мадагаскар – Kurir.mk

ВИДЕО: Најмалку 12 загинати и 80 повредени во стампедо во Мадагаскар

Ивона Петрова — Fri, 25 Aug 2023 19:21:59 +0000

Најмалку дванаесет лица загинаа, а 80 се повредени денеска во Мадагаскар во стампедо пред влезот на стадионот „Бареа“ во главниот град Антананариво. На стадионот дојдоа околу 50.000 луѓе за да го гледаат свеченото отворање на 11. Игри на островот во Индискиот Океан.

#Breaking | At least 12 people die in a stampede at a stadium in Antananarivo, capital of Madagascar - Prime Minister Christian Ntsay Follow @aliifil1 for More UPDATES pic.twitter.com/AZDRDvRHI4
— Breaking news 24/7 (@aliifil1) August 25, 2023

Засега не е познато што го предизвикало стампедото. Претседателот на Мадагаскар, Андри Рајоелина, кој беше на спортскиот настан, повика на едноминутно молчење за жртвите во несреќата. Спасувачките екипи и полицијата се на местото каде се случи стампедото. Игрите на островот во Индискиот Океан се мултидисциплинарно натпреварување, кое годинава се организира во Мадагаскар и ќе трае до 3 септември. Игрите се одржуваат секоја четврта година на островите во југозападниот дел на Индискиот Океан околу 40 години. Последен пат домаќин беше Маурициус.

ЦДЦ со предупредување: Избегнете патување на овој остров со „многу висок“ ризик во Индискиот Океан

Магдалена Андонова — Tue, 22 Mar 2022 11:42:22 +0000

Aмериканскиот Центар за контрола и превенција на болести во понеделникот додаде уште една дестинација во категоријата високо ризични места за патување - и повторно е место коа се наоѓа на Индискиот океан. На нивото 4 се искачи Мадагаскар. Југоисточниот дел на Африка е познат по уникатниот див свет, вклучувајќи лемури и поради тоа што е четврти по големина остров во свет. Минатата недела, многу помалата островска држава Маурициус во Индискиот Океан беше единствената дестинација додадена на Ниво 4. Таа остана на ниво 4 и оваа недела. ЦДЦ поставува дестинација на ризик „Ниво 4: Ковид-19 многу висок ризик“ кога се регистрирани повеќе од 500 случаи на 100.000 жители во изминатите 28 дена. Мадагаскар престојуваше на „Ниво 3: Висок ковид-19 ризик“ минатата недела. Повеќе од 120 дестинации во светот моментално се наоѓаат на Ниво 4. Како што бројот на места со „многу голем ризик“ опаѓа откако достигна околу 140 во Февруари, се уште постојат места на Ниво 4 повеќе отколку во другите категории. Да резимираме - новот дополнување на Ниво 4 на 21 март е Мадагаскар. Советите на ЦДЦ се да се избегнуваат патувања на државите кои се наоѓаат на Ниво 4. Праговите за ЦДЦ за известувања за здравствени патувања се засноваат првенствено на бројот на случаи на Ковид-19 во дестинација. ЦДЦ не ги вклучува Соединетите Држави во својата листа на совети, но тие беа шифрирани во боја на Ниво 4 на 21 март на картата на агенцијата за нивоа на ризик од патување. Туристичките фаворити заглавени на Ниво 4 се Аруба, Бразил, Канада, Египет, Франција, Грција, Перу и Шпанија. Обединетото Кралство е таму од јули 2021 година. Можете да ги видите нивоата на ризик на ЦДЦ за која било глобална дестинација на страницата со препораки за патување. Во поширокото патничко упатство, ЦДЦ препорача да се избегнуваат сите меѓународни патувања додека не бидете целосно вакцинирани.

ВИДЕО: Апокалиптични сцени во Мадагаскар по силното невреме

Ивона Петрова — Mon, 07 Feb 2022 07:20:48 +0000

Најмалку 10 луѓе загинаа на југоистокот од Мадагаскар во ново тропско невреме кое доведе до поплави, уништени домови и остави голем број жители без струја. Во еден од најтешко погодените градови уништени се речиси 95 проценти од зградите. Жителите велат дека глетката е како да се бомбардирани. Циклонот Батсираи го погоди копното во саботата навечер со силен дожд и ветер со брзина од 165 километри на час. Се проценува дека поради невремето можат да бидат раселени до 150.000 луѓе.

