мафијаш – Kurir.mk

Почина шефот на италијанската мафија Месина Денаро

Тале Кристо — Mon, 25 Sep 2023 06:23:20 +0000

Најбараниот шеф на италијанската мафија, Матео Месина Денаро, кој беше уапсен во јануари по 30 години бегство, почина, пренесе ДПА повикувајќи се на италијанската новинска агенција АНСА. Денаро по обемно крварење во петокот падна во неповратна кома. Тој боледуваше од рак на дебелото црево и неговите лекари рекоа дека нема да закрепне. На негово барање, мерките за одржување во живот беа прекинати, соопштија лекарите од болницата во централниот италијански град Л’Аквила. На почетокот на август, 61-годишниот мафијаш беше подложен на операција на цревата во болницата Сан Салваторе во централниот италијански град Л’Аквила. Иако операцијата беше успешна, ракот на дебелото црево во поодмината фаза предизвика неповратно влошување на неговата здравствена состојба. Месина Денаро, осудениот шеф на сицилијанската мафија Коза Ностра, беше фатен од полицијата во јануари по три децении во бегство. Шефот на мафијата, кој долго време важеше за најбараниот бегалец во Италија, беше фатен од специјализирана полициска единица во клиниката за рак во Палермо, каде што се лекуваше под лажно име. Тој беше осуден во отсуство на доживотен затвор за неговата улога во серија сурови убиства и бомбашки напади со автомобили во Италија. Помеѓу другите злосторства, тој е обвинет и за бомбашките напади со автомобили во 1992 година, во кои меѓу другите беа убиени водечките обвинители против мафијата Џовани Фалконе и Паоло Борселино. Месина Денаро важеше за блиска доверлива личност на поранешните мафијашки криминални босови Бернардо Провенцано и Салваторе „Тото“ Риина.

ПО 30 ГОДИНИ БЕГСТВО: Уапсен најбараниот криминалец во Италија, падна шефот на Коза Ностра

Ивона Петрова — Mon, 16 Jan 2023 09:36:44 +0000

Италијанската полиција го уапси најбараниот мафијаш во земјата, Матео Месина Денаро, јавува италијанската агенција АНСА. Денаро се смета за шеф на сицијаланската Коза ностра и беше во бегство до 1993 година. Матео, чиј прекар е Дијаболик, бил уапсен во приватна клиника во Палермо. Полицијата долго време се обидуваше да го фати, а покрај тоа што беше најбараниот во Италија, тој беше и меѓу 10-те најбарани криминалци во светот. Денаро беше осуден во отсуство на доживотен затвор за неговата улога во убиствата на судиите Џовани Фалконе и Паоло Борселино во 1992 година. Тој, исто така, се соочува со доживотен затвор за неговата улога во бомбашките напади во Фиренца, Рим и Милано во кои загинаа 10 луѓе.

На албански мафијаш во затвор му испраќале психолози, од четири забременил две

Тале Кристо — Fri, 04 Feb 2022 08:08:17 +0000

Познатиот албански истражувачки новинар од светот на криминалот, Артан Хоџа при едно свое гостување на телевизиска емисија пред неколку дена откри дека познат криминалец во затвор забременил две жени психолози. Новинарот не го откри името на затвореникот, но откри дека познатиот мафјаш сменил четири психолози, и на крај две од нив останале бремени. -Еден од овие босови од светот на криминалот, отслужувал затворска казна и побарал жени психолози, затоа што наводно имал проблеми, бил болен, и се сеќаваме дека му сменија псиолози, од кои две остануваат бремени, открива Хоџа. Истражувањето не го продолживме бидејќи ќе избиеше скандал, му ги испраќале психолозите во затвор, тој ги корумпирал, ги врбувал, затоа што пари имал, се присеќава Хоџа.

ВМРО-ДПМНЕ: Шилегов е урбан мафијаш – дали фирмите кои му ја градат семејната дивоградба добивале тендери од Градот?

