м-р Елена Маркова Велинова – Kurir.mk

Маркова Велинова: Овие шест години на Македонија и се случува енергетско цунами во негативна смисла на зборот, а за тоа говори и цената на струјата која од 2019-та досега е качена за домаќинствата за 50%

Дарко Андоновски — Wed, 31 May 2023 17:30:23 +0000

„Овие шест години на Македонија и се случува енергетско цунами во негативна смисла на зборот. Единствено нешто кое што се случи е воведувањето на евтината тарифа дневна кога дојдоа на власт, но од тогаш натаму енергетиката ја задвижија во толку негативна насока да нам ќе ни требаат години и години да го стигнеме нивото и да ја доведеме нашата енергетика на во состојба во која што им ја оставивме“, истакна Елена Маркова Велинова, претседател на Комисија за енергетика на ВМРО-ДПМНЕ на денешната трибина насловена „Политики за развој енергетскиот сектор“. Маркова Велинова додаде дека прво од власта започнаа со погрешна енергетска стратегија сакајќи да се додворат дека се зелени и дека се грижат за екологијата, донесоа и усвоија стратегија во која 600 мегавати односно целиот капацитет од РЕК Битола ќе го затворат не водејќи сметка дека во меѓувреме нема да изградат ништо ново и ќе го изгубат домашното производство на електрична енергија. „Згора на се постоечките капацитети беа подложни на не добро чување и одржување со секојдневни дефекти, со секојдневни проблеми за кои ние редовно алармиравме. Значи освен што не изградија ништо ново и постоечкото кое што им го оставивме не успеаја да го одржат во добра кондиција. Како доказ е на пример последниот поголем дефект во РЕК Битола со изгорениот трансформатор или последниот дефект со блок 3 во РЕК Битола кој што се уште не е во функција поради сомнителниот квалитет на увезениот јаглен“, рече таа. Маркова Велинова нагласи дека состојбата во енергетиката е таква да на ВМРО-ДПМНЕ ќе им треба многу години да ја вратат на нормала. „Се надеваме дека ќе успееме затоа што сепак ВМРО-ДПМНЕ е партија која што има и кадри, има и работници кои што нема така едноставно да се откажат“, рече Маркова Велинова. Таа укажа дека Македонија навистина проблем со енергетиката, а за тоа сведочат и цените на електричната енергија. Посебно некаде од летото 2019-та до сега 2023 година слободно може да каже дека за домаќинствата цената е покачена 50%. А, сега на почетокот од јули се спрема ново цунами иако од власта се обидуваат да го замаскираат со воведување на евтина тарифа.

Маркова Велинова: Се обврзуваме на 285 километри на магистрални гасоводи и бесплатен приклучок на гас

Ивана Ефремовски — Wed, 08 Jul 2020 20:48:03 +0000

Во емисијата „Економски Магазин‘‘ на Алсат Телевизија гостуваше Елена Маркова Велинова претседател на комисијата за енергетика на ВМРО-ДПМНЕ која ја претстави програмата за енергетика на ВМРО-ДПМНЕ. -Посебен акцент ставаме на гасификацијата и тоа самата програма ни е поделена во четири делови. Најпрво изградба на магистралнио гасоводи и тоа доизградба на оние кои што ги почна претходната влада на ВМРО -ДПМНЕ, а за жал сегашната на СДСМ не успае да ги доврши. Тоа се значи Скопје-Тетово-Гостивар за кои што секако се обврзуваме да ги довршиме во најбрз можен рок, и Неготино-Битола за кои исто така се обврзуваме да го довршиме во најкус можен рок, нагласи Маркова Велинова. Тааа додаде дека се обврзуваат на изградба на 285 километри на магистрални гасоводи. -Понатаму продолжуваме со уште 285 километри на магистрални гасоводи со цел да може најклучните точки да ги поврземе во државата.Ќе ги поврземе Битола- Охрид , Струга и Ресен и од Велес спрема Свети Николе па Штип Радовиш Струмица Гевгелија, и од Гостивар спрема Кичево-истакна Маркова Велинова Таа додаде и дека ќе ја гасифицираат ТЕЦ Неготино и вети бесплатен приклучок на гас за секое домаќинство. Се обврзуваме да ја гасифицираме ТЕЦ Неготино и се обврзуваме да ги гасифицираме сите постоечки и нови индустриски зони кои што ќе се изградат. Во програмата детално посветивме внимание за конекција со соседите и тоа со Србија,Грција и Косово. Најаитересно од се е изградба на дистрибутивните мрежи на гасот со цел да може гасот да стигне до секое домаќинство, се обврзуваме секое домаќинство да добие приклучок на природен гас и тоа бесплатен приклучок на гас, заклучи Маркова Велинова

Маркова-Велинова: РЕКЕТАРОТ КОВАЧЕВСКИ И СОСТОЈБИТЕ СО ПРОИЗВОДСТВОТО НА ЕЛЕКТРИЧНА ЕНЕРГИЈА ВО АД ЕЛЕМ!

