маја коцијанчич – Kurir.mk

Коцијанчич: ЕУ е против воена интервенција во Венецуела

Предраг Кукиќ — Mon, 25 Feb 2019 18:17:48 +0000

Европската Унија бара да се најде начин да се „избегне воена интервенција“ во Венецуела, изјави денеска Маја Коцијанчич, портпаролката за надворешна политика на ЕУ. -Категорично исклучуваме секаква поддршка од Европската Унија или прифаќање на воена ескалација во Венецуела. Предупредивме јасно дека нема да поддржиме и дека најстрого осудуваме секаква странска воена интервенција, истакна Коцијанчич. ЕУ продолжува да инсистира на изнаоѓање „мирен и демократски“ начин за решавање на венецуелската криза, каде Николас Мадуро одбива да ја напушти претседателската функција, а опозицискиот лидер Хуан Гуаидо се прогласи за легитимен шеф на државата и беше признат од голем дел од меѓународната заедница, пред сѐ западните земји. САД не ја исклучија опцијата за воена интервенција, а состојбата на терен се влошува од ден на ден.

Коцијанчич: Новинарите треба да работат непречено, а владата да не се заканува преку „правни последици“ кон медиумите

Дарко Андоновски — Thu, 07 Feb 2019 10:54:09 +0000

Портпаролката на Европската Комисија, Маја Коцијанчич, ги потсетува сите политички актери во Македонија дека слободата на медиумите и новинарите е од посебна важност за ЕУ, јави дописничката на МИА од Брисел. Европската Комисија, преку портпаролката Маја Коцијанчич, реагираше на изјавите на вицепремиерот Бујар Османи и на соопштение на Министерството за здравство. Во двата случаи се формулирани закани за “правни последици“ кон медиуми за начинот на известување. Европската Комисија, која редовно ги следи настаните во земјата во пресрет на одлуката за старт на преговори со Македонија, потсетува дека ЕУ “и дава посебна важност на слободата на медиумите“. -Нашиот извештај во 2018 истакна дека иако постои подобрување на медиумската клима, нулта толеранција треба да има за физичко и вербално вознемирување, како и закани кон новинарите, вели за МИА Маја Коцијанчич Таа додаде дека за Европската Унија е многу важно новинарите да можат да си ја извршуваат задачата во атмосфера која им овозможува да работат. Портпаролката на ЕК за МИА исто така додаде дека Унијата очекува сите наводи за можна злоупотреба на јавни фондови да бидат предмет на истрага од страна на надлежните тела, алудирајќи на случајот со непрефрлените средства во вториот пензиски столб, за кој говореше министерката за труд и социјална политика, Мила Царовска.

Коцијанчич без коментар за заканата на Мицотакис за можно грчко вето за Македонија во ЕУ

Предраг Кукиќ — Mon, 28 Jan 2019 12:22:48 +0000

Запрашана за изјавите на Киријакос Мицотакис, лидерот на грчката опозициската партија Нова демократија, дека Грција ќе ја задржи контрола врз процесот на зачленување на Македонија во ЕУ и неговата закана за можно вето, портпаролката на ЕК, Маја Коцијанчич денеска потсети на „јасниот пат на земјата кон ЕУ“, јави дописничката на МИА од Брисел. -ЕУ перспектива е многу присутна, знаете дека Советот лани постави јасен пат кон отворањето на пристапните преговори во јуни 2019 и веруваме дека со оглед на последните настани, напорите во таа насока треба да се зајаканат, но ова е поширока задача која вклучува и работа врз реформите. Сепак, имаме многу јасен пат напред, рече Коцијанчич. По ратификацијата на Преспанскиот договор во Грција во петокот, Македонија очекува да добие зелено светло за старт на преговори во ЕУ во јуни годинава, доколку ги исполни трите поставени услови: реформа на јавната администрација, на тајните служби и на судството.

