мачки – Kurir.mk

Спасени 1.000 мачки од нелегалната трговија со месо во Кина

Катерина Бојаџиева — Wed, 25 Oct 2023 09:38:03 +0000

Полицијата во Кина спасила околу 1.000 мачки од камион што се движел кон кланица. Тоа било дел од нелегалната трговија со месо од мачки што се продава како свинско или јагнешко, објавија тамошните медиуми. Акцијата се одвивала во Џангјаганг, во источната кинеска област Џијангсу. По дојава од очевидци и активисти за заштита на животните, властите пресретнале возило што се користело за собирање и пренос на заловени мачки. Полицијата и земјоделските власти ги сместиле спасените мачки во блиско засолниште. Без интервенција на активистите, фатените мачки ќе биле заклани и испратени на југот на Кина каде што од нивното месо ќе се прават „свински и јагнешки“ ражен, колбаси итн., според наводите. А, од ваква пратка обично, приходот е скоро 20.000 евра.

Изложба на мачки во Хрватска- посетителите ќе имаат можност да се запознаат и со т.н. „мачка врколак“

Катерина Бојаџиева — Wed, 16 Nov 2022 10:05:58 +0000

Претстојниов викенд, во Големата сала на Спортскиот центар во хрватскиот главен град Загреб, во организација на Клубот на љубители на мачки „Фелис Кроатија“, ќе се одржи Меѓународното шоу за мачки. Заедно со бројните раси мачки, посетителите ќе имаат можност да се запознаат и со расата ликои, т.н. „мачка врколак“. Тоа е една од најнеобичните раси со природна генска мутација којашто ѝ дава на мачката специфичен изглед. Други релативно ретки раси се сингапурската мачка, кашмирската мачка (бенгалска мачка со долги влакна) и курилската мачка. Врвот на изложбата и во двата дена ќе биде 16:30 часот, кога почнува „Шоуто на најдобрите“ (Best in Show) – изборот на најубавите мачки. Изложбата ќе биде отворена од 10 до 18 часот. Цената на билетите за возрасни е 20 куни (2,65 евра), а за деца под 12 години – 10 куни (1,33 евра).

Овој текст ќе го разберат само луѓето кои сакаат мачки

Ивана Ефремовски — Fri, 30 Sep 2022 20:59:58 +0000

Чувањето мачки е добра и корисна навика. Зошто? Петте причини кои ќе ви ги презентираме, можеби не се научно докажани, но се докажани од луѓето кои ги обожуваат мачките, а еве кои се тие. Мачките го чуваат менталното здравје Мачките се омилено домашно милениче за забава кога навистина имате психички оптеретувања. Мачката знае да ве насмее, да ве разнежни со самиот поглед, а исто така може и да ве сослуша како најдобрата пријателка. Можете да и кажете се, таа и покрај тоа што сте згрешиле ќе ве погледне милно и ќе предизвика чувство на восхит и добро расположение кај вас. Мачката наместо седатив Кога се чувствувате вознемирени или ако патите од несоница, пробајте со вашата мачка. Ако ја прегрнете или легнете до неа таа ќе ја впие целата ваша негативна енергија и ќе ви даде волја за живот. Оние кои пробале рекле дека овој лек навистина делува. Мачката ве штити од штетното влијание на компјутерот Ако мачката дојде до вас и скокне во вашиот скут додека куцате на тастатура, немојте да ја бркате, бидејќи познавачите велат дека мачките ги апсорбираат зрачењата и негативните влијанија од компјутерот. Мачките го намалуваат ризикот од инфаркт Дружењето со мачката и со другите домашни миленичиња докажано го намалуваат ризикот од инфаркт и други заболувања, па според тоа дружењето со мачката го намалува и ризикот од прерана смрт. И за крај … не заборавајте Вие сте на нејзина територија, иако ве чувствува како газда, таа има инстинкт со кој смета дека треба да ве заштити. Затоа, одржувајте ја нејзината хигиена и одржувајте го нејзиното здравје на ветеринар, за да можете безгрижно да се дружите со неа. Доколку патите од алергиска астма или ако имате било каква алергиска реакција на влакната од мачката, тогаш за жал не би смееле да бидете во контакт со ова животно.

