Магнитогорск – Kurir.mk

Бројот на жртвите во Магнитогорск се зголеми на 38

Ивона Петрова — Thu, 03 Jan 2019 16:45:03 +0000

Бројот на загинати при уривањето на станбена зграда во рускиот град Магнитогорск во раните утрински часови во понеделникот, се искачи на 38, соопштија доцна попладнево спасувачките служби. Како што јави ДПА, според овие најнови податоци, по уривањето на дел од десеткатната зграда предизвикано од експлозија на системот за гас, сега како исчезнати се водат уште три лица. При експлозијата беа уништени или оштетени вкупно 48 станови во станбениот блок изграден во советскиот период. Рускиот истражен комитет соопшти дека како единствена причина за несреќата се истражува експлозија на гас во еден од становите, отфрлајќи ги гласините дека станува збор за можен терористички напад. Претходно денеска руските медиуми јавија дека еден од жителите на зградата доживеа, како што изјави, „новогодишно чудо“, откако неговиот 11-месечен син Иван Фокин беше пронајден жив под урнатините, 36 часа по инцидентот. Бебето е префрлено во московска болница со повреди на главата и со хипотермија, бидејќи под урнатините преживеало на температури под нулата. Руската министерка за здравство Вероника Скорцова изјави дека бебето е на интензивна нега и надвор од животна опасност. МИА

Бројот на жртвите во Магнитогорск се зголеми на 33

Ивана Ефремовски — Thu, 03 Jan 2019 07:29:14 +0000

Бројот на загинати при уривањето на станбен блок во рускиот град Магнитогорск се зголеми на 33, а осум лица и натаму се водат како исчезнати по експлозијата на системот за гас, што предизвика уривање на зградата на 31 декември, соопшти руското Министерство за вонредни ситуации. Експлозијата предизвика уривање и оштетување на 48 станови во станбениот блок. Рускиот истражен комитет смета дека причина за несреќата е експлозија на гас во едно домаќинство. Еден од жителите на зградата доживеа, како што изјави, „новогодишно чудо“, откако неговиот 11-месечен син Иван Фокин беше пронајден жив под урнатините, 36 часа по инцидентот. Бебето е префрлено во московската болница со повреди на главата и со хипотермија, бидејќи под урнатините поминало на температури под нулата. Руската министерка за здравство Вероника Скорцова изјави дека бебето е на интензивна нега и надвор од животна опасност. (МИА)

Уште три тела откриени под урнатините, се зголемува бројот на жртви во Магнитогорск

Ивона Петрова — Wed, 02 Jan 2019 11:13:55 +0000

Бројот на загинати при уривање на станбен блок во рускиот град Магнитогорск се искачи на 16, откако под урнатините беа откриени уште три тела, соопшти руското Министерство за вонредни ситуации. Повеќе од 20 луѓе се уште се водат како исчезнати по експлозијата на системот за гас, што предизвика уривање на зградата на 31 декември. Експлозијата предизвика уривање и оштетување на 48 станови во станбениот блок. МИА

Расте бројот на жртви по уривање на зграда во Русија

Ивона Петрова — Wed, 02 Jan 2019 08:12:41 +0000

Бројот на загинати по уривање на зграда во рускиот град Магнитогорск се искачи на 13 лица, соопшти регионалната служба за медиуми на руското министерството за вонредни ситуации, пренесува Танјуг. -Потврдуваме дека со моментов има 13 жртви, се вели во соопштението. Дел од станбена десеткатница се сруши на 31 декември, евакуирани се десетици лица, а по околу 30 се уште е трага. Рускиот Истражен комитет верува дека главната причина за рушењето е експлозија на гас во еден од становите. Еден од жителите како што пренесуваат светските медиуми доживеал „новогодишно чудо“ откако неговиот 11 месечен син Иван е пронајден жив под урнатините, 36 часа по рушењето на зградата. Бебето има повреди на главата и скршеници, како и хипотермија, по што било хоспитализирано во болницата во Москва. Таткото на Иван бил на работа кога неговата сопруга му се јавила и му рекла дека зградата се срушила. Таа успеала да се спаси заедно со тригодишниот син. Бебето Иван било пронајдено кога еден од спасувачите слушнал плач.