La région de Mananjary, à l'Ouest de Madagascar, dévastée après le passage du cyclone Batsirai pic.twitter.com/oXscFL2plu
— BFMTV (@BFMTV) February 6, 2022

Во близина на Мадагаскар потона товарен брод со илегални мигранти

Тале Кристо — Mon, 20 Dec 2021 20:05:04 +0000

Товарен брод со 130 илегални патници потона крај североисточниот брег на Мадагаскар, при што загинаа 17 лица, а 68 се водат како исчезнати, соопштија денеска локалните власти. Бродот „Франциа“ рано утринава го напуштил пристаништето во градот Антанамбе во источната област Мананара Север, а најмалку 45 луѓе биле спасени од Индискиот Океан, се вели во соопштението на Агенцијата за поморска и речна навигација. Бродот е регистриран како товарен брод, не за превоз на патници, а Антанамбе не е официјално пристаниште, изјави Жан Едмонд Рандријантенен, генерален директор на Агенцијата за поморска и речна навигација и оцени дека бродот очигледно потонал поради дупка во трупот низ кој влегувала вода. ј

Мадагаскар е на работ на глад предизвикан од климатските промени

Тале Кристо — Wed, 25 Aug 2021 18:06:32 +0000

Според Обединетите нации, Мадагаскар е на работ да го доживее првиот „глад во светот поради климатските промени“. ОН посочува дека десетици илјади луѓе веќе страдаат од „катастрофално“ ниво на глад и неизвесност за храна по четири години без дожд. Сушата, најлоша во последните четири децении, ги опустоши изолираните земјоделски заедници на југот на земјата, оставајќи ги семејствата да се хранат со инсекти за да преживеат. – Ова се услови слични на глад и се предизвикани од климата, а не од конфликти, рече Шели Такрал од Светската програма за храна при ОН. ОН проценуваат дека 30.000 луѓе во моментов го доживуваат највисокото меѓународно признато ниво на неизвесност за храна – петто ниво – и постои загриженост дека бројот на погодени би можел нагло да се зголеми кога Мадагаскар ќе влезе во својата традиционална „слаба сезона“ пред жетвата. – Ова е случај без преседан. Овие луѓе не направија ништо за да придонесат за климатските промени. Тие не согоруваат фосилни горива, а сепак го носат товарот од климатските промени, рече Такрал.

На оваа земја му се заканува глад, ситуацијата алармантна

Тале Кристо — Sat, 26 Jun 2021 10:12:26 +0000

Светската програма за храна на ОН предупреди денеска дека на југот на Мадагаскар порасди сушата му се заканува голем глад поради кој може да умрат 400.000 луѓе. Лога Кастро, регионален директор на програмата за Јужна Африка, рече дека за време на нејзината неодамнешна посета на Мадагаскар, таа имала можност да види дека ситуацијата во таа островска земја е „многу драматична и тешка“. Стотици возрасни и деца се „исцрпени“, додаде таа. Таа рече дека за 28 години работа во Светската програма за храна на четири континенти, никогаш не видела „нешто толку полошо“, освен во 1998 година во Јужен Судан. Илјадници луѓе од руралните области отидоа во урбаните области во потрага по храна. Владата на Мадагаскар и ОН бараат 155 милиони долари за да се обезбеди многу потребна храна и да се спречи поголем глад, рече Кастро. Директорот на Светската програма за храна, Дејвид Бисли, на Твитер објави дека постои опасност 400.000 луѓе да умрат од глад, и дека 14.000 луѓе живеат во услови на глад, и дека за неколку месеци бројот на оние на кои им се заканува гладување може да достигне половина милион. Според него, цели семејства преживуваат јадејќи сурови плодови од црвен кактус и лисје и скакулци. „Не е заради војна или конфликт, туку заради климатските промени. Овој дел од светот не придонесе ништо за климатските промени, но сега најмногу страда”, предупреди Бисли. Според Програмата, 1,14 милиони луѓе во јужниот дел на Мадагаскар немаат доволно храна, вклучително и 14.000 живеат во „катастрофални“ услови, а нивниот број ќе се удвои до октомври.

