Борачот Нуров обезбеди полуфинале на Медитеранските игри

Ивана Ефремовски — Mon, 27 Jun 2022 14:24:49 +0000

Македонскиот претставник Магомедгаджи Нуров се пласираше во полуфиналето на турнирот во борење слободен стил на Медитеранските игри, а противник за пласман во финалето вечерва ќе му биде Мостафа Елдерс од Египет. Нуров обезбеди полуфинале со три убедливи победи со технички туш против противници од Тунис, Алжир и Шпанија. Своите настапи на Медитеранските игри во алжирскиот град Оран ги завршија македонските каратисти Петар Заборски, Симона Заборска и Петар Спасеновски, откако сите тројца претрпеа порази во првото коло од Енес Гарибовиќ од Хрватска, Тамара Живковиќ од Србија и Мароканецот Набил Еч-Чаби. Владимир Егоров и Фати Вејсели, исто така, во првото коло ги загубија своите натпревари во борење слободен стил. (МИА)

Борачот Нуров утре го заокружува настапот на македонските олимпијци во Токио

Дарко Андоновски — Thu, 05 Aug 2021 19:56:35 +0000

Македонскиот олимписки состав утре рано наутро ќе го има својот последен претставник на Игрите во Токио во борачот Магомедгаџи Нуров, кој ќе настапи во категоријата 97 килограми слободен стил. Нуров допатува во Токио со обезбедена олимписка норма, а негов прв противник во квалификациите ќе биде Тунижанецот Мохамед Садуи. Доколку го совлада Садуи, македонскиот борач во четвртфиналето ќе се бори со победникот од дуелот меѓу Александар Хуштин од Белорусија и Кубанецот Раинерис Перез Салас, а во полуфиналето потенцијален противник може да му биде „рускиот тенк“ и најголем фаворит за златниот медал Абдулрашид Садулаев, кој ќе се бори со Шариф Шарифов од Азербејџан. Првата борба на Нуров е закажана за утре наутро со почеток во 4:30 часот.

магомедгаџи нуров – Kurir.mk

Борачот Нуров обезбеди полуфинале на Медитеранските игри

Борачот Нуров утре го заокружува настапот на македонските олимпијци во Токио