мачка – Kurir.mk

Усмртена мачка во Скопје, полицијата го расчистува случајот

Ивана Ефремовски — Fri, 01 Sep 2023 20:30:31 +0000

На 31.08.2023 околу 20:00 часот во СВР Скопје било пријавено дека на ул.„Митрополит Теодосиј Гологанов“ во Скопје, едно лице усмртило мачка. Се преземаат мерки за расчистување на случајот.

5 милиони прегледи: Овој драматичен мачор одбива да си оди дома после секоја прошетка (ВИДЕО)

Ристе Здравков — Fri, 07 Jul 2023 16:13:53 +0000

Симба е прекрасен мачор кој обожава да оди на прошетки со својата сопственичка. Но, постои еден проблем. Тој одбивал да си оди дома, а тоа го искажувал на еден прилично драматичен начин. Сопственичката во видеото нагласила дека мачорот „протестирал“ кога ќе му кажеле дека е време за одење дома и додала дека се однесувал како „разгалено дете“.

@alejandrafjordan My super dramatic cat.. gotta Love him🥰#simba #bengal #catsoftiktok #cat #lover #fyp ♬ original sound - Alejandra-RN

@alejandrafjordan My daughter visitig from college ready to put an end to Simba’s tantrums…#cat #catsoftiktok #simba #fyp ♬ original sound - Alejandra-RN

@alejandrafjordan #onthisday #cat #attitude #bengal #simba #spoiled ♬ original sound - Alejandra-RN

Во видеото кое собрало речиси 5 милиони прегледи, сопственичката ги замолила своите следбеници за совет како да го реши проблемот, а многумина тиктокери ѝ предложиле во дворот да огради посебен простор само за него.

Пронајдете ја мачката на илустрацијата: Само најбрзите ќе успеат да ја забележат за помалку од 17 секунди

Ристе Здравков — Sat, 20 May 2023 13:50:16 +0000

Можете ли да го надминете овој рекорд? Криенките, оптичките илузии и мозочните закачки се омилен начин на многумина да се забавуваат и да ги тестираат своите ментални и визуелни способности. Затоа денес за вас подготвивме илустрација, која веруваме дека ќе ве измачи. Имено, пред вас е илустрација на која се нацртани повеќе десетици луѓе. Меѓутоа, сокривме и еден натрапник, а ваша задача е да го пронајдете. Во „морето“ од луѓе има и мачка, па обидете се да ја пронајдете за помалку од 17 секунди. Ако ви треба помош, фокусирајте се на долниот десен дел од илустрацијата. Ако не можете да ја најдете, погледнете го решението подолу.

Донеле дома зајак, а реакцијата на нивната мачка е пресмешна (ВИДЕО)

Ристе Здравков — Wed, 05 Apr 2023 14:10:12 +0000

Едно семејство за домашен миленик има мачка, но посакало да има и зајак. Тие не знаеле како нивната мачка ќе реагира на новиот член на семејството, но добро се насмеале откако го донеле зајакот дома. „Помисливме – нема шанси, не можеме да имаме и мачка и зајак. Но, го донесовме зајакот дома и се обидовме да ги спријателиме. Мачката прво само гледаше во зајакот како да мисли ’какво е ова животно‘“, рекла жената во видеото објавено на ТикТок профилот „The Dodo“. Мачката била изненадена од слаткото животно кое скока низ домот. Не знаела како да се однесува во присуство на зајакот. Секогаш кога ќе се приближел, мачката скокала и бегала. Но, кратко по првиот шок, мачката и зајакот станале најдобри пријатели.

@thedodo Their cat had no idea how to deal 😂 #cats #bunnies #animalsoftiktok #animals ♬ original sound - The Dodo

Урнебесна прва средба на мачка со лента за трчање: Ќе потрае додека сфати како функционира (ВИДЕО)

Ристе Здравков — Fri, 10 Mar 2023 13:08:19 +0000

Едно видео споделено на ТикТок прикажува урнебесна прва средба на мачка со лента за трчање и нејзиниот обид да оди по неа. Едногодишната мачка од Арканзас насмеа бројни корисници на социјалните мрежи поради својот несмасен обид да оди на лентата за трчање. Имено, мачката за првпат се среќава со „концептот“ на оваа справа, а резултатот од оваа средба е комично видео од животното додека се обидува да сфати како работи.

@abc7la A one-year-old cat in Arkansas is yet to fully grasp how a treadmill works. 🤣🐈 #abc7la #abc7eyewitness #news #animalsoftiktok #animals #catsoftiktok #cats #treadmill #arkansas ♬ original sound - ABC7LA

„Едногодишна мачка од Арканзас допрва треба да сфати како функционира лентата за трчање“, се наведува во описот на снимката. Мачката може да се види како се качува и оди по лентата, а откако седнува и лентата ја враќа на подот, збунето ја погледнува сопственичката. Истото го повторила неколку пати при што секој пат завршувала на подот со збунет поглед. „Мачкина логика – ако легнам тука тогаш мора да застане“, „Колку подолго го гледате, толку посмешно станува“, „Го имам истиот проблем“, гласат дел од реакциите на видеото кое е погледнато над 3 милиони пати.

