маја миа – Kurir.mk

СЕ ОГЛАСИ ЛИЛА ПО ТРАГЕДИЈАТА: Бог ќе ви суди, тие родители изгубиле дете, таа не е веќе меѓу живите – освен името ништо друго не знаете за неа! (ФОТО)

Дарко Андоновски — Tue, 06 Dec 2022 12:07:37 +0000

Водителката Лила Стојановска по трагичната вест дека била пронајдена мртва инфлуенсерката Маја Миа се огласи со голем гнев и разочарување. -Не знам, веројатно по дома вашите жени и ќерки се светици, зошто очигледно по вашите коментари сите останати се неморални и лесни жени! Не дај боже да е убава и успешна, е тогаш почнува вистински натпревар, кој поОдвратен и позлобен коментар ќе остави! Па уште си се дополнувате ( леле баш така во право си брат…леле што убаво и пиша), мизерии едни мизерни!!! Па добро, вие имате ли барем малку мозок, емпатија… некакво чувство?! Имате ли сeмејства, роднини,колеги, комшии од кои треба барем малку да ви е срам?! Имате ли? Па која е таа состојба на умот да седнете и да пишувате одвратни коментари за некој кој за жал веќе не е меѓу живите, а притоа е млада жена, а освен името ништо друго не знаете за неа! Па она има и родители, семејство кое е во неверојатен шок, преживува трагедија…. Изгубиле дете! Срам да ви е! А одите во црква, се крстите, се молите на бога, слави славите, наредени икони и светци низ куќа…. Безбожници едни !!! Ама да си знаете истиот тој бог ќе ви суди , секому според заслуга! Оставете девојката да почива во мир и сочувство до нејзиното семејство за оваа голема и ненадоместлива загуба…. 🙏, стои во нејзиниот пост на Фејсбук.

Се огласи МНР околу смртта на Маја Миа Јанеска

Дарко Андоновски — Tue, 06 Dec 2022 09:47:26 +0000

По добиените информации за почината македонска државјанка Маја Јанеска во Јужноафриканската Република, Министерството за надворешни работи соопштува дека преку надлежната Амбасадата во Каиро, стапи во контакт со надлежните органи на земјата, од каде добиле потврда за трагичниот настан. Нашите претставници се во постојана и непосредна комуникација со надлежните јужноафрикански власти како и со роднините на починатата, како во делот на утврдување на деталите така и околу организирањето транспорт на посмртните останки на починатата во земјава, соопшти МНР. Познатата инфлуенсерка и мејкап артистка Маја Миа Јанеска била пронајдена мртва со прострелна рана во местото каде што живеела во Јужна Африка. Јанеска е по потекло од Охрид, повеќе од една деценија живеела во Танзанија, а пред смртта живеела во Јужна Африка. Без многу детали за причините за смртта, веста ја објавија повеќе африкански медиуми, а преку социјалните мрежи тажната вест ја сподели нејзиното момче, Оми Димпо Мурнс, пејач – рапер од Танзанија. Јанеска неодамна објави фотографии на нејзиниот инстаграм профил со актуелни политичари, меѓу кои и министерот за надворешни работи Бујар Османи и поранешниот министер за здравство, Венко Филипче.

МНР ќе го организира транспорт на посмртните останки на починатата Маја Миа од Јужна Африка

Катерина Бојаџиева — Mon, 05 Dec 2022 13:13:59 +0000

По добиените информации за почината државјанка на Република Северна Македонија (М.Ј.) во Јужноафриканската Република, Министерството за надворешни работи преку надлежната Амбасадата во Каиро, стапило во контакт со надлежните органи на земјата, од каде добиле потврда за трагичниот настан. -Нашите претставници се во постојана и непосредна комуникација со надлежните јужноафрикански власти како и со роднините на починатата, како во делот на утврдување на деталите така и околу организирањето транспорт на посмртните останки на починатата во земјава, информираат денеска од МНР. Како што објавија дел од медиумите, Јанеска позната како Маја Миа била пронајдена почината во Јужна Африка. Тамошните медиуми, повикувајќи се изјавата од портпаролот на полицијата, информираа дека до мртвото тело на Јанеска имало оружје.

