Најдени докази за мачење во Херсон, луѓе биле заробени на 11 локации

Ивона Петрова — Thu, 17 Nov 2022 10:04:08 +0000

Украинската полиција најде докази за наводни злосторства, вклучувајќи тортура, во ослободената област Херсон, со што се повторува шемата од други региони на државата ослободени од руската контрола годинава, јави ДПА. Украинскиот министер за внатрешни работи Денис Монастирски синоќа изјави дека луѓе биле заробени на 11 локации. На четири од овие места, има индикации дека затворениците биле мачени. Истражители работат на терен, собираат докази и разговараат со сведоци. Се откопуваат и тела, додаде тој. – Досега во областа Херсон се пронајдени 63 тела. Но, ние мора да бидеме свесни дека потрагата штотуку почна и ќе бидат откриени уште многу места за мачење и гробници, нагласи Монастирски. Засега нема независна потврда за наводите. Но, како што пишува ДПА, места за мачење и гробови на убиени луѓе исто така без пронајдени и во поголемиот регион на Киев и Харков откако беа вратени под украинска контрола.

Вознемирувачко видео: Невидена тортура, полицајци со змија мачат затвореник

Ивана Ефремовски — Mon, 11 Feb 2019 10:30:20 +0000

Индонезиската полиција призна дека нејзините припадници малтретирале затвореник со змија, откако на интернет се појави видео од ужасната тортура. Иако индонезиската полиција се извини, сепак од тамошното министерство за внатрешни работи се обидоа да се оправдаат со тоа што открија дека змијата не била отровна, а полицајците не се определиле физички да го нападнат затвореникот кој бил притворен поради кражба. На снимката може да се види како големата змија е ставена врз затвореникот, а еден од полицајците ја држи главата на змијата пред лицето на мажот кој станува хистеричен. Од полицијата соопштија дека припадниците кои што го малтретирале затвореникот биле испратени на „етичка обука“, додека пак Вероника Коман од организација за човекови права во Индонезија, тврди дека со ваквите методи на „испрашување“, полицајците прекршиле неколку закони. Коман открива дека ова е само најновиот, од неколкуте извештаи според кои се дознало дека војската и полицијата користат змии за испрашување на затвореници.

мачење – Kurir.mk

Најдени докази за мачење во Херсон, луѓе биле заробени на 11 локации

Вознемирувачко видео: Невидена тортура, полицајци со змија мачат затвореник