Двајца пратеници на Мадагаскар починаа од последици од Ковид-19, а 25 се заразени

Магдалена Андонова — Mon, 13 Jul 2020 16:31:15 +0000

Двајца пратеници во Мадагаскар починаа од последици од новиот коронавирус, а најмалку 25 членови на Парламентот се инфицирани од почетокот на епидемијата во март, изјави денеска мадагаскарскиот претседател Андри Раџеолина. Тој не прецизираше кога починале пратениците, ниту пак ги именуваше. – Почина еден пратеник. Почина еден сенатор. По тестирањето е утврдено дека се заразени 11 пратеници и 14 сенатори, наведе Раџеолина. Тој додаде дека иако бил во контакт со заболени лица оти не е инфициран со Ковид-19. Раџеолина истакна дека тој и неговото семејство пијат „Ковид органик“, растителен тоник, што беше промовиран во април на Мадагаскар, за кој се тврди дека е лек против новиот коронавирус, иако Светска здравствена организација предупреди дека не е докажана ефикасноста на пијалакот. (МИА)

СЗО: Клинички да се испита хербалната напивка „Ковид-органикс“ од Мадагаскар

Ивона Петрова — Fri, 08 May 2020 06:28:40 +0000

Светската здравствена организација ги советува владите клинички да ја тестираат хербалната напивка промовирана од претседателот на Мадагаскар, Андри Раџоелина, како лек против новиот коронавирус, објави „Гардијан“. „Ковид-органикс“ потекнува од артемисија – растение со докажани антималарични својства – и други автохтони билки. Раџоелина се надева дека ќе го дистрибуира напитокот низ Западна Африка и пошироко, и тврди дека лекува пациенти со Ковид-19 во рок од 10 дена. Екваторијална Гвинеја, Гвинеја Бисау и Нигер веќе добија пратки од тој хербален лек, а за тоа се заинтересирани и други земји, како Танзанија чиј претседател испрати авион да биде донесен лекот во неговата држава. Светската здравствена организација (СЗО) постојано предупредува дека нема објавени научни студии за тој хербален лек и дека неговите ефекти не се тестирани. „Препорачуваме претпазливост и ги советуваме земјите да не усвојуваат производ што не е тестиран за неговата ефикасност“, рече директорот на СЗО за Африка, Матшидисо Моет и го повика Мадагаскар клинички да го тестира пијалокот. Во Мадагаскар ниту еден човек не го загуби животот од Ковид-19. Претседателот на Мадагаскар смета дека пијалокот направен на островот ќе го „промени текот на историјата“, и што е најважно, ќе се дистрибуира бесплатно на сиромашните и децата. На другите граѓани ќе им се наплатува 30 центи за помало пластично шише или 80 центи за литар, пренесува Африкањуз. Лекот го направи приватниот Институт за применето истражување, кој истражува повеќе од 30 години употреба на традиционални лекови во Мадагаскар. Мадагаскар, островска држава во Индискиот Океан, има 26 милиони луѓе, и пред една недела имаше 128 случаи на Ковид-19, додека денеска – 151. Оздравеле 101 лице.

Најмалку девет жртви и тројца исчезнати во циклонот Белна на Мадагаскар

Ивана Ефремовски — Tue, 10 Dec 2019 10:34:17 +0000

Најмалку девет лица загинаа, а тројца се водат како исчезнати откако циклонот Белна го погоди северозападен Мадагаскар, информира денеска претставник на локалните власти. Елак Андријанкаја, шеф на агенцијата за катастрофи на островот, за ДПА изјави дека деветмината кои биле убиени во градот Соалала биле „заробени од надојдена вода“. Циклонот уништи владините згради, патишта и домови. Ветерот синоќа достигна брзина од 130 километри на час. Локалниот весник Миди-Мадагаскар ја цитира пратеничката на Солала, Наина Рандријамиса која рекла дека „80 проценти од покривите се уништени и нивото на водата продолжува да расте“ во повеќето населби. Допрва ќе се врши проценка на штетата. (МИА)

Претседателски избори на Мадагаскар

Дарко Андоновски — Wed, 07 Nov 2018 12:48:28 +0000

Речиси 10 милиони луѓе со право на глас денеска гласаат за нов претседател на Мадагаскар. На изборите учествуваат 36 кандидати, кои ветуваат унапредување на економијата и создавање на нови работни места. Победникот мора да освои повеќе од 50 проценти од гласовите, а со оглед на бројот на кандидатите најверојатно ќе има и втор круг, што би се одржал на 19 декември. Прелиминарните резултати од се очекуваат на 14 ноември, а конечните на 28 ноември.