„МАЈА ЛЕЖИ ТАМУ ВО НЕКОЈА МРТОВЕЧНИЦА И НЕМАМЕ ПОИМ ШТО СЕ СЛУЧИЛО“: Рацете на роднините им се врзани бидејќи не може да одат во Јужна Африка

Дарко Андоновски — Mon, 05 Dec 2022 11:17:12 +0000

Полицијата потврди дека Маја Јанеска во петокот била пронајдена со прострелна рана во главата Јанеска во моментот на нејзината смрт била во врска со Кајл Филипс, ко-директор на компанијата за цигари „Карнилинкс“ на Адријано Мацоти. Полицијата не ја третира смртта на Јанеска како сомнителна, но семејството и пријателите изјавија за „News24“ дека не можат да веруваат дека таа би си го одзела животот.

Познатата шминкерка и бизнисменка Маја Јанеска – чие момче, тајкун (за цигари), Кајл Филипс, му помогнал на лидерот на ЕФФ Џулиус Малема да ја плати даночната сметка – починала од прострелна рана во главата, потврди полицијата. Полицијата за „News24“ изјави дека отворила увид во врска со смртта на Јанеска, што значи, во оваа фаза, дека тоа не се третира како сомнително од органите на прогонот. Полицијата добила повик за лице кое наводно се самоубило во „Bassonia Estate“. По пристигнувањето на дадената адреса, полицијата пронашла жена во спалната соба со прострелна рана во главата. До неа имало огнено оружје. Брзата помош констатирала смрт“, изјави портпаролот на полицијата, потполковник Мавела Масондо.

„News24“ од извори дознава дека Филипс на блиските до инцидентот им кажал дека во моментот на смртта на Јанеска бил во куќата и се упатил кон собата каде што била пронајдена. Поранешната сопруга на Филипс, Трејси, ја оспори оваа приказна за настаните, но не можеше да даде никакви детали за тоа зошто. Таа рече дека Филипс е „уништен и шокиран од оваа трагедија“. Таа рече дека тој „ќе соработува со истрагата“. Шокантаната смрт на популарната македонската инфлуенсерка на Инстаграм, чии 1,2 милиони следбеници вклучуваа и познати личности, го остави во тага нејзиното семејство во земјава, како и нејзините пријатели во Јужна Африка. Роднина, кој побара да остане анонимен, изјави за „News24“ дека семејството е во „апсолутен шок“ од катастрофалните вести.

„Нашите телефони не престанаа да ѕвонат; сето ова е ново за нас. Ние сме во Европа, а рацете ни се врзани затоа што не можеме да дојдеме во Јужна Африка поради проблеми со визите. Маја лежи таму во некоја мртовечница и немаме поим што всушност се случува“, додаде роднината. Според нејзиниот роднина, семејството на Јанеска дознало за нејзината смрт преку еден од поранешните соработници на Филипс, кој им се јавил да им каже дека нејзиното тело е пронајдено, а дека самоубиството е сомнителна причина за нејзината смрт. „Таа понекогаш се плашеше за својот живот. Нејзиното момче имаше мажи кои работеа за него, а таа се плашеше и од нив. Срцето ни е скршено и сериозно не знаеме што да правиме".

Роднината додаде дека, кога Филипс ги контактирал за смртта на Јанеска, изгледал „вознемирен“. За блиската пријателка на Јанеска, Ива Ристиќ, веста за нејзината прерана смрт беше „срцепарателна“ и невозможна за обработка. „Разговарав со неа во четвртокот, и таа не сакаше да се самоубие. Таа не беше таква личност“, рече таа. Таа додаде: „Таа штотуку се врати од дипломатско патување во Македонија. Беше толку убава жена, полна со живот, многу талентирана и амбициозна. Таа беше добро запознаена со министрите во земјава и шефовите. Таа го сакаше животот и не разбирам зошто некој би и наштетил на каков било начин.“ Објавите на Јанеска на социјалните мрежи и медиумските ангажмани ја прикажуваат како расположена и амбициозна жена, која беше решена да успее.

Во обраќањето до студентите на универзитетот, само девет дена пред нејзината смрт, Јанеска раскажа како на 19-годишна возраст се преселила во Танзанија, каде што добила понуда да работи во хотел. Таму научила Свахили и започнала кариера како шминкер и стилист. Таа ја повика својата млада публика да не се откажува од своите соништа. „Можете да имате добри и лоши моменти во животот, но вие сте тој кој може и треба да прави промени. Желбата е едно, самодовербата е друго. Верувајте во себе, бидејќи само така ќе успеете", рекла таа. На нејзината последна објава на Инстаграм, од 22-ри ноември, Јанеска е фотографирана со министерот за надворешни работи на Македонија, Бујар Османи. Таа објави дека ангажманот има за цел воспоставување дипломатски односи меѓу „мојата земја“ Република Македонија и „мојот втор дом“ Република Јужна Африка. Објавите на Јанеска на социјалните мрежи и профилот на „LinkedIn“ покажуваат длабока промена од нејзиниот ран живот како шминкерка и блогерка за убавина кон аспиративен бизнисмен.

