родените во овој знак често ќе се однесуваат како да не сакаат да зборуваат со вас, но тие само не сакаат да бидат оние кои ќе го направат првиот чекор. Ако ги игнорирате или одбегнувате, тие ќе го сфатат тоа како знак дека не сакате да ги решите работите, што ќе ги збесне уште повеќе. Лав Кога станува збор за расправиите со Лавот, главното нешто е поврзано со тој кој може да вреска посилно. Многу нешта можат да ги извадат од такт, но кога тоа ќе се случи, сигурно ќе ви покажат дека се лути. Ќе врескаат, ќе удираат, ќе прават хаос околу себе и ќе направат драма и спектакл. Веројатно ќе ви кажат многу навредливи нешта кои не ги ни мислат и затоа не ги сфаќајте премногу лично. Тие сакаат само да го извадат бесот и ова е најдобриот начин за нив. Откако ќе се смират, нема да држат лутина. Всушност, најверојатно ќе се вратат во собата и ќе се однесуваат како ништо да не се случило. Девица Родените во овој знак се некои од најтрпеливите знаци. Тие можат да прифатат големи навреди од оние кои ги сакаат, пред да покажат знаци на фрустрација и бес. Тоа го прават бидејќи не се чувствуваат најпријатно да го искажат својот бес. Но, кога веќе ќе се случи тоа, нивните чувства ќе бидат многу интензивни. Нивниот бес ќе биде силен и ќе го чувствувате тоа одредено време. Често знаат да се однесуваат на пасивно агресивен начин. Најчесто избегнуваат конфронтација и аргументи по секоја цена. Тие сметаат дека полесно е да заминат кога се лути, наместо да останат и да кажат работи кои не ги мислат. Исто така, простуваат многу брзо бидејќи не сакаат да чуваат бес во себе. Но, не забораваат никогаш. Вага Вагите се знак кој се грижи за мирот и хармонијата. Тие секогаш се грижат за еднаквоста и балансот и ги избегнуваат конфликтите и бесот по секоја цена. Затоа и се мирни и ги чуваат работите во нив по секоја цена. Сепак, бидејќи се еден од најчувствителните знаци во зодијакот, многу нешта можат да ги вознемират, но тие вешто го чуваат тоа во себе. Кога ќе станат навистина бесни, тогаш можеби ќе кажат неколку зборови кои се внимателно одбрани, но ќе го направат тоа бегајќи. Дури и во најголемиот бес, тие ќе размислат два пати и ќе се однесуваат мудро. Шкорпија Сакате да знаете дали Шкорпиите се бесни? Внимавајте на нивните очи. Нивните очи ќе го покажат бесот многу порано пред тоа да ви го кажат тоа. Шкорпиите прво се лутат во својата глава, а потоа планираат и размислуваат како ќе реагираат. Понекогаш, нивната најдобра стратегија е да ве згазат во нивниот ум, без да направат нешто реално и конкретно околу тоа. Друг пат, ќе бидат само тивки размислувајќи за своите аргументи. Тоа најчесто се случува пред да бидат лути и подговени да експлодираат. Затоа, ако ги видите нивните налутени очи и тишина, најдобро е да им дадете простор за да се искажат, бидејќи ако се обидувате да ги натерате да зборуваат, ќе зажалите. Тие се еден од знаците кој многу долго држи бес и затоа треба да внимавате. Можеби некогаш ќе ви простат, но никогаш нема да заборават. Стрелец Нечесност, нелојалност, грубост и лоши зборови се нештата кои можат да ги налутат. Кога ќе ги налутите, подобро е да избегате. Брзо. Иако нема да ги видите да се лутат често, сепак добро е да знаете дека штом се налутат, настанува хаос. Првиот знак на лутина ќе го забележите во нивниот сарказам. Голем дел од нив ќе внимаваат како се однесуваат, бидејќи тие ќе бидат засрамени ако кажат или направат нешто што не одговара на нивниот карактер. Најважното нешто што треба да го знаете е дека тие не создаваат драма без потреба и ако веќе се случува драма, тие се навистина лути. Јарец Тие се земјен знак кој е многу лабав поголем дел од времето. Сепак, често знаат да станат бесни и тоа ако нештата не се по нивно, односно така како што тие очекуваат дека треба да се. Многу често не можете да знаете што е тоа што ги налутило. Уште почесто нема ни да знаете кога прво се налутиле бидејќи тие пополека го собираат својот бес. Најчесто ќе се дерат и ќе направат да се чувствувате непријатно. Ќе направат и драма околу тоа, но мошне брзо ќе заборават на тоа. Најверојатно ќе ви простат откако ќе ви кажат и покажат колку сте ги разочарале. Водолија Водолиите не можат да се расправаат особено кога станува збор за беспотребни аргументи со тврдоглави луѓе. Тие се луѓе кои ќе ве игнорираат кога сте лути. Преферираат да отидат на прошетка или да се повозат наместо да се конфронтираат со луѓето. Ќе збеснат тогаш кога ги маргинализирате или кога не можат да избегаат од тоа што ги иритира. Во таков случај, ќе ве игнорираат по секоја цена додека не се смират. Можеби и ќе ве игнорираат засекогаш. Сето тоа зависи од количина на бес која ја имаат во себе. Риби Бесот кај родените во овој знак во голема мера зависи од нивниот ден. Ако веќе имаат лош ден, тие ќе експлодираат дури и за најмала ситница. Најчесто бесот го смируваат со алкохол или цигара, повеќе отколку да влегуваат во конфликти и расправии. Ако тоа не им помогне да се чувствуваат подобро, тогаш сакаат да се исплачат. Рибите се знакот кој најчесто ќе почне да плаче во фрустрација или бес. Колку ќе чуваат бес во себе кај Рибите зависи од тоа колку сте згрешиле.

