маани – Kurir.mk

Како да ги прифатите маните на вашиот партнер?

Ристе Здравков — Wed, 04 May 2022 10:36:04 +0000

Психолозите често нагласуваат колку е важно да се прифатат слабостите на партнерот во остварувањето здрава љубовна врска. Никој не е совршен и сите имаме свои мани. Сè додека овие недостатоци не нѐ загрозуваат и не се извор на големо незадоволство или несигурност, ние едноставно треба да ги прифатиме. Како да го направите тоа? Следете ги овие совети на терапевтите. Преиспитајте колку се овие маани сериозни Честопати нè нервираат некои аспекти на личноста на нашиот партнер кои не се баш премногу важни. Нашата фрустрација тогаш расте, но мора да се прашаме дали е оправдано во однос на тоа колку навистина се значајни недостатоците на партнерот. Ако вашиот партнер е емоционално сигурен и ги има сите други фундаментални квалитети што ви се многу поважни, тогаш едноставно игнорирајте ги споменатите ситници. Прифатете ги сопствените недостатоци Првиот чекор во прифаќањето на недостатоците на вашиот партнер е сознанието дека и ние ги имаме. И можеме да го иритираме партнерот со некои наши навики или карактеристики. Во моментот кога ќе се фокусираме на неговите недостатоци, забораваме дека и ние не сме совршени. Ние секогаш ја гледаме ситуацијата од наша перспектива, но понекогаш е добро да ја разгледаме ситуацијата и од нашиот партнер, со цел подобро да го разбереме неговото однесување. Размислете зошто одредени маани на партнерот толку многу ве нервираат Можеби ве потсетуваат на претходни лоши љубовни искуства и ги активираат старите чувства во вас. Во тој момент вие всушност не реагирате на однесувањето или личноста на вашиот партнер, туку на сеќавања и претходни настани, т.е. луѓе во вашиот живот. Не принудувајте го партнерот на неважни промени Нормално е да очекувате од партнерот да промени некоја форма на лошо однесување што негативно влијае на вас, него или вашата врска. Ова се големи, важни и значајни промени што можат да ја подобрат љубовната врска. Сепак, не можеме да очекуваме човек да промени сè само заради нас, а особено не да менува некои ситници што воопшто не нѐ загрозуваат, туку само повремено ни „одат“ на нерви. Не заборавајте дека некои навики или однесувања се резултат на вредностите на вашиот партнер кои можат да бидат различни од вашите. Во тој случај, треба да размислите дали сакате да бидете со личност која не ги споделува вашите вредности или не ви пречи да бидете различни. извор: kajgana.com

Маани на секој хороскопски знак што ги остава без љубов: Особини што тешко се толерираат

