маица – Kurir.mk

Одличен начин да се справите со купот алишта: Како да здиплите маица за помалку од 3 секунди? (ВИДЕО)

Ристе Здравков — Thu, 15 Sep 2022 15:41:12 +0000

Одличен трик за брзо справување со купот измиени маици Кога немате време, а ве чека куп алишта, логично е прво да се фатите за глава. Ако имате големо семејство, замислете само колку маици може да се соберат за кратко време. Но, постои и решение. Корисничката на Тик Ток, Шантел Мила често објавува видеа со трикови за домаќинството, а овој пат покажа како се дипли кошула за помалку од 3 секунди. Клучот е да ги лоцирате трите клучни точки на кошулата, а, б и в, и тука прво ја фаќате кошулата, а потоа ја преклопувате. Видеото може да го погледнете ТУКА. Со малку вежбање, ќе станете мајстор на оваа техника, а вашето купче на алишта многу побрзо ќе се намали.

Зошто се кине кошулата на новопечениот татко? Никогаш не би погодиле какво значење има овој обичај

Магдалена Андонова — Fri, 28 Jan 2022 19:00:49 +0000

Сигурно неколку пати сте присуствувале на овој народен обичај при раѓањето на дете - кинење на кошулата на таткото кога ќе се роди детето. Има различни мислења, а ова се дел од толкувањата. Една од најприфатените теории е дека со текот на времето секоја маица или кошула се истенчува и кине. Затоа, со кинење на старата маица или кошула, новиот татко е принуден да купи нова, бидејќи секоја нова кошула претставува нова сила, па кога ќе се роди дете, соседите, роднините, кумовите и пријателите брзаат да ја искинат таа маица или кошула на новиот татко со зборовите: „Да го искинеме ова, смени уште многу, ти и твоето дете да имате сила и нови умови, додека сте живи и здрави.“ Она што го знаеме е дека овој обичај потекнува од античкото минато, кога децата не се раѓале во породилиштата, туку дома, во полињата, во шумата и на други места. Кога немаше, како денес, секаква опрема за бебиња, новороденчето при раѓањето морало да биде завиткано во парче ткаенина за да се заштити од студот. Во случај да не била подготвена крпата за виткање, машката кошула била најпогодна за таа намена. Се избегнувала женска облека за повивање, бидејќи жените се сметале за нечисти 40 дена по породувањето. Затоа и се кине машката кошула, за да се завитка новороденчето. Постои верување дека кинењето треба да покаже дека енергетската аура на таткото, облеката што ја носел досега, веќе не е соодветна покривка, т.е. дека само раѓањето на детето мора да доведе до негова психолошка промена. Како што змијата ја менува старата кожа за нова, така и мажите мора да бидат подготвени за промена и за нова улога - улога на татко. Исто така, постои верување дека само мажите треба да ги кинат машките кошули и маици, бидејќи на тој начин си носат среќа еден на друг и можност наскоро да станат татковци на здрави деца. Се верува дека ако земат парче кошула од новиот татко, ќе добијат дете од ист пол. Што и да е вистина, овој обичај навестува радост и среќа поради раѓањето на нов живот.

Не можете да ручате без да ја извалкате маицата? Еве што говори тоа за вашата интелигенција

Ристе Здравков — Wed, 06 Oct 2021 07:01:46 +0000

Неверојатно, но интелигенцијата е поврзана со бројни секојдневни активности… Ако мислите дека сте крајно несмасни со храната, која од непознати причини редовно завршува на вашата маичка, блуза, панталони, тешко грешите. Тоа е знак дека сте исклучително интелигентни. Имено, постои разлика во начинот на кој високо интелигентна личност го користи својот мозок во споредба со луѓето со пониска интелигенција. Кога размислувате за се што се случува кога ќе ја кренете чашата и ќе ја доведете до устата, работата станува многу појасна. Вашиот мозок ја пресметува тежината на стаклото, растојанието што раката мора да го помине со чашата без истурање, брзината на движење на раката и положбата на устата. Не е дека сте несмасни, туку дека другите работи се многу повисок приоритет за вас отколку пијалоците што ги консумирате, кои се на второ место. Сепак, интелигентните луѓе се многу ретко фокусирани на нештата што се случуваат во моментов, особено оние што работат автоматски. Тие имаат стотина други работи на ум, така што одлуката да се испие малку сок не бара ништо повеќе од автоматско дејствување, додека мозокот се занимава со други работи. – Колку вашиот мозок е помалку организиран, вие сте поинтелигентни. Со други зборови, не е дека сте несмасни, туку дека другите работи се многу повисок приоритет за вас отколку пијалоците што ги консумирате, а кои се на второ место, објаснува авторот на истражувањето Стив Џонсон.

Еве како за 0 денари да имате маица која стана вистински хит на Инстаграм

Ристе Здравков — Sat, 13 Jun 2020 15:40:58 +0000

Маици инспирирани од модата во 80-те години моментално се најпопуларни меѓу модните блогерки на социјалните мрежи. За популарноста на овие маици сведочи и познатиот „Lyst“, кој забележал дека побарувачката на маици со кратки ракави постојано расте. Само минатиот месец побарувачката за ова парче пораснала за 57 отсто, а сето тоа благодарение на модните блогерки на Инстаграм.

View this post on Instagram

No matter if you are black or white ?? wir bereiten gerade einen Blogpost zum Thema „BLACK OWNED BUSINESS“ vor... wir freuen uns über jeden Tipp sollte jemand coole Brands kennen nur her damit ?????? #constantlykstreetstyle

A post shared by k a r i n teigl (@constantly_k) on Jun 4, 2020 at 11:47pm PDT

Нејзината најпопуларна верзија е онаа која ја лансираше модниот бренд „The Frankie Shop“ и чини речиси 80 долари.

View this post on Instagram

New color!!! Eva #muscletee #newarrivals online now @darya_try_again shot by @anatheine styling @anitaszymczak_ #frankiegirl #thefrankieshop

A post shared by Frankie (@thefrankieshop) on May 30, 2020 at 6:13am PDT

Сепак, доаѓањето на најпосакуваните маици за оваа сезона никогаш не било полесно, бидејќи речиси од секоја маица која ја имате во ормарот можете да го направите овој хит модел, а притоа да не потрошите ниту денар. Во видеото погледнете колку е едноставно.

View this post on Instagram

#CamiFashionHacks ❗️How to make your loose T-shirt look stylish! ———- Truque Fashion de hoje! Transforme aquela camiseta larga em uma peça fashionista! Que tal? #moda #fashion #home #fashionhacks

A post shared by CAMILA COELHO (@camilacoelho) on May 11, 2020 at 4:25pm PDT

Грк претепан пред сопругата и детето бидејќи носел маичка со натпис „Македонски борци“

Ивана Ефремовски — Tue, 30 Apr 2019 14:31:36 +0000

Маж од Солун синоќа бил нападнат и претепан пред неговата сопруга и синот во Атина додека шетале во реонот на плоштадот „Егзархија“, соопштуваат грчките медиуми. Според изјавите на нападнатото лице пред полицијата, до нив се доближиле млади и почнале да го навредуваат заради маица со амблем Македонија. Според некои медиуми, маицата била со натпис „Македонски борци“, но не се прецизира дали амблемот или натписот имале врска со нашата држава Македонија или со грчката област. При нападот, младите му ја скинале маицата на мажот и му нанеле удари. Тој почнал да вика за помош, но никој не се одзвал. Потоа напаѓачите избегале во блиските улици.