Велосипедист кој бил светски првак убил мачка на министер- еве со што го казниле

Катерина Бојаџиева — Wed, 01 Mar 2023 08:39:40 +0000

Италијанскиот велосипедист Антонио Тибери (21), кој вози за екипата Тек-Сегафредо е казнет со 4.000 евра за убиство на мачка во Сан Марино, а неговата екипа дополнително го суспендираше на 20 денови без плата. Поранешниот јуниорски светски првак на хронометар и од неодамна жител на малата република без излез на море во внатрешноста на Италија, е казнет откако со воздушна пушка ја усмртил мачката која била во сопственост на неговиот сосед и министер за туризам на Сан Марино, Федерико Амати. Италијанските медиуми јавија дека Тибери, испробувајќи ја својата воздушна пушка, ја нанишанил мачката во глава и со еден истрел ја усмртил. „Мачката никому не му пречеше“, изјави Амати за весникот „Кориере дела Сера“. „Долго беше со нас. Мојата ќерка ја засака. Не можете да убиете домашно милениче и да се извлечете со казна од 4.000 евра“, рече Амати.

Неколку причини зошто мачките ги сакаат чевлите на сопствениците

Ивона Петрова — Wed, 25 Jan 2023 14:51:07 +0000

Сопственици на мачки, дали вашите миленици се опседнати со чевлите што ги носите? Ги мирисаат, ги газат , спијат во нив или во нивна близина. Зошто мачките толку многу ги сакаат вашите чевли? Постојат неколку причини зошто мачките се толку фасцинирани од обувките. Познат мирис За мачката, сетилото за мирис е веројатно најважното од сите нејзини сетила. Тоа е четиринаесет пати посилно од човечкото, а мачката има двојно повеќе миризливи рецептори во нејзиното ткиво од луѓето. Мачките се природно љубопитни и истражуваат нови мириси, но тие исто така ќе бараат познати ароми и ќе направат да се чувствуваат безбедно и опуштено. Територија што ја сака Мачките создаваат и лачат феромони за мирис во жлездите низ целото тело, вклучувајќи ги и образите. Кога ќе го трие лицето од вас или некој предмет, таа остава свој белег како да сака да каже: „Јас сум бил овде и порано“. Ова му припаѓа на мојот простор и ме прави да се чувствувам безбедно“. Мачките постојано ќе се враќаат на предметите на кои оставиле мирис. Допирањето на чевлите и спиењето на нив е начин мачката да покаже дека сака нешто ваше и дека тоа е нејзина сопственост. Комфорна зона Предметите што го имаат вашиот мирис - облека, чевли, ќебиња итн. - можат да ја утешат мачката во некои ситуации. Спиењето на чевлите би можело да биде нејзин метод за самосмирување додека сте отсутни. На овој начин таа ќе се чувствува како постојано да е покрај неа. Не се лутете ако мачката ви ги поместува чевлите: тоа го прави само за да биде „со вас“ додека не се појавите дома после работен ден.

ФОТО: Мачката на Тејлор Свифт вреди 91,5 милиони евра, а е трета на листата

Ивона Петрова — Thu, 05 Jan 2023 12:46:06 +0000

Оливија Бенсон, мачката на пејачката Тејлор Свифт има повеќе пари од просечниот човек. Неодамна спроведениот извештај на списанието 'All About Cats' ја рангираше Оливија како трето најбогато домашно милениче во светот, со неверојатна нето вредност од 91,5 милиони евра. Листата е составена врз база на аналитиката на Инстаграм, а за Оливија како дополнителни поени биле земени во предвид и нејзините учества во проекти надвор од социјалната мрежа. Мачката на популарната пејачка ги престигна и петте кучиња на водителката Опра Винфри.

Можете ли да ја пронајдете мачката на фотографијата? Многумина ги загубија нервите во потрагата! (ТЕСТ)

Ристе Здравков — Mon, 12 Dec 2022 11:46:57 +0000

Ако сакате да си го разбудите умот ова утро, еве нешто за вас! Сопственикот на мачка pizzaslayer111 сподели фотографија од дел од својот стан и ги предизвика корисниците на Редит да го пронајдат неговиот миленик во него. Повеќе од 22.000 луѓе го прифатија предизвикот и тргнаа во потрага по црната мачка, пишува DailyStar. Не беа малку оние кои преку коментари покажаа нервоза, бидејќи не им беше лесно да го забележат животното. Сепак, црната мачка на оваа фотографија не е толку тешко да се забележи – потребна ви е само добра концентрација и остро око. Дури и да имате мачка за домашно милениче, ќе ви биде уште полесно, бидејќи знаете каде сакаат да се кријат овие животни… Ако сè уште не можете да го најдете скриеното црно маче, ние ќе ви помогнеме – фокусирајте се на централниот дел од фотографијата. Сè уште не можете да го забележите црниот крзнен пријател? Погледнете го решението подолу!

Мачка со скршена нога сама отишла во болница во Турција

Ивана Ефремовски — Thu, 17 Nov 2022 12:59:30 +0000

Мачка со скршена нога сама си пронашла пат до Oдделението за итни случаи во болница во Турција, јави турската телевизија „Хабертурк“.

Мачката била снимена од безбедносните камери како влегува во болницата во градот Татван, во областа Битлис, преку влезот за итна медицинска помош. Потоа малку подзапира, па се упатува кон салата за операции. Ја забележал лекар, кој ѝ пружил помош со шиење и преврзување на ногата. Мачето кое болничкиот персонал го именуваше „Давшо“, продолжи да ја посетува болницата, каде што, одвреме-навреме, сѐ уште добива помош. (МИА)