Магдалена Андонова — Thu, 09 Sep 2021 19:58:20 +0000

Кога станува збор за љубовта, тешко е да се биде мудар и паметен и да се најде вистинската мерка за среќа. Понекогаш, од страв од љубов, истеруваме некој со кој навистина сакаме да бидеме. Решението, велат астролозите, може да се најде во хороскопот, и секој знак има своја причина зошто се случуваат такви работи. ОВЕН Овој хороскопски знак се плаши од посветеност и немир. Тој веднаш се вљубува и ужива во процесот. Сака да пробува нови работи и да биде надвор од контрола поради заљубување. Но, кога ситуацијата ќе се смири и кога работите ќе станат посериозни, нормални, Овенот станува немирен и нервозен. Тој претпочита да брка нови искуства и возбудувања, отколку да биде во сигурна врска. БИК Во повеќето случаи, тие се страсни партнери кои не прават грешки. Биковите сакаат огнено и длабоко, и тоа е нивната најдобра особина. На многу начини, Биковите се идеални партнери - нежни, посветени, несебични, топли и љубовни. Но, ако партнерот направи грешка, им е тешко да простат и стануваат ладни и одбивни. БЛИЗНАЦИ Припадниците на овој Хороскопски знак не се целосно сигурни што точно сакаат од љубовта, но и од животот, па го плашат својот партнер. Затоа тие често ја префрлаат одговорноста на партнерот и очекуваат тој да одлучи за нив. Тие очекуваат нивните партнери да откријат што е важно за нив. Тие не го разбираат партнерот како поддршка, туку стануваат зависни од саканата личност и се ослободуваат од одговорност. РАК Тие се обидуваат да му наметнат на својот партнер како треба да се чувствува. Нивното силно чувство и интуиција се подарок во многу ситуации, но во љубовна врска можат да бидат голем предизвик. Луѓето родени во овој воден знак премногу често му кажуваат на својот сакан како треба да се чувствува наместо да го прашаат како е. Тие забораваат дека другите луѓе имаат свои искуства и чувства. ЛАВ Секогаш се обидуваат да контролираат работи што не можат ни да ги контролираат, за да можат да ги исплашат луѓето околу нив, особено оние со кои сакаат емотивна врска. Тие секогаш мислат дека можат да направат нешто убаво од нешто лошо. Лавовите работат напорно во врската, дури и претерано, не отстапувајќи простор на „другата страна“. Затоа партнерот „не може да дише“, бидејќи Лавот не го остава сам и сака да контролира се што има врска со животот на неговата „друга половина“. ДЕВИЦА Прво се плашат себеси, а потоа со своите стравови и сомнежи го дистанцираат партнерот од себе. Штом се чувствуваат среќни, се плашат и бараат и наоѓаат милион причини кои можат да покажат зошто врската би можела да пропадне. Колку и да е партнерот на личност родена во знакот Девица полн со разбирање и поддршка, тој ќе има многу проблеми да се справи со прекумерната грижа. ВАГА Вагите се популарни, тие имаат многу пријатели и обожаватели. Нивниот партнер најверојатно ќе се чувствува несигурен и загрозен во некои ситуации, особено кога се соочува со други луѓе на кои обрнува внимание. Сите Ваги ќе изгледаат како да треба да се борат за место во вашиот живот. СКОРПИЈА Тие се способни да ја саботираат личната среќа, и на тој начин да го исплашат својот партнер. Ќе им треба долго време да веруваат дека можат да бидат навистина среќни со некого и дека го заслужуваат тоа. Наместо да си дозволат да уживаат, да им се предадат на емоциите и да живеат во моментот, Скорпиите некако секогаш завршуваат во пеколот на љубомора и посесивност, сомнеж и недоверба и постојани грижи за тоа дали врската ќе трае. СТРЕЛЕЦ Во врска тие се целосно пасивни. Така го тераат својот партнер да се оддалечи од нив. Оптимизмот и безгрижноста се нивните најдобри квалитети, но кога станува збор за емоционалната врска, тие не разбираат како треба да покажат емоции. Во таква врска, партнерот се чувствува како да е сам и затоа решава да си замине. ЈАРЕЦ Многу често претпоставуваат дека нешто лошо ќе се случи. Јарците се реални и сакаат да бидат подготвени за секоја ситуација, но внесуваат песимистичка атмосфера во врската, која убива радост и релаксација. Најдобрите карактеристики на силата се фокусирање на целта, организација и совршенство, но во врската, тие особини можат да бидат крајно токсични. ВОДОЛИЈА Тоа е вистина за дарежливите и несебични луѓе, но кога станува збор за партнерот, тогаш приказната се менува. Во таква врска, луѓето родени во овој воздушен знак бегаат од интимност и даваат се од себе да се заштитат од патос и сентименталност. Се плашат да се отворат и да се препуштат на чувствата. Со тоа тие повредуваат и себе и својот партнер, кој најверојатно ќе ги обвини дека се себични. РИБИ Полни се со сочувство и љубов, но се и големи манипулатори. Рибите постојано очекуваат нечија милост и разбирање, а својот партнер го сметаат за лична сопственост, па сакаат тој да им биде целосно посветен. Тие се посесивни и љубоморни, толку многу што и на оние на кои им е доказ за љубов, по некое време, им е здодевно.