Коцијанчич до Приштина: Укинете ги таксите и продолжете со дијалогот

Дарко Андоновски — Mon, 28 Jan 2019 11:38:30 +0000

Косово треба да ги укине таксите од 100 отсто за увоз за стоки од Србија и Босна и Херцеговина, изјави портпаролката на високата претставничка на ЕУ за надворешна полиитка и безбедност Федерика Могерини, Маја Коцијанчич, додавајќи дека Европската Унија очекува Приштина и Белград да го продолжат дијалогот, што би довел до нормализирање на нивните односи. – Сеопфатен правно обврзувачки договор за целосна нормализација на односите меѓу Белград и Приштина бара клима која придонесува за добрососедските односи, со почитување и целосна имплементација на постојните договори, изјави Коцијанчич за приштински „Зери“. Според неа, за постигнување на ова, двете страни треба да се воздржат од изјави и потези кои не се во интерес на регионот. Коцијанчич додава дека Брисел очекува Србија и Косово брзо да го обноват во дијалогот, бидејќи постои директна врска помеѓу нормализација на односите и нивната европска перспектива.

Коцијанчиќ: Приштина да ги повлече мерките, сите да се зводржат од провокации

Ристе Здравков — Thu, 22 Nov 2018 14:07:44 +0000

Пораката на Брисел по повод зголемувањето на царините за српските стоки при увоз во Косово е дека очекува Приштина да ги повлече тие мерки, а обете страни да се воздржат од провокации, изјави Маја Коцијанчиќ, портпаролка на високата претставничка за безбедносна и надворешна политика на ЕУ Федерика Могерини. Таа ги отфрли критиките од Приштина дека шефицата на дипломатијата на ЕУ Могерини е пристрасна и оти го критикува смао Косово. – Реакцијата на косовските власти во овој контекст едноставно не е вистинскиот начин. Постојат начини да се решат овие прашања и со нив треба да се користите, вели Коцијанчиќ. Таа посочи дека сите разлики треба да се решаваат во рамки на дијалогот Приштина – Белград. – Последните акции, мерки и изјави од Косово и од Србија, кои другата страна ги сфати како навреди и провокација, се вознемирувачки, не му користат на дијалогот и нормализацијата на односите и подриваат се она што беше сработено во рамки на дијалогот, рече Коцијанчиќ. Што се однесува мерките кои ги воведе Приштина, Коцијанчиќ рече: Нашата порака е јасна и доследна. Во прашање е кршење на ЦЕФТА договорот и не е во духот на Спогодбата за стабилиазција и асоцијација. По неуспехот на Косово да стане членка на Интерпол, Владата во Приштина вчера донесе одлука за зголемување на таксите за производите од Србија и Босна и Херцеговина за 100 проценти.

Коцијанчич: ЕУ не сака да се меша во “Случајот Груевски”

Ристе Здравков — Fri, 16 Nov 2018 09:16:20 +0000

Европската унија не сака да се меша во случајот со поранешниот премиер Никола Груевски и со неговото барање политички азил во Унгарија. Пресинг ТВ го праша портпаролот на Европската комисија, Маја Коцијанчич дали доколку Унгарија како земја членка на ЕУ одобри азил ЕУ тоа ќе го почитува. Одговорот е дека , тоа е случај кој не смее да се политизира. “Свесни сме за ситуацијата во врска со господинот Груевски. Ние не коментираме тековни судски постапки. Владеењето на правото е основен принцип на Европската унија, за земјите членки и за земјите кандидати. Очекуваме сите заинтересирани страни да дејстуваат строго во согласност со релавантните правила. Ова е судска постапка која не смее да се политизира”, изјави Коцијанчич за Пресинг ТВ.

Македонија засега останува ПЈРМ за ЕУ

Дарко Андоновски — Mon, 18 Jun 2018 11:47:12 +0000

Портпаролката на Европската Комисија, Маја Коцијанчич, прецизириаше дека сѐ додека не е целосно имплементиран договорот постигнат помеѓу Грција и Македонија за спорот со името, Европската Унија ќе продолжи да ја нарекува земјата според привременото име. – Договорот е постигнат, но остануваат одреден број чекори кои треба да се преземат за да биде комплетиран, за официјална комуникација ќе продолжиме да ја нарекуваме Поранешна југословенска Република Македонија, како што е случај во нашите соопштенија досега, изјави Коцијанчич.