мачиња – Kurir.mk

Истражувањата покажуваат: Како кучињата и мачките влијаат на здравјето?

Магдалена Андонова — Tue, 22 Nov 2022 15:13:11 +0000

Како домашни миленици, мачките и кучињата внесуваат многу добро во вашиот дом, а главното нешто што се истакнува е мирот на умот. Сигурно се прашувате како тие носат мир, а првиот одговор е - со предење. Да, тие го користат тој звук за да комуницираат со други мачки, кога се гладни, исплашени, кога нешто ги боли, но и кога некаде им е удобно. Фреквенциите на тие звуци ги релаксираат луѓето. Ова е причината зошто се вели дека предењето е како терапија за мачки, како и за луѓето. Особено во многу стресни ситуации. Галењето мачка има смирувачки ефект и врз луѓето, покажуваат различни студии во последните години. Дури 83 отсто од луѓето рекле дека нивната мачка им е најдобар пријател, а 67 отсто од луѓето ги држат мачките блиску до себе во најтешките моменти и даваат емоционална поддршка галејќи ги за време на стресни и емотивни ситуации. Иако изгледаат ладни, мачките се чувствуваат посигурно во друштво на нивните сопственици и затоа сакаат да спијат во ист кревет со нив. Освен нив, делењето кревет е добро и за човекот. Експертите велат дека луѓето кои страдаат од недостаток на сон поради стрес треба да заспијат со мачка покрај главата, барем дел од ноќта. На овој начин ќе се опуштат и ќе се ослободат од негативните енергии. Друг интересен факт е дека мачките позитивно влијаат на алергиите, особено кај малите деца. Иако родителите на бебињата често мислат дека не е мудро да се има мало дете и мачка во исто време, истражувањата покажаа дека децата под една година, кои имаат мачка за домашно милениче, имаат помала веројатност да развијат алергии како тие растат. Конечно, се претпоставува дека сопствениците на мачки се поинтелигентни од сопствениците на кучиња. Истражувањата покажаа дека луѓето кои поседуваат кучиња се поактивни, посоцијални и претпочитаат да поминуваат време надвор од дома, додека сопствениците на мачки се почесто затворени луѓе кои сакаат да го поминуваат времето во затворени простории, по можност сами. Според тие резултати од истражувањето, заклучено е дека сопствениците на мачки можат да бидат поинтелигентни од сопствениците на кучиња, но треба да се запомни дека овој резултат се базира исклучиво на различните личности и интереси на сопствениците, па се уште е сомнителен.

ВИДЕО: Нема правила, кокошка посвои мачиња

Ивона Петрова — Mon, 05 Apr 2021 07:14:44 +0000

Во животинскиот свет нема правила, па и невозможното станува возможно. Така и во овој случај кога неколку мачиња останале без својата мајка. Кокошка им помогнала, ги посвоила и чувала. Не заборавајте, помогнете, подадете и вие рака некому кому му е потребна.

Истражување: Мачињата и кучињата го убиваат стресот

Ивана Ефремовски — Fri, 19 Jul 2019 07:17:42 +0000

Само 10 минути дружење дневно со своето милениче – маче или куче може значително да го намали стресот, односно хормонот што го предизвикува, покажа истражување во кое учествуваа 294 студенти, а го спроведе Вашингтонскиот државен универзитет. Статијата објавена во списанието „АЕРА оупен” го образложува намалувањето на нивото на кортизол – хормон на стрес, низ експеримент на реална интервенција, а не во лабораториски услови. Учесниците во испитувањето биле поделени во четири групи, по принципот на случаен избор. Првата група имала практична интеракција со маче или куче што траела 10 минути. Втората група имала задача да ги набљудува другите што си играле со миленичето. Третата група гледала слики од тие животинчиња во низа, а пак, четвртата група само требало „да чека”, без да учествува или да ги гледа останатите. Потоа, како и претходно низ целиот ден, стручните лица го испитале нивото на кортизол кај секој од учесниците. Резултатите покажале дека оние испитаници кои си играле со миленичињата, имале значително пониско ниво на кортизол по таа 10-минутна „задача“, истакнува Патриша Пендри, доцент од Одделот за човеков развој при Вашингтонскиот универзитет. -Студентите од нашето истражување, коишто непосредно се дружеа со мачиња и кучиња, имаа најголемо намалување на кортизолот, што е основен хормон на стресот, смета таа. Следниот чекор во испитувањето е спроведување на четиринеделна програма за спречување стрес, со помош на домашни миленичиња. (МИА)