мадс менса ларсен – Kurir.mk

Менса Ларсен доби негативен тест!

Бошко Тасиќ — Thu, 12 Jan 2023 07:02:52 +0000

Селекторот на ракометната репрезентација на Данска, Николај Јакобсен за првиот дуел на Светското првенство 2023 ќе може да смета на членот на Фленсбург, Мадс Менса Ларсен. Средниот бек, кој е еден од клучните играчи во данската репрезентација, на второто тестирање на Ковид 19 доби негативен тест. За потсетување, искусниот ракометар пред неколку дена беше позитивен на првото тестирање на Ковид 19. Репрезентацијата на Данска првиот натпревар на Светското првенство го игра на 13. јануари против репрезентацијата на Белгија. Актуелниот светски шампион ќе игра и со репрезентациите на Бахреин и Тунис во рамки од групата Х.

Ларсен до 2026 година во Фленсбург

Бошко Тасиќ — Mon, 02 May 2022 20:44:02 +0000

Данскиот ракометен репрезентативец од редовите на Фленсбург, Мадс Менса Ларсен потпиша нов договор кој ќе има важност до 2026 година. Претходниот договор на Ларсен истекуваше во 2024 година, но клубот уште од сега сакаше да го обезбеди за долги стази. -Пресреќен сум што успеавме да се договориме да останам на подолго бреме во Фленсбург. На моето семејство му е убаво тука, а и јас сакам да играм за амбициозен клуб како што е Фленсбург, изјави Ларсен. Во редовите на Фленсбург, Ларсена настапува од 2020 година кога пристигна од Рајн Некар Левен.

Познатиот ракометар доби „ДА“: Соиграчот на Талески и Абутовиќ ја запроси девојката на натпревар (ВИДЕО)

Матеја Петровски — Mon, 27 Aug 2018 15:37:28 +0000

Мадс Менса Ларсен, данскиот репрезентативец и соиграч на македонскиот репрезентативец, Филип Талески и долгогодишниот ракометар на Вардар, Илија Абутовиќ, во Рајн Некар Ловен, во втор план ја остави победата на својот клуб во првиот меч од овогодинешната Бундеслига. Неговиот Рајн Некар победи во неделата 28:21 против Лемго, но тоа не беше ништо изненадувачки, а тоа што следеше потоа, секако беше. Во директен пренос на Скај Спор, Ларсен ги разнежни гледачите запросувајќи ја својата девојка Линда. Откако натпреварот заврши, тој го зема микрофонот и ја повика својата девојка да се симне на теренот. Клекна пред неа и го стави прстенот на нејзината рака, а тоа беше проследено со овации од 7.000 гледачи во САП Арената. Судејќи според прегратката која следеше, слободно може да кажеме дека таа кажа „ДА“. На Фејсбук страната на неговиот клуб објавени беа фотографии со зборовите „најважниот момент денеска“.