Маја Кадиевска – Kurir.mk

Кадиевска: Досега енергетската криза македонските граѓани ги чини 113 милиони евра

Дарко Андоновски — Mon, 07 Feb 2022 21:31:32 +0000

„Досега енергетската криза не чини, односно до најнов датум 113 милиони евра и ова се податоци од отворени финансии на министерство за финансии. Тоа се трансфери од Владата од централен буџет до ЕСМ“,истакна Маја Кадиевска, член на ИК на ВМРО-ДПМНЕ во гостување во емисија „24 анализа“. Кадиевска додаде дека тука е и на БЕК трансферот и останатите оние пари што минатата година беа префрлени. „Не знам зошто околу 30 милиони евра се книжат како капитални инвестиции. А, тоа се чисти се знае трансфери за да се надмине овој енергетски шок“, рече Кадиевска. Кадиевска посочи дека според нејзе министерот требаше да ја предвиди енергетскта криза и да ја буџетира во 2022 година со повисок износ на пари. „Јас не очекувам дека економскиот раст ќе достигне оваа година 4.1%, очекувам некаде околу 3.5%. Како што очекував над 5.5% да е 2020-та, а излезе 6.1%, подлабока рецесија од што Владата ја предвиди. Така да некои работи треба да се предвидат навремено и да се превенира“, појасни Кадиевска.

Кадиевска: Македонија уште во 2020 година имаше повисока инфлација од еврозоната, а власта велеше се е „под контрола“ за да имаме денес ценовен шок

Магдалена Андонова — Mon, 07 Feb 2022 21:29:02 +0000

Соодносот помеѓу минималната и просечната нето не треба да биде понизок од 57%, а со ова сегашно веќе прифатено ниво од 18.000 денари и ноемвриската плата која што е официјален податок од ДЗС значи е околу 62.9% тој сооднос, истакна Маја Кадиевска, член на ИК на ВМРО-ДПМНЕ во гостување во емисија „24 анализа“. Кадиевска додаде дека ова ВМРО-ДПМНЕ ќе го поддржи. - ВМРО-ДПМНЕ ова ќе го поддржи бидејќи повторно ја земаат во предвид формулата, која што е добро, БДП го тргаат од страна затоа што постоеше и БДП во формулата и земаат 50 со 50 една третина од три параметри. Е сега има дискусии тука технички за формулата бидјеќи не е прецизирано кои трошоци од живот ги одговара, појасни Кадиевска. Кадиевска посочи дека не е добра вест растот на цената на нафтените деривати. - Поголемите економисти можеа да препознаат дека ќе следи еден ваков бран, не зборувам локлано само за македонската економија туку и глобално. И ние малку задоцнето изреагиравме и задоцнето ја антиципираа инфлацијата оние што ја водат макроекономската политика. Зашто би кажала? Според власта се беше „под контрола“ исто како што беше и енергетската криза. Од власта јавноста ја смируваа да не се плаши, за да наеднаш ни се случи ценовниот шок. Ние имаме ценовен шок уште во 2020-та година. Ако еврозоната ни е тој таргет од каде што де факто треба да ја анализираме инфлацијата ние имавме повисока инфлација и од еврозоната, рече Кадиевска.

Кадиевска: Не се почитува колективниот договор на јавниот сектор за раст на плати, ВМРО-ДПМНЕ ќе има амандман за ова прашање за да се почитува

Дарко Андоновски — Mon, 07 Feb 2022 20:58:13 +0000

„Знаеме дека постојат колективни договори според кои вредноста на бодот треба да биде согласно растот на минимална плата. Но, она што го имаме од терен дека не се случува истото. Значи ако имавме неколкукратно покачување на минималната плата значи во одредени сегменти од јавниот сектор немаме неколкукратно покачување на платите“, истакна Маја Кадиевска, член на ИК на ВМРО-ДПМНЕ во гостување во емисија „24 анализа“. Кадиевска додаде дека ВМРО-ДПМНЕ ќе поддржи зголемување на минимална плата. „Кажав како може да се подигне продуктивноста во целито јавен сектор. А, не само за една маса на луѓе кои што власта вика дека преживуваат. Јас велам дека има и други луѓе што преживуваат“, нагласи Кадиевска. Кадиевска посочи дека повторно цената на електричната енергија и ценовно ниво е зголемено за 7% од почетокот на кризата и наваму е удар за сите граѓани во државата, не само за одредена категорија на граѓани. „Кажав дека во колективните договори кои ги имаат од јавниот сектор е уредено прашањето како се зголемуваат платите меѓутоа не се почитуваат. И за тоа ќе има законски амандман тоа да се почитува“, појасни Кадиевска.