На сѐ наоѓаат маана: Ова се најголемите песимисти помеѓу хороскопските знаци

Дарко Андоновски — Thu, 15 Aug 2019 19:42:10 +0000

Сигурно познавате луѓе кои се постојано негативни, секогаш негодуваат и никогаш не се задоволни. Ако станале на лева нога, овие „мрчатори“ постојано се караат и се жалат дека ништо не им оди како што треба. Станува збор за многу комплицирани и напорни луѓе, но пред да ги осудите поради нивниот негативниот став, треба да знаете дека можеби ѕвездите се виновни за нивниот песимизам. Можете ли да погодите кои се најнегативните хороскопски знаци? Прочитајте во продолжение… Близнаци Близнаците знаат да бидат многу пребирливи и неодлучни. Тие секаде наоѓаат маани, бидејќи сакаат сѐ да биде онака како што си замислиле, но не го кажуваат тоа на глас. Близнаците ги оставаат луѓето сами да се сетат што треба да направат, но мора да сфатат дека некој не може да им ги чита мислите. Припадниците на овој знак се многу контрадикторни, но го прифаќаат тоа како дел од себе и не планираат да се сменат. Девица Не е никаква тајна тоа дека Девиците многу критикуваат и постојано наоѓаат маани. Тие не се толку критички настроени кон другите луѓе колку што се критикуваат самите себе и нивното однесување во одредени ситуации. Ако сметаат дека не живеат така како што треба, ќе се разочараат од себе и од својот живот. Девиците сакаат сѐ да им биде совршено и знаат дека добро е да се биде самокритичен понекогаш. Водолија Водолиите сакаат да бидат подобри личности и да научат колку што можат повеќе за светот. Тие сакаат да ги бива за сѐ, но знаат дека е невозможно да се биде совршен цело време. Па така, тие се критикуваат себеси поради тоа што не си ги исполнуваат сопствените очекувања. Нивниот внатрешен конфликт ги поттикнува да бидат критички настроени кон сѐ што се случува околу нив. Водолиите не сфаќаат колку се строги кон самите себе, сѐ додека некој не им го укаже тоа. Сакаат сите пречки да ги совладуваат со леснотија и се разочаруваат кога работите не им одат од рака. Нивната потреба да бидат одговорни за сѐ околу нив ги доведува до разочарување и уште поголем песимизам.