Таа откри дека „продолжува да расте“ меѓу другото во енергетска, рударска и тутунска индустрија. Нејзината врска со Филипс – кој е ко-директор на компанијата за цигари на Адријано Мацоти, „Карнилинкс“ – беше опишана од оние кои ја познаваа двојката како „on and off“. Парот сепак беше сликан заедно на свадбата во јули на ќерката на Мацоти на Ибица, на која присуствуваа и Малема и неговата сопруга. Во 2015-та година, „Сандеј Тајмс“ објави судски документи, поврзани со даночниот спор помеѓу Малема и Службата за приходи на СА, кои откриле дека лидерот на ЕФФ им кажал на даночните власти дека Филипс му позајмил 1 милион Р. за да помогне во подмирувањето на неговата даночна сметка.

БИЛА ПРОНАЈДЕНА МРТВА ВО СПАЛНАТА СОБА, А ПОКРАЈ НЕА ИМАЛО ПИШТОЛ – за полицијата нема ништо сомнително, но за семејството има!

Дарко Андоновски — Mon, 05 Dec 2022 09:41:32 +0000

Јужноафриканската полиција ги истражува околностите во кои трагично го загуби животот Маја Јанеска, познатата инфлуенсерка и мејк-ап артистка која потекнува од Македонија. Таа во петокот била пронајдена со прострелна рана во главата, јавува еден јужноафрикански портал. Според порталот, полицијата не ја третира смртта на Јанеска како сомнителна, но семејството и пријателите изјавиле дека не можат да веруваат дека таа сама би си го одзела животот. „Полицијата добила повик за лице кое наводно се самоубило во имотот Басонија. По пристигнувањето на дадената адреса, полицијата пронашла жена во спалната соба со прострелна рана во главата. До неа имало огнено оружје. Смртта ја потврдил лекар“, изјавил портпаролот на полицијата Масондо. Порталот пренесува дека нејзиното момче за време на настанот било во домот. Познатата инфлуенсерка пред неколку дена била во Македонија. „Не можам да поверувам дека повеќе не е меѓу нас, а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да се воспостават дипломатски односи“, пишува на Фејсбук нејзиниот долгогодишен пријател Сефер Цаноски од универзитетот ФОН. Цаноски вели дека Маја му кажала дека создала голема мрежа на пријатели во многу држави на африканскиот регион и дека ја почитуваат како успешна жена. „Во тоа се уверив и сам, за време на моето патување во Африка, кога организираше средби со неколку земји и со целиот државен врв во Преторија во Јужна Африка. Беше многу почитувана таму. А само три дена подоцна Јужна Африка испрати писмо до македонското МНР дека се подготвени да воспостават дипломатски односи. Желбата ѝ беше во Јужна Африка да има македонска амбасада“, пишува Цаноски и додава дека вчера министерката на претседателот на Јужна Африка му се јавила со шокантна вест и го известила дека во петокот утрината Маја го загубила животот во несреќен случај.

Која беше Македонската инфлуенсерка која несреќно почина: Приватни авиони и најскапа брендирана облека – пред една недела се сликаше и со нашите политичари

Дарко Андоновски — Mon, 05 Dec 2022 08:48:59 +0000

Информацијата за смртта Македонката Маја Јанеска (Маја Миа) од Охрид стана топ тема во Македонија. Таа пред неколку дена беше во посета на земјава, па овдешната поширока јавност првпат слушна за инфлуенсерката и мејкап артиската, која околу 22 години живееше во Танзанија и Јужна Африка.

Која е Јанеска Според информациите кои за нејзе можат да се најдат на нејзините профили на социјалните мрежи, на интернет и тие што ги сподели Универзитетот АУЕ-ФОН, каде пред неколку дена пред студентите држеше мотивациски говор, од Македонија во Африка заминала на 19-годишна возраст.

Најпрво живеела во Танзанија, каде се вработила во хотел. За полесно да се прилагоди во Африка, за само три месеци го научила јазикот свахили, еден од 14. официјални јазици во Африка, а зборувавала седум јазици. За брзо таму започнала бизнис во текстилната индустрија, а подоцна влегла и во уметничкиот бизнис и стајлинг, и го отворила своето прво училиште за make up, кое било прво и единствено училиште од таков вид во земјата.