Мачките и кучињата се природни емпати: Тие ја впиваат негативната енергија и го штитат сопственикот од болести и депресија

Магдалена Андонова — Thu, 14 Apr 2022 20:49:24 +0000

Врската помеѓу нас и начите домашни миленичиња може да биде многу моќна и интензивна. Иако не можеме со нив директно да комуницираме преку говор, нашиот однос со нив често е многу подобар отколку односот кој го имаме со луѓето околу нас. Која е нивната цел? Кучињата имаат своја цел – тие се тука за да им помогнат на луѓето и да ги штитат. Освен што физички нѐ заштитуваат, тие нѐ штитат и од лоша енергија. Нашето куче секогаш ќе се обиде да спречи тешки енергии кои ни доаѓаат, преку впивање на таа енергија. Тие ќе нѐ штитат и од видливото и од невидливото. Мачките се малку поинакви, па и нивната функција е малку поинаква. Иако и тие се тука за да им помогнат на луѓето, тоа го прават на поинаков начин. Нивната функција е чистење на околината во која живееме, преку забележување и чистење на лошите енергии. Но, ако енергиите им се претешки, тие исплашено ќе побегнат. За мачките се вели и дека се природни исцелитети. Тие се во состојба да ги синхронизираат нашите небалансирани чакри, користејќи ги своите тела и шепи. Животните се природни емпати Секое животно е чувствително на одредена енергија. Тие лесно можат да ги откријат промените во енергијата на нашето тело. Нашето милениче нѐ сака, па затоа и ќе ја впие чудната енергија која ја шириме. Ако не го однесеме нашето милениче на прошетка или во природа, тие ќе бидат преоптоварени со штетни и тешки енергии. Тие не можат да издржат премногу негативна енергија, било тоа во нивното тело или во околината во која живеат. Нашите миленичиња навистина нѐ сакаат. Тие би направиле сѐ што можат за да нѐ задоволат и да направат да бидеме среќни. Поради тоа и несвесно ја собираат негативната енергија од нас и на тој начин нѐ штитат од болести, депресија и умор. Најчесто тоа го прават кучињата и мачките. Ако сакаме да ги заштитиме нашите миленичиња од болести, мораме подобро да се грижими за нашиот внатрешен свет, за нашите чувства и мисли. Ако го направиме тоа, нашето тело, нашето милениче и нашиот дом, заедно со нашето семејство ќе ни бидат навистина благодарни. Какво е духовното значење кога сакаме куче или маче? Астролошки, мачките се поврзани со нашата Месечина, која ги претставува мајчинските чувства, грижа и љубов. Луѓето ќе почувствуваат потреба да имаат мачка кога тие чувства ги нема во нивниот живот или има недостаток од истите. Кучињата се поврзани со сончевата енергија. Луѓето кои би сакале да имаат куче често сакаат повеќе слобода, енергија и независност. Децата ќе почувствуваат потреба да имаат куче кога ќе им биде потребно повеќе дружење и внимание. Но, возрасните ќе почувствуваат потреба да имаат куче кога бараат свежи почетоци во животот.

Цел ден, неколку часа или повеќе: Колку долго вашата мачка може да ја оставите сама дома?

Ивана Ефремовски — Tue, 15 Feb 2022 19:48:28 +0000

Кога станува збор за разликата помеѓу мачките и кучињата, факт е дека мачките се понезависни животни. Има домашни мачки кои поголем дел од денот го поминуваат надвор, но на крајот секогаш се враќаат дома. Домашните мачки кои долго време се оставаат сами дома склони се кон чувство на анксиозност. Добрата вест е дека просечна возрасна мачка може да ја оставите сама дома додека сте на работа или завршувате некои обврски, од 8-10 часа дневно. Меѓутоа, кога станува збор за подолги отсуства, експертите велат дека мачките не треба да се оставаат сами повеќе од 24 до најмногу 48 часа. Кога станува збор за мачки стари 4 месеци, не треба да ги оставате сами подолго од 4 часа. По шест месеци можете да ги оставите сами подолго време од денот.