Хороскоп- ова се мааните на личноста која ја сакате

Катерина Бојаџиева — Wed, 24 Jul 2019 13:43:49 +0000

Кои се мааните на личноста која ја сакате? Иако веќе самите сте го откриле тоа, хороскопот точно може да ви даде одговор. Овен Овие личности се многу импулсивни и можат многу лесно да ве извадат од такт само со еден збор. Доколку дури и ненамерно им згрешите, нема да одбираат зборови како ќе ве навредат и повредат, а потоа за неколку часа ќе се однесуваат како ништо да не се случило. Доколку им кажете дека ве повредиле, со сигурност ќе ви кажат дека правите драми и претерувате. Бик Луѓето родени во овој знак ќе ве мачат со игнорирање. Тие се многу љубоморни личности, кои се премногу горди за да го признаат тоа.Затоа, наместо да ви кажат отворено и директно, ќе ве игнорираат. Голем дел од кавгите со нив завршуваат со тоа што ќе им кажете дека се во право, бидејќи сметаат дека се најпаметни и дека знаат најдобро. Близнаци Близнаците никогаш од ништо не се задоволни. Превртливите припадници на овој знак се свртени само кон себеси и воопшто не се заинтересирани за потребите на личноста со која се во врска. Тие очекуваат постојано да се трудите околу нив. Често, намерно ќе ве провоцираат со љубомора, бидејќи сакаат да видат како се борите за нив. Рак Раковите лесно се навредуваат, но и лесно простуваат. Нивната најлоша страна е тоа што можат да се навредат од секој збор што ќе го кажете. Опседнати се со мислењето на околината, а од лутина стануваат бесчувствителни и одмазднички настроени. Подготвени се засекогаш да го замразат оној кој ги повредил. Лав Лавовите секогаш ќе пронајдат оправдување за себеси. Тие не ја признаваат својата слабост никогаш и најдобро знаат да ја префрлат вината на другата страна. Стануваат ужасно напорни ако не им обрнувате внимание и не го храните нивното его, како што очекуваат. Девица Невозможно е да се исполнат очекувањата на Девиците. Секогаш се подготвени да критикуваат, а најлоши се кон своите партнери за кои сметаат дека би можеле да бидат барем малку подобри и посовршени. Сакаат сите работи да бидат онака како што тие замислиле, а ако не е така, имаат лошо расположение. Склони се кон проверки, а често се и посесивни. Вага Вагите секогаш знаат подобро од другите. Со нив, тешко е човек да знае на што е, бидејќи поради ситници, можат да го променат својот став и расположение. Имаат збир на правила за кои сметаат дека другите треба да ги исполнат, а кога тоа нема да се случи, заземаат став на советници. Шкорпија Припадниците на овој знак не се постојани во љубовта. Тие се склони кон флерт и афери, но и лаги и манипулација за да дојдат до својата цел. Доколку им нанесете некаква штета (која и самите ја измислиле дека постои), ќе ја нападнат вашата самодоверба и постојано ќе ве навредуваат. Стрелец Стрелецот секогаш себеси си е на прво место. Иако знаат да се заколнат на вечна љубов и предаденост, тие постојано гледаат што им одговара на нив, и секоја ситуација ја превртуваат во своја корист. Ако погрешите, ќе ви се прават паметни, а ни случајно не трудете се да го направите вие тоа. Тогаш, ќе бидат длабоко навредени. Јарец Јарците се личности кои имаат огромни очекувања од другите. Тие, како и Девиците очекуваат многу од оние кои ги сакаат, а тоа и јасно го кажуваат. Често мислат едно, зборуаат друго, а прават трето, така што ништо нема да ви биде јансо. Во состојба се длабоко да ги сокријат своите чувства бидејќи не сакаат да признаат дека некогаш проблемот е во нив. Водолија Водолиите не знаат да бидат предадени партнери. Тие се толку горди на својата индивидуалност, така што доволна им е љубовта од самите себеси. Обожаваат да водат инает, но и да глумат за да дојдат до својата цел. Ако се повредени, нема да ви признаат, но ќе ви вратат двојно. Риби Рибите постојано ги кријат своите стравови со навреди. Свесни се за својата несебичност во љубовта и поради тоа што многу силно сакаат, се плашат да не бидат повредени. Стануваат љубоморни, кажуваат работи кои не ги мислат и едноставно се како изгубени бидејќи се соочуваат со хаос во своите емоции.

Секој има маани, дознајте ги вашите според хороскопот: Бикот мачи со игнорирање, ракот навредува, лавот префрла вина

Ивана Ефремовски — Tue, 18 Dec 2018 16:40:46 +0000

Секој хороскопски знак има нешто специфично по што е посебен и поинаков од останатите знаци во зодијакот. Дознајте ги мааните на хороскопските знаци:

Овен

Припадниците на овој знак се многу експлозивни поради нивната љубомора. Во врската со Овенот ве очекуваат многу проблеми. Тие сакаат да бараат причина за кавга и таму каде што таа не постои, најчесто поради својата посесивност и склони се кон импулсивни реакции и сцени пред другите. Вистински експерти се за пасивна агресија, па ако нешто не им е по волја, очекувајте дека ќе ви го извадат тоа низ нос на најлошиот можен начин.

Бик

Овој знак го мачи партнерот со игнорирање. Како и кај Овните, врската со Биковите најмногу ја нарушува љубомората. Пред партнерот глумат дека сè е во ред. Кавгата со нив ќе заврши само ако признаете дека Бикот е во право, бидејќи тој секогаш е најпаметен.