Освен познати личности од Африка, таа соработувала и со светски познати ѕвезди, како Кајли Џенер и Ким Кардашијан. Продолжува со едукативни видеа за шмикање и стајлинг на нејзините профили на Инстаграм, Фејсбук и Јутјуб, на кои ја следат повеќе од 1,2 милиони следбеници. Имаше и своја линија за шминка во соработка со светскиот бренд Анастасија Беверли Хилс.

Имала и сопствена компанија за бизнис со руда, нафта, гас, лотарија, пакување тутун и трговија со други стоки. Зошто беше во Македонија Таа пред неколку денови беше во Македонија заедно со бизнисмени од Јужна Африка за воспоставување дипломатска, образовна и економска соработка меѓу Македонија и африканските земји, а на Универзитетот АУЕ – ФОН одржа мотивациски говор пред студентите. На социјалните мрежи објави и фотографии со актуелни и поранешни македонски политичари.

МАКЕДОНСКИОТ БИЗНИСМЕН ЈА ОТКРИ ПРИЧИНАТА ЗА ТРАГЕДИЈАТА – телото на македонската инфлуенсрека ќе биде донесено со авион во Охрид!

Дарко Андоновски — Sun, 04 Dec 2022 20:57:00 +0000

Сефер Цаноски, директорот на ФОН универзитетот, на својот фејсбук профил соопшти дека таа во петокот сабајле го загубила животот во несреќен случај. -Ние имаме свои планови, но господ има негови. Од него сме создадени и кај него сите ќе одиме. Не можам да поверувам дека повеќе не е меѓу нас а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да воспостават дипломатски односи. Ја немав видено повеќе од 20 години од средношколските денови и минатата година во Дебар мало некој ми вика “кај си школски ? Гледам познато лице. Море школски Маја ме заборај ? 20 години сум Африка, останав ама не старееме, гледам дека си и ти добар , уба генерација сме не се даваме… Ај да и помогнеме на државава да се признајт да напрајме нешто. . . Од секогаш беше добричина, уникатна и своја. Ја имаше истата енергија со еден куп планови и беше полна со живот. Ми кажа дека создала голема мрежа на пријатели во многу држави на афричкиот регион и дека ја почитуваат како успешна жена. Во тоа се уверив и сам во моето патување во Африка кога организираше средби со неколку земји и со цел државен врв во Преториа на Јужна Африка. Беше многу почитувана таму. А само 3 дена подоцна Ј. Африка испрати писмо до МНР на МКД дека се подготвени да воспостават дипломатски односи. Желба и беше во Ј. Африка да има македонска амбасада. Вчера министерката на претседателот на Јужна Африка ми се јави со шокантна вест и ме извести дека во петокот сабајле Маја го загубила животот во несреќен случај. Изразив сочувство до нејзината фамилија каде ме известија дека со нејзиниот вереник од Јужна Африка се слушнале за трагедијата која се случила и ветил дека заедно со авион ќе ги донесе посмртните останки и ќе биде достоинствено погребана во својот Охрид. Не можам да поверувам дека пишувам за оваа голема трагедија. А имаше толку многу планови… Сочувство до семејството и бог да ја прости, стои во неговиот пост на Фејсбук.

ПРОНАЈДЕНА МРТВА ДЕСЕТИНА ДЕНА ОТКАКО СЕ СЛИКАШЕ СО ОСМАНИ И ФИЛИПЧЕ– инфлуенсерката Маја Миа ги остави следбениците во неверување!

Дарко Андоновски — Sun, 04 Dec 2022 18:55:37 +0000

Популарната мејкап артистка и инфлуенсерка Маја Миа Јанеска, по потекло од Охрид, била пронајдена мртва во Африка, јавуваат тамошните медиуми. Миа е родена во Македонија, но живеела во Танзанија повеќе од една деценија. Извештаите велат дека пред нејзината смрт таа живеела во Јужна Африка. Засега не се наведуваат причините за смртта на Маја, иако има разни шпекулации во африканските медиуми. Сепак нејзината смрт засега е мистерија.

Маја Миа неодамна беше во центарот на вниманието на јавноста во нашата земја откако фотографии со неа објавија актуелни политичари, меѓу кои и министерот за надворешни работи Бујар Османи и поранешниот министер за здравство, Венко Филипче.