Ковид-19 вообичаена појава кај мачки и кучиња

Ивона Петрова — Thu, 01 Jul 2021 11:08:56 +0000

Нови истражувања во Холандија покажаа дека Ковид-19 е чест и вообичаен кај мачки и кучиња чии сопственици биле заразени со вирусот. – Ако имате Ковид, треба да избегнувате контакт со мачка или куче, исто како и со луѓето. Главната грижа не е здравјето на животните, туку потенцијалната опасност тие да бидат само носители, па вирусот повторно да дојде кај човек, истакна Елс Броенс од Универзитетот на Утрехт. Земени се брисеви од 310 миленичиња во 196 домаќинства каде што барем еден човек фатил коронавирус. Шест мачки и седум кучиња биле позитивни на ПЦР-тестот, а 54 животни биле позитивни на вирусни антитела. Повеќето заразени миленичиња имаат тенденција да не покажат симптоми или пак, имале поблаги симптоми на Ковид-19. Авторите на испитувањата сметаат дека досега нема докази за пренесување на болеста од домашно милениче на неговиот сопственик, но тоа е тешко да се утврди додека вирусот се уште лесно се шири меѓу луѓето. Резултатите беа презентирани на Европскиот конгрес за клиничка микробиологија и инфективни болести. Сите ПЦР-позитивни животни ја совладале заразата и развиле антитела. Истражувачите велат дека најверојатниот начин на пренесување на вирусот е од човек на животно, а не обратно.

Што значи да сонуваш мачка? Запомнете добро како се однесувa, oд тоа зависи што ве чека во иднина

Магдалена Андонова — Mon, 03 May 2021 19:00:23 +0000

Соништата за мачки се меѓу 20-те најчести соништа на човекот. Симпатични животни кои сакаат да ги галат често се појавуваат во соништата на нивните сопственици. Но, ако немате мачка и сте ја сонувале, таа може да најавува настани во блиска иднина. Ако сонувавте дека сте виделе непозната мачка како ве милува, тоа е знак дека ќе потрошите повеќе пари отколку што сте навикнале. Едноставно, ќе ве „повлече“ да го „грабате вашиот паричник“ почесто од вообичаеното и можно е да бидете разочарани што потрошивте пари за непотребни работи. Ако, пак, сте сонувале дека бркате мачка и сте се обиделе физички да се справите со неа, успешно ќе ги елиминирате непријателите од животот. Црната мачка во сон има многу позитивна симболика - каде и да одите и што и да правите, среќата ќе ве следи. Од друга страна, бела мачка во сон објавува дека сте опкружени со ласкави кои се обидуваат да извлечат некаква корист од вас. Бидете претпазливи, особено ако мачката во сон е галеста и не можете да одолеете да ја погалите. Шарената мачка најавува среќни настани во блиска иднина. Ако сонувавте дека сте чуле како мјаука мачка, но не сте ја виделе, тоа подразбира дека во блиска иднина ќе имате конфликт со лицето кое ве озборува. Вие нема да знаете како да се справите со тоа, ниту ќе можете да ги запрете гласините што се шират за вас. Мачка со мачиња што се појавува во сон најавува непријатни настани. Обрнете посебно внимание на луѓето од семејството, тие ќе работат „зад грб“. Ако сонувавте дека мачката ве изгреба, бидете подготвени за непријатно изненадување, од личноста што најмалку ја очекувате. Сон во кој викате мачка и избегнува да се појави, најавува дека ќе мора да работите многу повеќе отколку што планиравте. Ако сонувате дека сте изгубиле мачка што е ваше милениче, размислете колку давате на другите и колку време посветувате на себе. Можно е да се ставите себеси и вашите потреби во втор план поради луѓето за кои се грижите. Конечно, ако сонувавте да посвоите напуштено маче, во блиска иднина ве очекуваат многу пријатни настани. Може да се надевате на нова работа, нова љубов, потег или заздравување на личност која ви значи многу.