Близнаци

Никогаш не се задоволни. Превртливите припадници на овој знак во врската се најфокусирани на себе, а од друга страна, очекуваат постојано да се трудите околу нив. Намерно провоцираат љубомора, бидејќи сакаат кога некој трча по нив. Не им се непознати ниту тешките зборови и навреди.

Рак

Тие многу лесно се навредуваат, а тешко опростуваат. Најлошото нешто кај Раковите е тоа што можат да се навредат што и да им кажете. Опседнати се со мислењето на околината, а во лутина стануваат бесчувствителни и одмаздољубиви. Подготвени се засекогаш да го замразат оној кој ги повредил.

Лав

Секогаш наоѓаат оправдување за себе. Припадниците на овој знак ја препознаваат слабоста на својот партнер и секогаш кога се чувствуваат загрозено, ја префрлаат вината за да испаднат подобри. Стануваат ужасно напорни ако не добијат онолку внимание колку што сметаат дека заслужуваат.

Девица

Невозможно е да се исполнат очекувањата на Девиците. Секогаш критикуваат, а најлоши се кон љубовните партнери. Со оглед на тоа што се перфекционисти во љубовта, сè мора да биде онака како што си замислиле, а ако не е така, ќе бидат лошо расположени. Го проверуваат партнерот, а честопати се и посесивни.

Вага

Секогаш знаат повеќе од вас. Со нив, човек тешко може да знае на што е, бидејќи го менуваат ставот и расположението поради најмали ситници. Имаат еден куп правила во однос на тоа како нивниот партнер мора да се однесува, па дури и облекува. Сметаат дека партнерот мора да ги слуша за сè.

Скорпија

Тие не се постојани во љубовта, склони се кон флерт и афери, но и манипулации и лаги за да ја достигнат целта. Доколку им стапнете на нерви, ќе ја нападнат вашата самодоверба. Ако ги засрамите пред друштво, никогаш нема да ви го заборават тоа.

Стрелец

Тие секогаш се ставаат себеси на прво место. Иако се колнат на вечна љубов и посветеност, припадниците на овој знак го гледаат само она што ним им одговара и секогаш се обидуваат да ја свртат ситуацијата во своја корист. Ако згрешите, очекувајте дека ќе ви мудруваат, но ни случајно не се обидувајте да го сторите истото во обратна ситуација.

Јарец

Овој знак го излудуваат својот партнер со нивните очекувања. Може да мислат едно, да говорат нешто сосема друго, а да се однесуваат така што ништо нема да ви биде јасно. Во состојба се да ги скријат чувствата и инсистираат на тоа дека проблемот никогаш не е до нив.

Водолија

Водолиите не знаат што значи да се биде посветен партнер. Припадниците на овој знак толку се гордеат со својата индивидуалност што никој нема да се чувствува доволно сакано со нив. Обожаваат да се инаетат, но и да глумат за да ја постигнат целта. Ако се повредени, никогаш нема да го признаат тоа, но ќе ви вратат двоструко.

Риби

Своите стравови ги кријат со обвинувања. Свесни се за својата несебичност во љубовта, поради што се плашат дека нема да им возвратите со иста мера. Константно ја тестираат љубовта на партнерот, а љубоморни се и без вистинска причина. Сепак, тешко го признаваат тоа, а многу уверливо ќе ви наметнат чувство на вина.

Мааните на хороскопските знаци: Овните се арогантни, Рибите суетни…

Катерина Бојаџиева — Mon, 03 Dec 2018 15:00:44 +0000

Сите сакаме да мислиме дека ги имаме најдобрите особини, но сепак имаме маани кои не можеме да ги скриеме од другите. Ова се мааните на хороскопските знаци.

Овен

Вие секогаш мора да сте во право. Импулсивни сте, брзоплети и експлозивни, а имате и вродена ароганција. Склони сте кон кавги и лесно се нервирате, но и лесно се навредувате. Ако некој претера, знаете да бидете груби, нетолерантни и одмаздољубиви. Во љубовта сте многу непредвидливи, љубоморни и посесивни. Поради желбата за доминација, знаете да бидете и непријатни како соработник, а неподносливи како шефови.