Најлесно се лутат припадниците на овие три хороскопски знаци

Ивана Ефремовски — Thu, 15 Jul 2021 14:45:32 +0000

Додека некои луѓе остануваат смирени и во драматични ситуации, други се во состојба за секунда да се налутат и за најмала ситница. Според астрологијата, најлесно се лутат припадниците на овие три хороскопски знаци: 1. Овен Овните се тврдоглави и често нервозни, склони бурно да реагираат на секоја ситница. Лесно може да ги налутите дури и кога не се согласувате со нивните ставови, а вашите критики најчесто ги доживуваат како подбивање. Тие се по природа тврдоглави и ретко допуштаат некој друг да им наметне свое мислење и ставови. 2. Девица Во овој знак се раѓаат перфекционисти кои се многу критични кон себе, но и кон другите, особено ако не ги исполнуваат нивните превисоки очекувања. Нешто што некој друг не би забележал на нив може многу да им смета и да ги налути, така што никогаш не можете да знаете на што сте со нив. Кога ќе се налутат се опасни и им треба време да се смират. 3. Шкорпија Гордите Шкорпии може да ги навредите и со најмала критика на сметка на нивниот изглед, особено ако тоа го правите зад нивниот грб. Од нив секогаш може да очекувате бурна реакција бидејќи по природа се кавгаџии. Не би сакале да ви станат непријатели бидејќи знаат да бидат многу одмаздољубиви. Избегнувајте ги кога имаат лош ден бидејќи обидот да ги расположите најверојатно ќе заврши со караница. Доброто кај нив е што лутината по караница брзо им минува.

Поучна приказна и мудар совет: Зошто луѓето викаат кога се лути?

Ивана Ефремовски — Mon, 10 May 2021 11:31:57 +0000

Ова е многу впечатлива приказна на која вреди често да се потсетуваме… Еднаш еден духовен учител ги прашал своите ученици: „Зошто луѓето викаат кога се лути?“ Учениците кратко размислувале и одговориле: „Затоа што го губиме трпението, затоа викаме.“ „Но, зошто да викаме ако личноста е покрај нас?“ – прашал учителот. „Зар не е можно да се зборува тивко и полека?“ Учениците дале уште некој одговор, но ниеден не го задоволил учителот. Потоа објаснил: „Кога две личности се караат и лутат, нивните срца силно се оддалечуваат. Затоа мораат да викаат за нивниот крик да може да ја премости оддалеченоста и да можат да се чујат. Што се полути, толку погласно мораат да викаат, бидејќи оддалеченоста меѓу нив е сè поголема.“ Потоа прашал: „Што се случува кога две личности ќе се заљубат? Не викаат еден на друг, туку зборуваат тивко и нежно. Зошто? Нивните срца се многу близу. Оддалеченоста помеѓу нив е многу мала. А што се случува кога ќе се заљубат уште повеќе? Тогаш не зборуваат. Само шепотат и уште повеќе се зближуваат со својата љубов. Конечно, не треба веќе ни да шепотат. Само се гледаат и тоа е сè. Такви се две личности кои се сакаат.“ Потоа рекол: „Кога се карате, не дозволувајте вашите срца да се оддалечат, не изговарајте зборови кои би можеле уште повеќе да ве оддалечат, бидејќи ќе дојде ден кога оддалеченоста ќе стане толку голема, што веќе никогаш нема да можете да го најдете патот назад.“

Најлесно се лутат и почнуваат кавги: Бидете внимателни со луѓето од овие хороскопски знаци