Коронавирусот и животни: Научниците имаат сè поголем доказ дека луѓето можат да заразат мачки

Магдалена Андонова — Thu, 29 Apr 2021 14:27:46 +0000

Шкотските научници утврдиле дека сопствениците може да го пренесат Ковид-19 на мачките кои живеат со нив. Истражувачите од Универзитетот во Глазгов велат дека мачките го добиле вирусот од сопственикот. Ова се мачки од различни видови, кои живееле во одделни домаќинства. Едниот имал поблаги симптоми, а другиот морал да се заспие. Научниците сега сакаат да откријат дали домашните миленици можат да бидат заразени од луѓе. Случаите биле откриени за време на тријажата на населението мачки во Велика Британија. Истражувачите веруваат дека и двете мачки биле заразени од нивните сопственици, кои имале симптоми на Ковид-19 пред мачките да се разболат. Студија објавена во Ветеринарниот запис вели дека тие во моментов немаат докази дека вирусот се пренесува од мачки и други домашни животни на луѓе и обратно. Но, научниците велат дека домашните животни потенцијално можат да дејствуваат како „вирусни резервоари“ што овозможуваат континуирано пренесување, истакнувајќи дека е важно да се утврди дали домашните миленици можат да заразат луѓе.

НАЈНОВО ИСТРАЖУВАЊЕ: Мачките ја намалуваат анксиозноста кај децата со аутизам

Магдалена Андонова — Mon, 26 Apr 2021 10:06:28 +0000

Познато е дека домашните миленици придонесуваат за подобро расположение на нивните сопственици… Ново истражување на Истражувачкиот центар за интеракција меѓу луѓето и животните при Колеџот за ветеринарна медицина во Мисури (САД), посочува дека вдомувањето и одгледувањето мачки може да ја намали анксиозноста и да ја подобри емпатијата кај децата со нарушување од аутистичниот спектар на болести АСД. Трудот објавен во американскиот „Журнал“ за педијатриска нега посочува дека децата со аутизам доживеале значително зголемување на социјалните вештини по спријателувањето со мачки. Тоа значи – опаѓање на проблематичното однесување, како што се агресивност, хиперактивност и невнимание, односно помала вознемиреност. Д-р Гречен Карлајл, научник од Истражувачкиот центар, ги анализирала податоците на над 700 семејства кои поседувале мачка како домашно милениче. Таа открила дека, и покрај одговорноста за миленичето, и децата со аутизам и нивните родители пројавиле позитивни резултати и промени во однесувањето. – Некои од најголемите предизвици со кои се соочуваат децата со аутизам вклучуваат вознемиреност и тешкотии во комуникацијата. А, миленичињата можат да помогнат во зголемувањето на социјалната интеракција и да ја намалат анксиозноста, па така – тие не се само корисни во обезбедувањето спокој и поддршка на децата со аутизам, туку и за нивните родители, објаснува д-р Карлајл. Истражувачите се надеваат дека резултатите од ова истражување ќе поттикнат поголем број семејства да размислат за вдомување мачки. (МИА)

Ако дома чувате мачка, овие работи мора да ги знаете: Миризби кои ги плашат вашите миленичиња

Ивана Ефремовски — Sun, 31 Jan 2021 15:20:21 +0000

Познато е дека мачките имаат многу повеќе рецептори во нивниот нос од луѓето и се почувстители на мириси. Никој не сретнал мачка да бега од мирисот на валеријана или пржена риба, но има мириси кои ги плашат мачките и потоа животинчето долго време ќе го избегнува местото каде што го сретнало тој мирис. Лакови, бои, белило, оцет Мачката има многу „посебно подрачје“ во носот што ги поврзува мирисните рецептори со рецепторите за храна. Така, нејзиниот чувствителен нос и остар ум, бидејќи немал контакт со некои хемикалии, со ужас ќе реагира на ацетон, оцет… Зачини Правот од кој било зачин веднаш влегува во устата… На мачките, ниту сувиот ѓумбир, ни црниот бибер, ниту пак, природната ванила не им се пријатни. Мирис на чад Мачката го перцепира чадот многу негативно – намалувањето на нејзината видливост укажува на опасност. На генетско ниво, овие животни се плашат од каков било чад, особено предизвикан од лошите навики на сопствениците. Со секој нов „случај на опасност“, информациите се втиснуваат во гените на мачката. Кисели овошја Лимонот е вашиот најмоќен сојузник во борбата за заштита на вашиот кревет. Ако сопственикот забележи дека мачката го претвора тапацирот на неговиот омилен стол во острилка за нокти, сè што му треба е кора од свеж лимон. Триење на тапацирот со лимон нема да му наштети на мебелот, но мачето ќе бега од смрдливото место на неколку метри. И тука, гените се виновни – мирисните рецептори на „домашните тигри“ не прават разлика меѓу мирисот на лимон, грејпфрут или портокал.