Бик

Вие сте многу своеглави, па често трдоглаво си терате по свое, дури и тогаш кога знаете дека не сте во право. Иако ви треба многу за да се налутите, кога бесот ќе избие на површина, тоа е како вулканска ерупција. Малку сте успорени, па делувате многу бавно и мрзеливо. Ориентирани сте кон парите и тие ви се многу важни. Во љубовта сте посесивни и љубоморни, иако тоа ретко го признавате.

Близнаци

Многу сте љубопитни и многу зборувате. Тоа ги излудува сите околу вас. Расположението ви е непредвидливо и често знаете да ги изненадите луѓето околу вас. Умеете да бидете и лукави и пресметливи, а често го криете и стравот од неуспех. Најчесто сте окупирани со големи планови, но не успевате да довршите голем дел од нив.

Рак

Мрзоволни сте и често го менувате расположението и склони сте кон самосожалување. Брзо се навредувате, а таа особина ја покажувате во однос на сите. Но, ако некој го чепне вашето его, знаете да бидете и одмаздољубиви. Понекогаш толку се вовлекувате во својот оклоп, така што тешко може некој да ве извлече од тоа. Некогаш сте пресметливи и егоцентрични, па го избирате и најлесниот пат до успехот. Склони сте кон претерување кога пиете.

Лав

Вие сте театрални, па често привлекувате внимание на себе. Сакате да бидете во центарот на вниманието и едноставно не поднесувате да бидете неприметени. Суетни сте и вообразени и сакате да доминирате, а често и претерувате во тоа. Често глумите бидејќи се плашите од омаловажување од другите. Понекогаш им помагате на другите за да им покажете дека не можат без вас.

Девица

Многу зборувате, па понекогаш сте толку опширни така што можете да ги удавите сите околу себе. Тешко поднесувате критика на ваша сметка, а кон другите сте многу критички настроени. Често ги потиснувате емоциите, бидејќи сметате дека тоа ве прави несовршени. Некогаш имате и напади на бес и нервоза.

Вага

Иако делувате како некој што знае што сака, често сте многу неодлучни за важните одлуки. Колку е поголем изборот, толку повеќе се двоумите. Склони сте кон промени на расположението, а вашите реакции се непредвидливи. Брзо се лутите, а несвесно знаете и да се навредите. Суетни сте и помалку надмени. Знаете да сте и студени и посесивни.

Шкорпија

Вашето таинствено однесување понекогаш тешко се одгатнува, поради што многу луѓе ве доживуваат како степски волк. Иако делувате незаинтересирано, сепак се приметувате, но затоа ретко покажувате како се чувствувате. Кога некој ќе ве испровоцира, знаете да сте непријатни и саркастични, а навредите не ги заборавате.

Стрелец

Вашето расположение е променливо, без оглед на тоа дали претерувате или се повлекувате во себе. Умеете да бидете детинести, непрактични, нетрпеливи и наметливи. Исто така, да бидете и многу тврдоглави и склони кон расправии. Во работата често сте неефикасни, а во љубовта површни и едно зборувате а друго правите.

Јарец

Работата и кариерата ги ставате во прв план. Статусот ви е многу важен, често сте опседнати со успехот и сакате да доминирате. Конзервативни сте и тврдоглави, а разумот често ви управува со срцето. Склони сте кон кавги, а знаете да бидете и злопамтило. Имате проблем со покажување на емоции, особено ако сте жена.

Водолија

Егоцентрични сте, бунтовни и мислите дека се знаете најдобро. Непредвидливи сте, и немате многу трпение. Премногу сте љубопитни за да останете верни, а уживате во флертот секаде.

Риби

Вашата суета е нагласена, пречувствителни сте и мислите само на себе си. Сметате дека сте несфатени, па често се изолирате од светот. Вашата непрактичност често знае да ви создаде проблеми.