Лутон – Kurir.mk

Таунсенд нов играч на Лутон

Бошко Тасиќ — Thu, 12 Oct 2023 03:56:06 +0000

Новиот премиерлигаш Лутон има големи проблеми по влегувањето во елитата. Клубот од поширокото подрачје на Лондон се наоѓа на 17. позиција на табелата со четири бода, па репрезентативна пауза ја искористи да се засили со звучно име. Лутон го потврди доаѓањето на Андрос Таунсенд (32), кој потпиша краткорочен договор со клубот до крајот на календарската година. Таунсенд најголемиот дел од својата кариера како фудбалер го помина во Тотенхем, а во еден момент заработи и повик во репрезентацијата на Англија со добрите настапи. Под покровителство на Рој Хоџсон одигра 13 натпревари и постигна три гола, но во меѓувреме следуваше пад во неговата кариера, па по Тотенхем се пресели во Њукасл, Кристал Палас и во Евертон од каде си замина минатото лето. По три месеци без клуб и проблеми со повреди, Андрос Таунсенд ќе добие уште една шанса во Премиерлигата.

Овој англиски клуб ќе игра на стадион со најмал капацитет во историјата на Премиер лигата

Тале Кристо — Sun, 28 May 2023 14:00:42 +0000

Натпреварите кои новиот англиски прволигаш Лутон ќе ги игра на домашен терен во новата сезона ќе донесат најмала посетеност во историјата на Премиер лигата поради капацитетот на стадионот. Лутон вчера го совлада Ковентри во финалето од плејофот и по пауза од 31 година се врати во англиската елита, а за првпат во клупската историја ќе игра во Премиер лигата. Клубот од гратчето Лутон, околу 50 километри северозападно од Лондон, своите натпревари ги игра на стадионот „Кенилворт Роуд“, кој прв пат е отворен во 1905 година и со капацитет од околу 10.000 седишта ќе биде најмалиот на кој ќе се играат натпревари во историјата на Премиер лигата. Лутон објави дека во текот на летниот период ќе инвестира околу десет милиони фунти во реновирање на стадионот за да ги исполни стандардите на Премиер лигата.

Капитенот на Лутон колабираше на теренот, па пласманот во Премиер лигата од болнички кревет (ФОТО)

Бошко Тасиќ — Sun, 28 May 2023 05:01:59 +0000

Финалето во Чемпионшип лигата е најскап фудбалски меч во светот веќе неколку години и на победникот му носи заработка од 180 милиони фунти, сума која сега заминува кај Лутон кој беше подобар од Ковентри на „Вембли“ и се пласираше во Премиер лигата. По пауза од 31 година, Лутон се враќа во фудбалската елита и за првпат ќе заигра откако Првата лига се ребрендираше во Премиер лига, но големиот успех беше одбележан и од еден непријатен и страшен момент кој им ја заледи крвта на сите присутни. Капитенот Том Локјер колабираше на теренот без да има контакт со противнички фудбалери и падна во бессознание, а тоа беше јасен аларм дека станува збор за нешто сериозно. Натпреварот беше неколку минути во прекин и лекарските служби брзо успеаја да го освестат капитенот на Лутон, кој потоа со носилки и на кислородна поддршка беше изнесен од теренот и испратен во болница. Лутон за време на финалето сподели дека Том е во добра здравствена состојба во болница, а по големата победа во пенал рулетот, неговиот татко откри дека имало победничко славје во неговата болничка соба. – Тука е таткото на Том. Том е во ред. Многу е среќен, но и тажен што не може да биде таму со соиграчите. Еве го моментот……