мачестер сити – Kurir.mk

Арсенал го победи Манчестер сити и го освои ФА Суперкупот

Тале Кристо — Sun, 06 Aug 2023 18:56:17 +0000

Арсенал попладнево го победи Манчестер сити со 1:1 во ФА Суперкупот на пенали со 4:1. Средбата се одржа во Лондон на стадионот „Вембли“. Резултатот го отвори играчот од средниот ред на „граѓаните“, Кол Палмер, кој погоди во 77. минута по додавањето на Кевин Де Брујне. Во 90+11 минута израмни напаѓачот на „топчиите“, Леандро Тросард, а асистираше Букајо Сака. Фудбалерите на Арсенал се покажаа попрецизни во пенал рулетот - 4:1. Арсенал по 17-ти пат во историјата го освои ФА Суперкупот. „Граѓаните“ минатата сезона ја комплетираа тројната круна, освојувајќи ја Премиер лигата, ФА Купот и Лигата на шампионите.

Нејмар објави фотографија со Меси и Мбапе по триумфот над Сити

Тале Кристо — Wed, 29 Sep 2021 06:51:12 +0000

Напаѓачот на Пари Сен-Жермен, Нејмар по синоќешниот триумф над Манчестер сити со 2:0 во Лигата на шампионите, на својот Инстраграм објави фотографија од соблекувалната. На сликата се Бразилецот, Лионел Меси и Килијан Мбапе. Меси беше стрелец на вториот гол по асистенција на Мбапе. Со оваа фотографија, Нејмар ги демантира шпекулациите кои се појавија во медиумите во последно време за наводни нарушени меѓусебни односи на ѕвездите на ПСЖ. По две кола во А-групата, ПСЖ и Клуб Бриж имаат по четири бода, Манчестер сити е трет со три, Лајпциг е последен без освоен бод.

ЕУРО2020: Челзи и Сити со најмногу фудбалери, македонската репрезентација со 23 „странци“ и тројца „домашни“

Дарко Андоновски — Tue, 08 Jun 2021 14:37:38 +0000

Од вкупно 26 фудбалери во македонскиот систав за ЕУРО2020, 23. настапуваат во европски лиги, а само тројца во домашното првенство. „Честа“ на македонскиот прволигашки фудбал на ЕУРО2020 ќе ја бранат голманот на Работнички, Ристе Јанков, дефанзивецот на шампионот Шкендија, Егзон Бејтулаи и напаѓачот на Академија Пандев, Марјан Радески. Од македонските „странци“, најмногу – по тројца – настапуваат во Шпанија (Столе Димитриевски, Енис Барди и Александар Трајковски), Кипар (Стефан Спировски, Иван Тричковски, Дамјан Шишковски), Хрватска (Аријан Адеми, Стефан Ристовски, Дарко Велковски) и Италија (Горан Пандев, Бобан Николов и Елиф Елмас). По двајца настапуваат во Словачка (Тихомир Костадинов, Милан Ристовски) и Унгарија (Кире Ристевски, Висар Муслиу), а во македонската репрезентација по еден играч доаѓа од Англија (Езѓан Алиоски), Белгија (Ѓоко Зајков), Германија (Дарко Чурлинов), Албанија (Феран Хасани), Турција (Даниел Аврамовски), Франција (Влатко Стојановски) и Босна и Херцеговина (Крсте Велкоски). На ЕУРО2020 се пријавени вкупно 624 фудбалери, кои настапуваат во 32 држави и 208 екипи. Најмногу од нив, дури 152, настапуваат во англиските лиги. Во клупски рамки, најмногу свои фудбалери на ЕУРО2020 имаат европскиот првак Челзи и англискиот првак Манчестер сити, по 15.