Ивана Ефремовски — Thu, 18 Mar 2021 18:19:12 +0000

Според астрологијата, припадниците на овие три хороскопски знаци најлесно се лутат. 1. Овен Овните се тврдоглави и често нервозни, склони бурно да реагираат на секоја ситница. Лесно може да ги налутите дури и кога не се согласувате со нивните ставови, а вашите критики најчесто ги доживуваат како подбивање. Тие се по природа тврдоглави и ретко допуштаат некој друг да им наметне свое мислење и ставови. 2. Девица Во овој знак се раѓаат перфекционисти кои се многу критични кон себе, но и кон другите, особено ако не ги исполнуваат нивните превисоки очекувања. Нешто што некој друг не би забележал на нив може многу да им смета и да ги налути, така што никогаш не можете да знаете на што сте со нив. Кога ќе се налутат се опасни и им треба време да се смират. 3. Шкорпија Гордите Шкорпии може да ги навредите и со најмала критика на сметка на нивниот изглед, особено ако тоа го правите зад нивниот грб. Од нив секогаш може да очекувате бурна реакција бидејќи по природа се кавгаџии. Не би сакале да ви станат непријатели бидејќи знаат да бидат многу одмаздољубиви. Избегнувајте ги кога имаат лош ден бидејќи обидот да ги расположите најверојатно ќе заврши со караница. Доброто кај нив е што лутината по караница брзо им минува.

Приказна која ќе ве воодушеви: Зошто луѓето викаат кога се лути?

Ристе Здравков — Mon, 04 Feb 2019 09:22:47 +0000

Еден ден, учителот ги прашал своите ученици: „Зошто луѓето викаат кога се лути?“ Учениците размислувале некое време, а потоа рекле: „Викаме затоа што губиме трпение.“ Тој потоа ги прашал: „Но, зошто би викал ако личноста е до тебе? Зарем не е можно да зборувате тивко и бавно?“ Учениците продолжиле да одговараат, но ниту еден одговор не го задоволил учителот. На крај тој им кажа: „Кога две личности се расправаат, нивните срца се оддалечуваат. Затоа мораат да викаат еден на друг, за нивниот глас да ја премости далечината и да можат да се чујат. Колку е полути, мораат погласно да викаат, затоа што оддалеченоста меѓу нив е поголема.“ Потоа, учителот прашал: „Што се случува кога две личности ќе се заљубат? Не викаат еден на друг, туку зборуваат тивко и нежно. Зошто? Нивните срца се многу блиску. Оддалеченоста меѓу нив е мала. А што се случува кога уште повеќе се сакаат? Не говорат. Само шепотат и се уште поблиску во својата љубов. Конечно, на крај не мораат ни да шепотат. Само се гледаат и тоа е се.“ Учителот завршил со зборовите: „Кога се расправате, немојте да дозволите вашите срца да се оддалечат, не изговарајте зборови кои би можеле уште повеќе да ве оддалечат. Ќе дојде ден кога оддалеченоста ќе биде толку голема, што воопшто нема да може да се вратите назад.“

Лутината и бесот се виновни за мозочните и срцевите удари

Предраг Кукиќ — Fri, 14 Sep 2018 21:32:09 +0000

Нездравите епизоди со лутина, како експлозивен излив на бес или пренасочување на истиот тој бес на самиот себе го разорува организмот. Оние кои се често лути или тешко го контролираат чувството на бес, освен што се непријатни за околината и им создаваат стрес, го уништуваат и своето тело. Во физичка смисла, неконтролираниот бес најмногу влијае на кардиоваскуларниот систем. Покрај тоа што двојно се зголемуваат шансите за срцев удар, бесот и лутината кај кои се вложува голем напор да се контролира тесно е поврзан со болестите на срцето и го удвојува ризикот од болестите на крвните садови. Од друга страна конструктивниот бес, оној во кој разговарате со некој кој ве налутил, па на сталожен и рационален начин го решавате проблемот, нема никаква поврзаност со срцевите заболувања туку е нормална и здрава емоција. Кај луѓето кои имаат аневризма (проширување на артериите), по изливот на бес шансата е шест пати поголема дека таа ќе пукне. Лутината го слабее и имунитетот, па оние кои се нервозни и лути почесто ќе бидат болни, што може и дополнително да ги налути. Но, не страда само физичкото здравје туку и психичкото. Силната лутина може да интензивира симптомите на општото анксиозно нарушување. Депресијата и лутината се директно поврзани, најчесто кај мажите. А, за да си олеснат непријатните симптоми, лекарите советуваат активности со кои ќе ја „истрошат“ лутината, како велосипедизам или трчање.