Тале Кристо — Tue, 14 Sep 2021 07:05:09 +0000

И во време на денови на жалост во Македонија, дивоградбата на Шилегов не мирува, туку забрзано се гради. Иако градоначалникот во заминување Шилегов најави одговори, тој сеуште молчи и не открива дали има дозвола за градење и која фирма ја гради неговата семејна зграда дивоградба, велат во партиското соопштение од ВМРО-ДПМНЕ. Со тоа уште повеќе се отвора сомнежот дека фирмите кои му ја градат семејната зграда дивоградба, се фирми кои добиваат тендери од град Скопје. Со други зборови молкот на Шилегов гласно говори дека можеби фирмите кои скапо ги плаѓа со народни пари, потоа за без пари му градат зграда. Инспекторите за урбанизам на Општина Карпош ги нема на терен да утврдат фактичка состојба, да видат дали има воопшто документи и право за надградба, дали има надминување на висината. Се е ставено во функција на урбаниот мафијаш Петре Шилегов. Граѓаните видоа дека кога тој гради ниту инспектори излегуваат,а документи се менуваат преку ноќ во сабота, се вели во соопштението на ВМРО-ДПМНЕ.

Бил мафијаш, но си го променил животот од корен: Сега никој не сака да го вработи, погледнете поради што

Ивана Ефремовски — Sun, 09 Jun 2019 20:32:41 +0000

Поранешен мафијаш успеал да си го промени животот, но вели дека тешко ќе најде работа поради големата тетоважа која го покрива неговото лице. Пук Кирека ослабел 30 килограми и почнал да игра рагби во надеж дека ќе го смени својот пат и ќе почне да живее поздраво. Таткото на три деца од Нов Зеланд се откажал од животот во банда во 2008 година, кога завршил во затвор. Тој открива дека првпат на суд бил кога имал 16 години, но во меѓувреме станал инспирација и на други криминалци кои сакаат да си го сменат животот. Кирека сега сака да отвори спортско–рекреативен курс со цел да стекне диплома и осигурување на работата во спортската индустрија. -Знам дека ќе биде тешко да добијам работа со мојата тетоважа. Секогаш ќе бидам мафијаш, но важно е да покажам дека можеме да имаме подобри животни стилови. Сакам и други да наведам на подобар начин на живот. Многу од нив сѐ уште пијат и пушат. Кога ќе се држат подалеку од неприлики, сѐ уште ги уништуваат својте животи со таков животен стил, вели тој.

Ликвидиран „Френки бој“, шефот од мафијашкото семејство Гамбино (ФОТО)

Дарко Андоновски — Thu, 14 Mar 2019 13:22:21 +0000

Шефот од мафијашкото семејство Гамбино, Франческо Кали (53), познат како „Френки бој“, убиен е пред својата куќа во Стејт Ајленд, соопшти полицијата. Во него биле истрелани најмалку шест куршуми, па после тоа напаѓачот го прегазил со автомобилот, пренесува Ројтерст. Семејството Гамбино е едно од петте главни италијанско-амерички мафијашки семејства во Њујорк.

NY mob hit: Gambino boss “Franky Boy”Cali was low key and old school, and taken out the old school gangland way-Staten Island hitman pulls up in a car and fires multiple shots. First big Mafia hit in decades. pic.twitter.com/LSbCbpS5Om
— ChuckGoudie (@ChuckGoudieABC7) March 14, 2019

Мотивот за убиството засега не е познат, а истрагата е во тек. Медиумите пренесуваат дека Франческо е изрешетен покрај неговиот автомобил околу 21.00 часот по локално време, а напаѓачот после ликвидацијата побегнал автомобил плава боја.

Еден од најпознатите мафијаши уапсен во Мексико

Ивана Ефремовски — Fri, 18 May 2018 06:34:32 +0000

Мексиканската полиција вчера го уапсила шефот на организираната криминална група “Ла Линеа“, соопшти началникот на Националната комисија за безбедност Ренато Салес Ередија. Карлос Артуро Кинтана, познат по прекарот „Ел Очента“ беше баран за криминални активности во северната држава Чивава, напиша на Твитер министерот за внатрешни работи Алфонсо Наварете. „Ла Линеа“ е вооружен клон на картелот „Хуарес“ кој води војна со картелот „Синалоа“ за контрола врз локалната трговија со дрога. Кинтана е и на потерница на ФБИ за трговија со дрога во САД.