мадрид – Kurir.mk

Ппоради скапите станови во оваа европска метропола, разведените се почесто продолжуваат да живеат заедно

Тале Кристо — Sun, 12 Mar 2023 14:26:10 +0000

Становите во Мадрид се се поскапи и се помалку луѓе можат да си дозволат да живеат сами, па поради таа причина голем дел од оние кои се разведуваат се принудени да живеат заедно. Мадридскиот весник „Ел Паис“ пишува дека неможноста сами да ја платат наемнината принудува многу луѓе да продолжат да живеат со своите поранешни партнери. Адвокатот Алберто Гарсија Себријан наведува дека 30 отсто од двојките кои одлучуваат да се разведат не го завршуваат разводот бидејќи не можат да си ги дозволат трошоците за одвоен живот и додава дека претходно тоа било случај со само 10 отсто од тие лица. Тоа е една од причините зошто во третиот квартал од 2022 година имало за 3,1 отсто помалку барања за развод отколку во истиот период од 2021 година, наведува весникот.

Амбасадата на Украина во Мадрид примила „крвав пакет“, полицијата ја огради областа

Дарко Андоновски — Fri, 02 Dec 2022 15:30:56 +0000

Шпанската полиција ја огради областа околу украинската Амбасада во Мадрид откако примила нов „крвав пакет“, сличен на тие кои им беа испратени на други амбасади, соопшти денеска украинското Министерство за надворешни работи. Ова се случило откако пред неколку дена серија од шест писма-бомби беа упатени до официјални претставници и институции во Шпанија, влучувајќи ја и Американската амбасада, канцеларијата на шпанскиот премиер Педро Санчез, Минстерството за одбрана, производителите на оружје, воздушната база и европскиот сателитски центар. Министерство за надворешни работи на Украина соопшти денеска дека нивни амбасади во неколку земји примиле пакети во кои имало животински очи.

Македонскиот тенисер Калин Ивановски се пласираше во полуфиналето во Мадрид

Тале Кристо — Fri, 02 Dec 2022 13:41:24 +0000

Македонски тенисер, Калин Ивановски го совлада Мексиканецот Рубио Фиерос и се пласираше во полуфиналето на фјучрсот во Мадрид. Имено, Ивановски во два сета и со само пет загубени гејма го победи противникот Фиерос, односно со 6-4 и 6-1 во сетови. Во полуфиналето Ивановски ќе игра против Сидан Понтјодикромо од Холандија.

Најверојатно писмо бомба испратено и во Амбасадата на САД во Мадрид

Дарко Андоновски — Thu, 01 Dec 2022 14:29:58 +0000

На социјалните мрежи се појави снимка на која се гледа како шпанската полиција е распоредена пред Амбасадата на САД во Мадрид. Се претпоставува дека се работи за уште едно писмо бомба. Претходно, шпанскиот весник „Ел Паис“ објави дека шпанската полиција пресретнала коверт со пиротехнички материјал адресиран до премиерот Педро Санчез во палатата Монклоа во Мадрид. Шпанското Министерство за внатрешни работи соопшти дека станува збор за коверт сличен на оние што вчера и денеска беа откриени во Министерството за одбрана, украинската Амбасада, Сарагоса и воздухопловната база Торехон. Писмо-бомба пристигнала во воздухопловната база Торехон рано утринава и истрагата е во тек. Експлозивна направа во Сарагоса била откриена синоќа во фабрика за оружје која произведува фрлачи на гранати што Шпанија ги испратила во Украина. Полицијата извршила контролирана експлозија на пакетот.

Писмо-бомба експлодира во украинската Амбасада во Мадрид, повреден е вработен

Дарко Андоновски — Wed, 30 Nov 2022 14:44:58 +0000

Во експлозија на писмо-бомба во украинската Амбасада во Мадрид е повреден еден вработен што го отворил писмото, соопшти денеска шпанската полиција. Припадник на персоналот на амбасадата се здобил со полесни повреди и е пренесен во болница, се наведува во полициското соопштение. Според извори на кои се повикува агенцијата Ефе, пликот бил адресиран до амбасадорот и не поминал низ скенерот, туку го отворил чувар во градината на амбасадата. Инцидентот го истражуваат форензичари и разузнавачките служби, се посочува во соопштението. Просторот околу амбасадата е ограден. Полицијата го активираше антитерористичкиот протокол и го опколи просторот каде што се наоѓа дипломатското претставништво. На местото на настанот, покрај другите полициски единици, излегле и војници од единицата Тедек, специјализирана за деактивирање на експлозиви. Од амбасадата засега не сакаат да го потврдат настанот, ниту да дадат изјави. Шефот на украинската допломатија Дмитро Кулеба побара од сите амбасади на неговата земја да преземат екстремни мерки за безбедност по експлозијата во Мадрид.

Македонскиот тенисер Калин Ивановски се пласираше во четвртфиналето на турнирот во Мадрид

Тале Кристо — Thu, 24 Nov 2022 14:46:16 +0000

Македонскиот тенисер, Калин Ивановски продолжува со одличните настапи, сега реди победи на турнирот во Мадрид, откако во осминафиналето го совлада шпанскиот тенисер Молино. Ивановски за еден час и десет минути со 2-0 во сетови го победи шпанскиот тенисер Молино и се пласираше во четвртфиналето на турнирот во Мадрид. Ивановски релативно лесно го совлада противникот, првиот сет го доби со 6-4, а во вториот беше подобар со 6-2. Македонецот денеска има уште една задача во Мадрид, од 12 часот настапува и на турнирот во двојки, ќе се бори за пласман во полуфинале.