Кадиевска: Продуктивноста за мандат на оваа Влада со исклучена 2020-та година се намалува за 2%

Дарко Андоновски — Mon, 07 Feb 2022 20:53:13 +0000

„Пресметката за продуктивноста не знам од каде е добиена дека расте. Значи она што го знам да заоните се исклучок во целата наша економија, меѓутоа продуктивноста на ниво на цела економија не расте. Тука да не бидеме во забуна. Дека минималецот не е согласно растот на продуктивноста напротив само за бројка да кажам со исклучена 2020, не сака да ја ставам бидејќи оваа година ја ставам тогаш продуктивноста за мандат на оваа Влада паѓа од нивото од 2016 за 7.6%. со исклучена 2020-та се намалува за 2%. Значи ова се пресметки кои што се на ниво на цела економија, а да не кажам по сектори“,истакна Маја Кадиевска, член на ИК на ВМРО-ДПМНЕ во гостување во емисија „24 анализа“. Кадиевска додаде дека по сектори се има расчекор неверојатен. „Преработувачка индустрија имаме некоја стагнација, имаме бруто раст на плати. Значи трошоци за единица за труд по единица производ значи тоа во економијата се вика пополека експлодираат. Колку не чинеше оваа мерка? Бидејќи знаеме дека беше субвенциониран растот на минималната плата од страна на државата и исто така и зголемувањето на платите над растот на минималната плата, јас не видов, еве јас да сум министер за финансии одговорно пред јавноста би ги дала бројките на субвенциите. На пример, пред извесен период една – две недели „Finance think“ излезе со анализа дека во само 2021 година вкупно се дадени 40 милиони субвенции за придонеси за плати и за одржување на минималецот. Значи јас да сум министер, одговорен во Влада би ги дала тие бројки“, рече Кадиевска. Кадиевска посочи дека Владата треба да каже колку таа економска мерка ги чини граѓаните. „Мотивацијата на вработените се гледа токму по податоците, дали има раст или паѓа продуктивноста. Ние цел овој период оваа Влада пред да дојде на власт ја префрлаше топката на другата Влада дека премногу вработува, дека премногу троши за една обемна и гломазна јавна администрација. А, ние сега во моментов имаме повеќе министри отколку претходната Влада предводена од ВМРО-ДПМНЕ. Значи не се тие заложби кои што на делос ега ги гледаме. Ако сакаме да имаме јавна администрација ефикасна и мотивирана, значи треба да биде правилно вреднувана во смисла на плати“, појасни Кадиевска. Кадиевска укажа дека во одредени сегменти има популизам од страна на Владата.

Кадиевска: ВМРО-ДПМНЕ ќе поднесе амандман на Законот за минимална плата, во кој што ќе се побара и останатите плати во јавниот сектор да растат

Магдалена Андонова — Mon, 07 Feb 2022 20:46:39 +0000

ВМРО-ДПМНЕ како најголема политичка партија во Македонија е за се она и за секоја мерка што ќе значи зачувување на стандардот на граѓаните. Преку минималецот значи зачувување на куповната моќ на грааните. Имајќи во предвид дека инфлацијата расте, растат не само трошоци на храна, туку и електричната енергија, трошоците за домување. Меѓутоа од иста страна компаниите се погодени од ценовниот шок и тука растат и останатите трошоци за производство, пред се електрична енергија, гас, значи горивата, меѓутоа исто така и цените за останатите репро материјали, суровини. Знаеме дека на глобално ниво се случува се уште застој на испорака, зголемени транспортни трошоци и да не заборавиме дека се уште сме во пандемија и дека има и трошоци од пандемијата како отсуства на вработени од работа. Тука неодамна и законот за примената на недела неработен ден и повисоки дневници за тоа, истакна Маја Кадиевска, член на ИК на ВМРО-ДПМНЕ во гостување во емисија „24 анализа“. Кадиевска додаде дека ВМРО-ДПМНЕ ќе биде за оној компромис кој што ќе го постигнат работодавачите и работниците. - Како политичка партија ќе бидеме за оној компромис кој што ќе се постигне помеѓу работодавачите и работниците, односно синдикатот. Меѓутоа од ова студио објавувам дека исто така ќе дадеме и амандман на Законот за минимална плата, во кој што ќе побараме и останатите плати во јавниот сектор поради тоа што нели државата може тоа да го направи, е да растат согласно растот на минималната плата. Зашто би го направиле ова? Од проста причина што ако минималната плата за вработен хигиеничар порасне на 18.000 денари, би требало и платата на професор соодветно да порасне согласно овој раст, а не да остане иста, нагласи Кадиевска. Кадиевска посочи дека затоа во Собранието ќе се поднесе оваа иницијатива и се надева дека парламентарното мнозинство ќе ја прифати. Нека има правилен раст на платите, да не биде само ад хок зголемување.