Клиниката КАРИЛ не е во функција по невремето во Скопје – директорката блиска до власта не мрднала со прст шест години откако е на функцијата

Дарко Андоновски — Thu, 01 Sep 2022 09:53:50 +0000

По невремето во Скопје пред два дена испливаа сите криминални аномалии кои што ги имаа направено владата на поранешниот премиер Зоран Заев и министер за здравство Венко Филипче, а ги поддржува актуелниот министер за здравство, Беким Сали. Имено со силниот дожд и невреме кое го зафати Скопје во вторникот попладнето испливаа на виделина сите промашувања и стратешки грешки и истата клиника не е во функција, а пациентите се препраќаат во другите клиники. Мојсова во најкус можен рок треба да преземе одговорност и санација на оштетените делови во клиниката. Клиниката за интензивна нега и реанимација треба да биде лице на здравствениот систем на една земја, а нејзиниот раководител да биде најкомпетентен за таа позиција. Клиниката освен тоа требаше во овие шест години да биде најопремена, најсовремена, најорганизирана и со најквалитетен персонал. Директорката освен што се појавува во позадината на сите политички настани, е дел од раководството на власта и гостува по телевизии, не покажува никакви други менаџерски способности и покрај сите врски и политички влијанија што и се на располагање. Во време на здравствена криза не се вклучи со анестезиолошки тим во борбата против Ковид 19, а се обиде да ги прикрие и повредите на несреќно починатиот ракометар кој беше претепан пред дискотека, а во актуелната енергетска криза, продолжува со непрофесионално и неодговорно однесување, не само таа туку и сите структури во Министерството за Здравство како и сите раководни структури во болниците и здравствените установи. Ваквата состојба треба да претставува прва и основна причина за смена на било која власт, па и на оваа која што е раководена од СДСМ, а диригитрана од криминалната ДУИ.

Мојсова: Трагите на насилство не биле видливи поради немање циркулација

Ивона Петрова — Thu, 14 Apr 2022 05:23:42 +0000

Директорката на КАРИЛ, Маја Мојсова вчеравечер потврди дека хрватскиот ракометар Денис Тот бил донесен на Клиниката без видливи траги на насилство. Трагите, како што рече, не биле видливи поради немање циркулација, не се забележани модринки, скршеници или повреди на ребра. Мојсова во 24 Анализа појасни дека е констатирано оти пациентот бил без срцева реакција, без притисок и без сатурација. Тот, напомена, бил донесен практично мртов. Спасувањето траело околу 15 минути и било неуспешно, се до последен момент кога е добиена срцева реакција. – Во координација со дежурниот анестезиолог е решено да се направи компјутерска томографија. Брзата помош го најавува пациентот во Ургентниот центар како пациент кој е животозагрозувачки со некоја пулсна фреквенција на срцето која е спорна зошто срцето работи автоматски и во извештајот се вели без видливи повреди на телото, објасни Мојсова. Директорката на КАРИЛ заклучи дека последниот збор во врска со смртта на хрватскиот ракометар ќе го има извештајот од Институтот за судска медицина и криминалистика. МИА

маја мојсова – Kurir.mk

Клиниката КАРИЛ не е во функција по невремето во Скопје – директорката блиска до власта не мрднала со прст шест години откако е на функцијата

Мојсова: Трагите на насилство не биле видливи поради немање циркулација