Љупчо Цветаноски — Sun, 21 Jun 2020 17:15:21 +0000

На првата пресконференција после информацијата дека е обивнет за рекет од 250 000 евра, Васко Ковачевски истакна дека ЕЛЕМ продалевкупно 110.640 МWh енергија и притоа оствариле приходод 4.890.875 евра. Добро спакувани информации изнесени во јавноста дека ЕЛЕМ многу успешно работи. Но, ова се само „пусти“ фалби со цел пред обичниот народ да се прикаже розова слика. За жал состојбата во ЕЛЕМ не е таква како што се обидува да ја прикаже директорот-рекетар. ЕЛЕМ се соочува со повеќе проблеми кои се резултат на погубните политики на власта во заминување. Состојбата е повеќе од алармантна, посебно во РЕК Битола. Најпрво, сведоци сме дека ЕЛЕМ во 2019 година има произведно вкупно 4.283.730 MWh електрична енергија, од која дел е од термоцентралите на РЕК Битола, дел од хидроцентралите, како и дел од ветерниот парк Богданци, кој беше изграден во времето на ВМРО-ДПМНЕ. За жал ова е последниот енергетски објект со кој може да се пофали нашата земја, кој ако не беше ВМРО-ДПМНЕ веројатно немаше ни да постои. Од доаѓањето на СДСМ на власт, до денес, не е изграден ниту еден нов производен капацитет. Единствено нешто за што СДСМ може да се пофали е донесената Стратегија за енергетиката, каде што без срам го заговараат гаснењето на РЕК Битола во 2025 година, без претходно да се изгради било каков нов производен капацитет. Јавноста треба да знае дека ЕЛЕМ продава енергија на слободниот пазар, но само откако ќе ги задоволи потребите на универзалниот снабдувач, на кого продава енергија за 34,5 евра за MWh. Оваа цена е далеку под берзанската цена, а истовремено е многу пониска од реалната производна цена на ЕЛЕМ која се движи околу 50 евра за MWh. Ова значи дека власта во заминување, за да купи социјален мир, свесно ја жртвува најголемата производна компанија и наместо да продава по реална цена, продава електрична енергија по пониска цена за 15 евра по MWh, од јули 2019 година наваму. Честите дефекти при производството на електрична енергија во РЕК Битола, подпроизводната цена со која компанијата ја продава 70% од својата произведена електрична енергија, состојбата со рудниците, како и прекумерните партиски вработувања, ја прават оваа компанија далеку од рентабилна. Од друга страна неинвестирањето во модернизацијата на РЕК Битола во нови електростатски филтри, дополнително ја влошува состојбата со загадување на околината околу комбинатот и градот Битола. Згора на сė, од доаѓањетонавластна СДСМ, восрединатана 2017 годинадоденеспоништенисе триогласизакупувањенасопствена механизација за ископ на јаглен во РЕК Битола, а резултатот е загуба од околу 40милиониевра. Наместо ЕЛЕМ да има своја механизација за ископ на јаглен, најчесто тоа го прават надворешни фирми, кои добро го „испумпуваат“ и онака кревкиот буџет на ЕЛЕМ. Пропаднатите тендери за набавка на рударска механизација се доказ за недомаќинско работење од страна на раководството на ЕЛЕМ. Во суштина раководството на ЕЛЕМ воопшто немало намера овие тендери да се реализираат. Одговорот на прашањето зошто сето ова се правело го добивме деновиве. Ако се знае дека во 2019 година ЕЛЕМ исплатила 39,7 милиониевра на приватницизакопањејаглен и јаловина, а сумата за купување на сопствена механизација изнесува 40 милиони евра, тогаш тоасеточно 99 процентиод 40-те милионипотребнизасопственамеханизацијаштоќесекористидесетинадопетнаесетгодини. Нодоколку ЕЛЕМ купи своја механизација, ќе престане потребата од ангажирање на надворешни изведувачи за ископ на јаглен. Тоа ќе значи дека ќе престане и можноста за рекетирање за која слушаме деновиве. Сега е јасно зошто веднаш по доаѓањето на власт на СДСМ, се „фатија за работа“. Имено, прво што направи новото раководство на ЕЛЕМ, во септември 2017 година го поништи распишаниот тендер за набавка на сопствена механизација, објавен додека на чело на компанијата беше д-р Христијан Мицкоски. За да биде иронијата поголема, деновиве го слушаме рекетарот Ковачевски како не ја прифаќа кривичната пријава, обидувајќи се да го сврти вниманието на јавноста дека во јануари 2017 година во ЕЛЕМ се увезувала струја по енормно високи цени од околу 170 евра за MWh. Зимата 2017 година, цените на берзите на електрична енергија достигнаа вредности од 170 евра за MWh, поради ниските температури во регионот и Европа. Исто така дел од преносните оператори почнаа да ги намалуваат своитеинтерконекциски преносни капацитети, што влијаеше на зголемување на цените на електричната енергија секаде во регионот. Тоа е периодот за кој се обидува Ковачевски да ја излаже јавноста, дека во тоа време во ЕЛЕМ се набавувалоенергија по цени од околу 170 евра за MWh. Искривувајќи ја вистината за состојбите на пазарот на електрична енергија во регионот, како и работењето на ЕЛЕМ во тој период, рекетарот се обидува да се амнестира себе си. Ова е само дел од вистинската слика со која се соочува најголемата енергетска компанија во Република Македонија. После доаѓање на ВМРО-ДПМНЕ на власт ќе следи обнова. Но, ќе бидат потребни надчовечки напори за да може најпрво ЕЛЕМ да се доведе на нивото на кое СДСМ ја наследија во септември 2017 година, па дури потоа да следи правилен развој на компанијата. м-р Елена Маркова Велинова , претседател на Комисија за енергетика на ВМРО-ДПМНЕ