Во Мадрид околу 200.000 луѓе против реформата на здравствениот систем

Тале Кристо — Sun, 13 Nov 2022 16:12:17 +0000

Најмалку околу 200.000 луѓе се собраа денеска во Мадрид против реформата на јавниот здравствен систем во регионот на главниот град на Шпанија. Демонстрантите дојдоа на собирот под слоганот „Мадрид се собира за да го поддржи системот за јавно здравје, против планот за негово уништување“. На четири места во Мадрид се собраа голем број луѓе и сите тргнаа одвоено кон зградата на градското собрание. Регионалните власти проценија дека се собрале најмалку околу 200.000 луѓе.

Каталонија сака нов референдум, но со согласност на Мадрид

Тале Кристо — Tue, 27 Sep 2022 20:30:54 +0000

Каталонија ќе иницира нов договор со шпанската влада за одржување правно обврзувачки референдум за потенцијална независност на регионот што би бил признаен и од Шпанија и од меѓународната заедница, изјави денеска каталонскиот лидер Пере Арагонес. Шефот на каталонската влада во регионалниот парламент изјави дека на Каталонија и е потребна согласност од Мадрид за уште еден референдум. – Не се сомневам дека тоа е најбрзиот и најефикасен начин да се одржи уште едно гласање, имајќи ги предвид лекциите од 2017 година и тешкотиите што не ни дозволија да го спроведеме резултатот од пред пет години, посочи тој. Арагонес го нарече неговиот предлог „најинклузивен, најдемократски и најобјаснив за меѓународната заедница“ и рече дека ќе побара поддршка од сите политички актери во Каталонија. Шпанската влада го отфрли предлогот. – Тие ги имаат тие максималистички аспирации, кои владата апсолутно не ги дели, рече владината портпаролка Изабел Родригез, додавајќи дека двете страни продолжиле да разговараат за нормализација на нивните односи.

НАТО: Зајакнувањето на силите во Источна Европа клучен приоритет на самитот во Мадрид

Ивона Петрова — Wed, 29 Jun 2022 10:51:38 +0000

Лидерите на НАТО денеска изјавија дека зајакнувањето на силите на Алијансата во Источна Европа како заштита од Русија претставува клучен приоритет на самитот во Мадрид. Пристигнувајќи на разговорите во конгресниот центар во Мадрид, британскиот премиер рече дека НАТО треба „да ги научи лекциите од изминатите три месеци и да ја види потребата од ревидирање на позицијата на источното крило“. Полскиот претседател Анджеј Дуда рече дека посветеноста на НАТО во голема мерка да ги зголеми силите за брза реакција за членките најблиску до Русија ќе ја направи Европа „побезбедна“. „Русија е закана за Европа и не само за Европа, туку и за целото НАТО“, рече Дуда. НАТО најави дека ќе ги зголеми своите сили за брза реакција од 40.000 на 300.000 војници на источното крило, кое ги вклучува границите на Полска со Украина и Белорусија, сојузникот на Русија. Денешната работна сесија на самитот ќе се фокусира на тоа како НАТО може да обезбеди поголема поддршка на Украина. Германскиот канцелар Олаф Шолц изјави дека членките на Алијансата и другите ќе продолжат да ја поддржуваат Украина и нејзината способност да се брани од Русија „се додека тоа е неопходно“. Во изјавата на почетокот на работниот дел од самитот на НАТО во Мадрид, тој рече дека Алијансата и „многу, многу други земји“ се согласиле дека Русија го нарушила територијалниот интегритет и суверенитет на Украина кога нападна на 24 февруари. „Затоа е правилно што земјите собрани овде, и многу други, придонесуваат со финансиски средства, хуманитарна помош, но и со обезбедување оружје што и е потребно на Украина за да се брани, рече Шолц. „Ќе прецизираме колку долго и интензивно е потребно за Украина да може да се одбрани“, додаде тој. Собирот, на кој учествуваат повеќе од 40 светски лидери, почна синоќа во Мадрид и трае до утре.

Руска салата на менито на НАТО самитот во Мадрид

Ивона Петрова — Wed, 29 Jun 2022 09:07:27 +0000

Додека го чекаа доаѓањето на американскиот претседател Џо Бајден и другите светски лидери во Мадрид вчера, официјалните лица и новинарите имаа можност да пробаат и руска салата во ресторанот задолжен за овогодишниот Самит на НАТО… Многумина беа изненадени и прилично збунети од понудата. – Руска салата на Самитот на НАТО? Малку сум изненаден од ваквиот избор на јадење!, изјави новинарот Инаки Лопез за шпански „Ла секста“. Мешавината од грашок, компири, моркови и мајонез била специјалитет на денот на шпанскиот ресторан близу барокната палата „Санта Круз“ во центарот на Мадрид, во пресрет на собирот на кој се очекува Русија да биде обележана како безбедносна закана во новиот стратешки концепт на Северноатлантската договорна алијанса, поради инвазијата врз Украина. Но, и покрај сѐ, руската салата наводно била распродадена за неколку часа. Сепак, „фората“ е во тоа што Хозе Андрес, познатиот шпански готвач кој е задолжен за менито, го преименуваше јадењето во – „украинска салата“, како и во неговите други ресторани ширум Шпанија.