мачета – Kurir.mk

Српски пејач нападнат со МАЧЕТА, повреден мажот кој се обидел да го одбрани

Ивана Ефремовски — Sat, 21 Oct 2023 17:25:30 +0000

Пејачот Ненад Јовановиќ - Близнак (46) во вторникот вечерта настапувал во пабот Лисац во Раковица кога се случил страшен напад со мачета, дознава Телеграф.рс. Според информациите на нивните извори, кои се запознаени со случајот, вечерта дошло до вербален конфликт помеѓу пејачот Ненад и непознато лице, по што обезбедувањето на ресторанот С.Г.(37 ) кој застана во одбрана на пејачот беше нападнат. Напаѓачот извадил мачета и го расекол човекот од обезбедувањето по телото, кој го заштитил пејачот, при што го повредил во пределот на стомакот. Како што дознава порталот, таа вечер во кафаната Лисац настапил познатиот пејач Ненад Јовановиќ Блианак, кој се здоби со популарност во групата „Близнаци“ на почетокот на 2000-тите заедно со неговиот брат.

Загреб: 18-годишник упаднал во училница и се заканувал со мачета, полицијата го уапси

Ивона Петрова — Mon, 06 Mar 2023 20:28:06 +0000

Во гимназија во центарот на Загреб денеска 18-годишник упаднал во училница за време на наставата и со мачета му се заканувал на еден од учениците. По инцидентот, во кој нема повредени, тој побегнал од училиштето. Подоцна полицијата го уапсила сторителот. Директорката на гимназијата за Индекс изјави дека околу 14 часот во училницата во кој биле професорката и учениците упаднал непознат млад човек со мачета. Тој се заканувал на еден ученик, но поради колективен одговор на професорката и учениците не повредил никого и потоа ја напуштил училницата .Директорката потоа го пресретнала во ходникот и го извела надвор од училиштето, бидејќи во тој момент немал ништо во раката, вели таа. По инцидентот наставата не била прекината, но на учениците им е понудена стручна помош доколку има потреба поради трауматичниот настан. Директорката на новинарите им кажа и дека полицијата го знае идентитетот на младиот човек, но не сакала да го открие. Полицијата подоцна соопшти дека 18-годишникот е уапсен во главниот град на Хрватска, во областа Медвешчак.

Сцени како во страшен филм: Скопјани вршеле изнуда со мачета и кажувале ужасни закани

Ивана Ефремовски — Mon, 30 May 2022 09:22:17 +0000

Јавен обвинител од Основното јавно обвинителство Скопје донесе Наредба за спроведување истражна постапка против две лица, за кои постои основано сомнение дека сториле кривично дело – Изнуда од член 258 став 2 од Кривичниот законик. Со употреба на сила и сериозна закана со опасно орудие – мачета и на особено насилен начин, тие присилиле едно оштетено лице да им даде парични средства во износ од 360.000 денари. Оштетениот, во текот на летото 2021 година, од осомничените позајмил 55.000 денари, кои според устен договор требало да ги враќа со камата од 28.000 денари за секои 20 дена и за секој дополнителен ден доцнење уште по 1.000 денари. Врз основа на овој договор, во периодот од јануари 2022 до 09.05.2022 година, оштетениот на осомничените им исплаќал парични износи од 120.000, 180.000 и 60.000 денари. Во целиот тој период осомничените, инаку вработени во агенција за обезбедување, телефонски му се заканувале дека ќе го убијат ако не ги врати парите. Во неколку наврати доаѓале и во неговиот дом, заканувајќи му се нему и на неговиот татко. На 25 мај го повикале оштетениот пред маркет на улицата „Македонско-косовска бригада“ и го однеле во мала уличка, при што го удирале, барајќи им веднаш да им ги врати парите. На 26 мај, пак, го повикале во катна гаража во Карпош, каде што работеле како обезбедување, па му побарале да им даде уште 300.000 денари. Кога оштетениот кажал дека нема, еден од осомничените извадил опасно орудие – мачета, заканувајќи се на оштетениот дека ќе му ги исече прстите и ќе го убие ако до крајот на денот не ги исплати парите. Го ставиле оштетениот во автомобил и заедно со него се упатиле кон Чаир, но биле пресретнати од полициски службеници. Надлежниот јавен обвинител оцени дека постои опасност осомничените да се дадат во бегство, да влијаат врз сведоците и врз оштетениот или да го повторат делото, па до судијата на претходна постапка од Основниот кривичен суд Скопје достави предлог за определување мерка притвор.

УЖАС: Ученик со мачета уби професор во училиште во Прага

Ивана Ефремовски — Thu, 31 Mar 2022 14:10:40 +0000

Чешки професор е убиен денеска со мачета во средно училиште во Прага, а напаѓачот, кој побегнал од местото на злосторството, е уапсен, соопшти полицијата. Директорот на училиштето изјавил, според пишувањата на медиумите, дека напаѓачот бил ученик од истото училиште. „Ученик околу пладне со мачета нападнал професор. За жал, професорот починал од повредите на местото на несреќата“, соопшти полицијата на Твитер. Напаѓачот ја оставил мачетата на местото на злосторството и побегнал. Во потрагата по осомничениот биле вклучени стотина полицајци и хеликоптер. „Полицијата го уапси осомничениот“, изјави подоцна министерот за внатрешни работи Вит Ракушан. (МИА)

Хаос во Лондон: Мавташе со мачета на станица, а потоа го срушија со електрошок (ВИДЕО)

Ивана Ефремовски — Tue, 15 Jan 2019 09:30:46 +0000

Маж (59) беше уапсен во Лондон поради сомневања за обид за убиство откако мавташе со мачета на железничката постојка во јужниот дел на Лондон, се наведува во извештајот на „Би-би-си“. Полицијата во понеделникот околу 18:30 часот доби пријава за еден човек кој има многу голем нож и се наоѓа на Тулс Хил. Сведоците опишаа дека на постојката владеел „хаос” и дека луѓето врескале од страв сè додека полицијата не го уапсила мажот. На видеоснимките се гледа дека полицајците користеа електрошокер и притоа го приковаа човекот за подот. Подоцна тие го фатија и го уапсија. Иако 59-годишникот беше виден како мавта со оружје, за среќа немаше повредени. Полицијата смета дека инцидентот не е поврзан со тероризам.